"Болашақ интеллектуалдар"

Тақырыбы: "Болашақ интеллектуалдар" Мақсаты: Балаларды заман талабына сай әр саладағы білімдерін кеңейте отырып,, білім деңгейін байқау. Ұлттық мәдениет құндылықтарын бойларына сіңіре отырып, тұлғалардың тапқырлығын, шеберлігін, танымдық қабілеттерін айқындау. Сұрақтарға толық жауап беру дағдысын қадағалау. Ойлау қабілеттерін дамыта отырып, сөйлеу шеберлігін жетілдіру, белсенділігін арттыру. Жарысуға, жарыста жеңімпаз болуға ұмтылдыру. Көшбасшылық қабілетін ояту, білімді, дарынды, озық болуға, алған білімдерін қолдана білуге тәрбиелеу. Керекті құралдар: тапсырмалар бойынша слайдтар, суреттер, есеп амалдары жазылған карточкалар, әуенді музыкалар, Жүргізуші: - Сәлеметсіздер ме құрметті сайыс қонақтары, балалар. Бүгінгі «Болашақ интеллектуалдар » интеллектуалдық сайысына қош келдіңіздер. «Білімді ұрпақ - ел тірегі»- дегендей бүгін "Балдырған"тобы бүлдіршіндері арасындағы білім додасын бастауға рұқсат етіңіздер. Сайысқа қатысушы топтарды  қарсы алайық.

Бүгінгі сайысқа түсетін топтар : "Тапқырлар" және "Болашақ" тобы.

1.Сайыскерлердің аты-жөнін слайд арқылы таныстыру.

"Болашақ" тобы .

Топ басшысы-Жұбаназарова Фариза 03.03.2009ж

Топ мүшелері: Жақсылықов Эльдар11.01.2010ж

Таласбай Мереке 15.08.2010ж

2. "Тапқырлар" тобы

Топ басшысы-Бекболатқызы Райхан 22.07.2009ж

Мүшелері-  Жақсыбайқызы Айзере02.02.2011ж

Сақтағанов Сабыр 7.02.2011ж

2. Екі топ өз ұранын айтады.

І-топ. Топтың аты – «Болашақ» Ұранымыз: Болашақтың ұл-қызымыз Көркейтеміз елді біз..

ІІ -топ. Топтың аты «Тапқырлар»

- Біз әдепті баламыз,

Оттай болып жанамыз.

Сұрақ қойса ойланып,

Дұрыс жауап табамыз.

Енді балалар.Сайысты бастамас бұрын ,Әділ баға беретін әділқазылармен таныс болайық. 

1.Ясли-бақшамыздың меңгерушісі: Әбдірашова Ажар Тілесқызы

2.Ясли-бақша әдіскері: Абилова Расима Жанұзаққызы 3.Кәсіподақ төрайымы: Алпысова Алма Нұржанқызы

Жүргізуші: Адам меңгермейтін білім бар ма? Жойқын күшті тындырар күшің барда. Оқы, үйрен, жас ұрпақ, бәрін меңгер Алға қойған мақсатың, ісің барда! – деп сайысымызды бастаймыз. Бүгінгі сайысымыз 5 бөлімнен тұрады: І бөлім «Бәйге» ІІ бөлім «Жеті жұрттың тілін біл.» ІІІ бөлім «Көкпар»

ІV бөлім «Алтын асық»

V бөлім «Жүзден жүйрік» Әр бөлімнің шартымен ойын барысында таныстырып отырамын.

І бөлім: «Бәйге» Мықты болсаң - алдағыны басып оз, Мықты болсаң - арттағыны жеткізбе! Мықты болсаң - тайғанама көк мұзда! Мықты болсаң - бөгеттерді бұзып өт – деп, бәйге сайысына кезек береміз. Қарап тұрмай бәйгеге еріңіз, Шәкірттерге әділ баға беріңіз. Жүзден жүйрік, мыңнан тұлпар шығарар, Бәйге, бәйге, бәйгелерді көріңіз. Бұл бөлімде екі топ қойылған сұрақтарға тез және нақты дұрыс жауабын беру керек. Берілген сұраққа жауапты білсеңіздер алдарыңызда тұрған тетікті басып жауап бере алатындарыңызды білдіресіңдер. Тетіктерді баспай жауап қабылданбайды. Жауап бере алмаса, келесі топ  жауап бере алады. Сарапшылар назарына әр дұрыс нақты жауап үшін 5 ұпайдан беріледі.

