БКМ, МОМ, 6-семестр, 5.4

Таблицалык бөлүү

Алгач балдар таблицалык бөлүү менен таанышышат. 2ге жана 3кө көбөйтүүнүн таблицасын жатка билишкенден кийин, ошол таблицаларды билген билимдерге ылайык бөлүү амалы менен 4-сабакта таанышышып2ге бөлүүнүн таблицасы түзүлөт.

2:2=... 8:2=... 14:2=...

4:2=... 10:2=... 16:2=...

6:2=... 12:2=... 18:2=...

Бул таблицадагы тийиндилердин маанисин сүрөттөгү элементтерди бөлүштүрүп саноого ылайык аныкташат.

Кийинки бөлүүнүн таблицасы – 3кө бөлүү болуп саналат. Бул таблица белгисиз көбөйтүүчүнү табуу эрежесин пайдаланып, көбөйтүүнүн компоненттеринин өз ара байланыштарынын негизинде түзүлөт. Таблицаны түзүү этабы предметтик моделдерге таянылып аткарылат (фланелеграфтагы модели же сүрөтү боюнча).

Мисалы:

Сүрөттү пайдаланып төмөнкүлөрдү аткар жана текшер.

9:3=3

12:3=4 12:4=...

15:3=5 15:5=...

18:3=6 18:6=...

21:3=7 21:7=...

24:3=8 24:8=...

27:3=9 27:9=...

Мындай сүрөттү пайдалануу биринчи 2 учур менен өз ара байланышкан бөлүү учурун (3-мамыча) текшерүү мүмкүнчүлүгүн берет. Ал 3кө бөлүү таблицасына таандык эмес, бирок биринчи 2 учурга карата жаттоого жеңил болгон 3 менен оз ара байланышкан мүчө болуп саналат. Бул ыңгайлуу мнемоникалык ыкма болуп саналган бөлүү таблицасын жаттоо эрежеси болуп саналат.

1. 1) Бөлүү амалынын маанисине байланыштуу ыкма

2) Көбөйтүү жана бөлүү компоненттеринин өз ара байланыштуулук эрежесин пайдалануу ыкмасы.