"Благопожелания"

Благопожелания уреэлнууд на бурятском языке

Бүмбэрсэг энэ дэлхэй дээрэ

Олон бэшэбди — буряaдууд,

Түрэл хэлэеэ мартангуй

Ажаhуухадамнай болохол hэн даа…

Түби дэлхэй дүүрэн

Таража ябаhан буряaдууд

Гэртээ бусаха гээшэ гүт?

Таламнай дуудан хүлеэнэл…

Эртэ урданайнгаа байдалые

Бусаажа шадахагүбди,

Буряадууд?

Түрэл орон нютагтаа

Туhа хургэжэ шадаха гүбди,

Буряaдууд?

Бэе бэеэ гамнажа,

Ойлголсохогүбди, буряaдууд?

Байгалаа сахижа шадаха гүбди?

Байдалаа амгалан болгохо гүбди?

Үри хүүгэдтээ — юу орхихобибди?

Иимэ асуудалнууд толгойдотной

Ерэнэ гү, буряадууд?

Монгол угсаатан — угаа мартанхай…

Юyгээ hанажа ябаhан

Буряадууд гээшэбибди?

Үхөөд бодоhон намайе

Бү муушалагты,

Саг муу болоо гэжэ

Намда бү хэлэгты!

Энэнhээ үлүүе үзөөбди,

Харин түрэл хэлэеэ

Эжы абанарнай алдаагүй

Ямаршье хатуу сагта.

Тиимэhээ мүнөөнэй сагта

Тоонто нютагаа, түрэл хэлэеэ

Мартахадамнай

Нүгэл бэшэ гү?

Ойлгоно гүт тэрэниие,

Буряадууд?!

Наранай туяадал,

Һарын толондол.

Шүүдэрэй дуhалдал,

Аадарай hолонгодол.

Аршаан булагтал,

Худагай уhандал.

Жэгтэй сэбэрхэн,

Дангина басаган.

Хэнэhээш гоёхон,

Гоохон хатан.

Yдэрэй hанаан,

Yдэшын зүүдэн.

Омог дорюун угтаял!

Yндэр наhатанаа хYндэлжэ

Уулзажа сагаалжа ябая!

Ургажа ябаhан аша, зээнэртээ

hаншаг сагаан хYгшэдтээ

Залуу хYдэр ажалшадтаа

Зол жаргалые Yреэнэб!

Алдар сэнхир хадагаа барижа,

Aлтан дэлхэйдээ сэржэмээ ургэе!

Yбгэн буурал аба эжыгээ хундэлжэ,

Yглоонэй элшэ нараар золгое!

Уг гарбалаа уhанда хаянгуй,

Yгэеэ hалхинда хиидхуулэнгуй,

Yреэлээ улхэжэ, заяагаа залгажа,

Yеын уедэ мунхэжэ жаргая!

Сагаан hараар! Сагаалганаар!

Сагаалганаар!

Мүнгөөр саhан будараад

Мүнхэ сагай эрьесые

Шэнээр эрьюулхэ хаhадаа

Шэнын нэгээр бусахань.

Yглөөнэй шаргал нараар

Yлгэн дэлхэйн шарай

Шэнээр задарха хаhадаа

Шэнын нэгээр эрьехэнь.

hаруул hайхан мүшэдэй

hулаар эмниhэн галхан

Шэнээр бадарха хаhадаа

Шэнын нэгээр хүрэхэнь.

Шэнэ жэлээр, хундэтэ минии уншагшад!

Гал улаан hармагшан жэлнай хун бухэндэтнай hайхан жаргал, амгалан байдал, омог амжалтануудые, сэбэр арюун инаг дуранай дээжые бэлэглэхэнь болтогой!

Сарюун hайхан сэдьхэлтнай хорон угэдэ бу оруужа,

Сэгээн сэбэр hанаантнай адаг мууда бу абтуужа,

Урагшатай талаантай эрмэлзэлтнай хохир тооhондо бу дарагдуужа,

Залгажа ябаhан ажал хэрэгтнай омог заяагаа бу алдуужа!

2016 ондоо ум амгалан ажаhуухамнай болтогой!

Гаража байһан Шэнэ жэлдэ

Газар дайдамнай үрэжэлтэй байг лэ,

Хото, хүдөө нютаг бүхэндэ

Хонин төөлэй, сагаан эдеэн дэлгэрэг лэ!

******************************

Гараһан жэлнэй гэр бүхэндэ

Зол жаргалай гэрэлээр сасарһай.

*****************************

Дэлхэй түбимнай дайнай утаа үзэнгүй,

Дэлгэр тэнюун сэлмэг байха болтогой!

*****************************

Наһан дээрээ наһа нэмэжэ байхадаа,

Айл аймагтаа, арад зондоо

Ута наһа, удаан жаргал үреэел!

*****************************

Жэл бүри жэгдэ амгалан,

Он бүри омог дорюун

Сагаалжа, һайндэрлэжэ байял даа!

Бурхандаа бадаруулhан зулатнай

Наhыетнай нэмэжэ байг,

Бурхандаа утаhан санзайтнай

Сэдьхэлыетнай арюудхажа байг,

Бурхандаа табиhан далгатнай

Баян хэшэгтнай байг,

Бурхандаа үргэhэн сайтнай

Һанаhан хэрэгыетнай бүтээжэ байг!

Сагаан hараар!