 Ендеше сендердің білімге деген құштарлықтарыңызды дәлелдейтін «Бәйге» сайысын бастаймыз. Дайынбыз ба? 1. Біз қай Республикада тұрамыз? (Қазақстан Республикасында) 2. Бағдаршамның көздерін ата? (Қызыл, сары, жасыл.) 3. Бір аптада неше күн бар? (жеті) 4. Республикамыздың бас қаласы қалай аталады? (Астана) 5. Қазір жылдың қай мезгілі? (қыс мезгілі) 6. Біздің ясли-бақшамыздың толық атауы? (№17 "Алақай санаториялық ясли-бақшасы") 7. Ясли-бақшамыз қай ауылда орналасқан? (Ақай ауылы) 8. Алма, алмұрт, жүзім, өрік бұлар нелер, қалай аталады? (жеміс - жидектер) 9. Бір тәулікте неше мезгіл бар? (5 - таңертең, түс әулеті, бесін немесе түсқайта, кеш, түн) 10. Қияр, сәбіз, қызанақ, қызылша, картоп бұлар нелер, қалай аталады? (көкөністер) 11. Қыс мезгілінде неше ай бар, толық атауын айтыңдар

12. Жыл басына нелер таласты? (хайуанаттар) 13. Қыста ұйқыға кететін аң? (аю) 14. Нанды қайда пісіреді? (наубайханада) 15. Қ. Р. Президенті кім? (Н. Ә. Назарбаев) 16. Төрт түлік малды ата? (қой, жылқы, сиыр, түйе, ешкі) 17. Аяз ата қай мерекеде келеді? (жана жылда)  18. Тудың түсі қандай? (көк) 19. Түйенің төлі қалай аталады? (Бота) 20. Құйрығы екіге айырылған құс? (қарлығаш) 21. Адамның көру мүшесі? (көз) 22. Аяз ата қай мерекеде келеді? (жана жылда)  

Жүргізуші: -Жарайсыңдар, балалар. "Бәйге" сайысы бойынша әділқазылар өз бағаларын берсе.

2бөлім .. «Жеті жұрттың тілін біл». Ана тілің - арың бұл, Ұятың боп тұр бетте, Өзге тілдің бәрін біл Өз тілінді құрметте» - деп Қадыр Мырзәлі ағамыз айтқандай, жас өркендердің тіл білімін тамашалайық. Келді кезек жұмбақты шешуге, Жауаптарын беруге қос тілде Қазақша мен  орысшаны  білсеңіз Жақсы баға шәкірт соған несібе. Бұл турда жұмбақтар жасырылып, оның шешуін балалар қос тілде айту керек. (Қазақша, орыс) Ойыншылардың есіне жауап тетікті баспай қабылданбайды. Жұмбақ шешуін екі тілде айтқан бала – 10 ұпайға ие болады,ал бір тілде айтса -5 ұпай. Бұл сарапшылардың қатеріне береміз.

Ал бастаймыз, мұқият тыңдаңыздар!

Барлықтарыңа сәттілік тілеймін!

1. - Қыс бойы жатады, тәтті ұйқыға батады (аю - медведь ) 2. - Жылт - жылт етеді, жылғыдан өтеді. (су - вода ) 3. Жайған жастық сөгілді, аппақ мамық төгілді. (Қар - снег  ) 4. Жұдырықтай қызыл шар, тілді үрген шырын бал. (алма - яблоко) 5. Онсыз астың дәмі жоқ, ассыз оның мәні жоқ (тұз - соль ) 6. Жеті қазынаның бірі - адамды күзетіп жүретін досы.(ит – собака)

5. Қалқиып екі құлағы, Елеңдеп, қорқып тұрады. (қоян - заяц) 6. Жолбарыстан аумайды, Тышқандарды аулайды.(мысық – кошка) 7. Жеп көріп ем өзім мен, Жас шығарды көзімнен. (жуа– лук) 8. Бұлаңдаған құйрығы, Бір алдарлық қулығы. (түлкі – лиса) 9. Әттең, даусым, тілім жоқ, Құшағымда білім көп. (кітап – книга)

10. Үсті тас,асты тас, Ортасында піскен ас (нан-хлеб) Жүргізуші:. "Жеті жұрттың тілін біл" сайысы бойынша әділқазылар өз бағаларын берсе.

ІІІ бөлім «Көкпар»

Есептеуді санамалап айтуды,

Үйрететін жаңа пәнің бар мұнда

Шабыт берер ойың менен санаңа

Талант көзін ашар барлық балаға.

Есептеуге жүйрік болсаң жасыңнан,

Математикаға орын берсең басыңнан

Барлық ғылым соған үйір болады

Досың солар- табылатын қасыңнан.

Бұл сайыста екі топ тақтадағы логикалық тапсырмалардың шешуін табады.

1.Ұлпа жүнін қыздырып,

Күншуақта бір күшік.

Отыр еді маңына.

Келді тағы бір күшік

Нешеу болды сен сана? (2)

2. Аулада екі  үйрек,

Қорада үш үйрек

Бір үйрек тығылды

Қалғаны неше үйрек (4)

3. Бес алманың үшеуін,

Досың сұрап алады,

Айтшы сонда нешеуі.

Өз қолыңда қалады. (2)

4. Бестен төртті алайық,

Қанша қалды қарайық?

Қарайық та санайық,

Санайық та табайық? (1)

5.Бес бұтақты ағашта, Бұтақ сайын бір алма. Біреуін бер Маратқа, Сонда қалмақ неше алма? (4 алма)

6.  Ағашта бір құс отыр,оған екі құс келіп қосылды.Ағашта қанша құс отыр?(3)

7.Сұрақ ВидеВидео сұрақ. Экранға назар аударайық

(1-ден 5 ке дейін тура және кері қос тілде айтып беріңдерші)

ІV бөлім «Алтын асық» 

Жургізуші: Өсірген ой, білімді  Суйемін туған тілімді  Мақсат етем әр сөздің Мәнін терең білуді

Келесі бөліміміз  мақалдар сайысы. Бұл айналымда екі топ мақалдар айтып жарысады. Жоғарғы ұпай -5 ұпай Балалар енді мақал -мәтел айтып жарысайық

1 Ананың сүті бал Баланың тілі бал 2 Қына тасқа бітеді Білім басқа бітеді 3. Кісі елінде сұлтан болғанша Өз еліңде ұлтан бол 4. Отансыз адам - ормансыз бұлбұл 5. Ел іші - алтын бесік 6. Әділ тіл - ақыл таразысы

7 Күш - білімде, білім - кітапта.

8.Білетінің бір тоғыз,

 Білмейтінің тоқсан тоғыз.

9.Киіміне қарап қарсы алады,

 Біліміне қарап шығарып салады.

10. .Білегі күшті бірді жығады,

Білімі күшті мыңды жығады

-Жарайсыңдар, балалар сендер мақал-мәтелдерді жақсы біледі екенсіңдер, енді бұл айналымға берген әділқазыларымыз өз бағаларын берсе.

V бөлім «Жүзден жүйрік»

Бұл айналымда екі тотың капитандары сайысады. Жоғарғы ұпай- 5 ұпай

1. Қай ертегіде қасқыр әжесін жеп қояды?

2. Ақылды,Тентек,Әзілкеш қай ертегінің кейіпкерлері?

3. Балық қайда мекендейді?

4. Аққаланы неден жасайды?

5. Жаңа -жылда Аяз-атаның қасына кім еріп келеді?

6. Жаңа-жыл мерекесіндегі әсем ағаш қалай аталады?

7. Бір жылда неше мезгіл бар?

8.Үшбұрыш,төртбұрыш, шеңбер жалпы қалай аталады?

9.Балық қайда мекендейді?

10. "Мақта қыз бен мысық" ертегісінде қыз мысықтың несін алып қояды?

Жарайсыңдар ,балалар, сендер бүгінгі сайысқа өте жақсы қатыстыңдар.

Енді "Болашақ интеллектуалдар" сайысымыздың қорытынды балын жариялауға  әділқазылар алқасы на сөз береміз.

Балалар келесі номинациялар бойынша марапатталады.

Білімді бүлдіршін

Зерек бүлдіршін

Дарынды бүлдіршін

Тапқыр бүлдіршін

Ойшыл бүлдіршін

Белсенді бүлдіршін