Буряад хэлэнэй шалгалтын ажал

1.Манай нютагта нэгэ хорёошо үнеэн бии юм һэн. 2. Тэрэнэй эбэрынь ута аад, үзүүрынь шүбгэ шэнги хурса байгаа. 3.Энэ хадаа айхабтар шадамар, хорёо хашаагай хаалта эбэрээрээ дэгээдээд нээжэрхидэг үнеэн һэн. 4.Тиимэһээ тэрэ үнеэн олон хүндэ һаад татадаг байгаа. 5. Энэ ушарһаа нютагай зон тэрэ үнеэндэ дурагүй, эбэрыень тайраха хэрэгтэй гэжэ хэлсэдэг байба.

6. Нэгэтэ хабар колхозой малшан үнеэдээ ойн захаар түрүүшын ногоондо бэлшээжэ ябаба. 7. Унажа ябаһан мориёо ногоондо табижархёод, өөрөө ябагаар үнеэдэйнгээ нэгэ захада ябатарнь, нүгөө захын үхэрнүүд бүрхирэлдэн бархиралдаба.8. Малшанай харан гэхэдэ, нэгэ шоно үнеэдыень ээрэжэ байба. 9. Харин тиихэдэнь хорёошо үнеэн хүлзэжэ, шоные үнеэдтэ дүтэлүүлнэгүй.

10. Малшан хашхаран гүйшэбэ. 11. Малшаниие харахадаа, шоно һүүлшынхиеэ үхэрнүүдтэ добтолон оробо.12. Тиихэдэнь үнөөхи үнеэн харбаһан һомон шэнгеэр шоно руу гүйжэ, тэрэниие мүргэжэрхибэ. 13. Шоно хоёр-гурба харайгаад, үхэдхэн унашаба. 14. Тиигэжэ ута хурса эбэртэй тэрэ хорёошо үнеэн бэшэ үнеэдээ аршалхаһаа гадна шоные мүргэжэ алажархиба.

15. Энэ ушарһаа хойшо манай нютагайхид тэрэ үнеэнэйнгээ эбэр тайраха тухай хэлсэхээ болёо һэн.16. Харин хорёо хашаагайнгаа үүдэ һайнаар хаадаг болоё гэжэ хэлсэбэ.

Ш-Н. Цыденжапов

1. Нютагай зон хорёошо үнеэнэйнгээ эбэр тайраха тухай хэлсэхээ болёо һэн. Ямар ушарһаа?

Харюу: Хорёошо үнеэн бэшэ үнеэдээ шоноһоо аршалаа.

1. 6-дахи мэдүүлэл соо мэдүүлэлэй шухала гэшүүдые олоод, буулгажа бэшэгты.

Харюу: Малшан бэлшэжэ ябаба.

1. 1-10 мэдүүлэлнүүд сооһоо 3-дахи нюурта хамаадалда байһан юумэнэй нэрэ түүжэ бэшэхэ.

Харюу: эбэрынь, үзүүрынь, эбэрыень, үнеэдыень, үнеэниинь.

1. 3-4 абзац сооһоо өөртэ хамаадалда байһан юумэнэй нэрэнүүдые түүжэ бэшэгты.

Харюу: үнеэдээ, үнеэнэйнгээ, хашаагайнгаа.

1. 4-дэхи мэдүүлэл ссохи “һаад” гэһэн үгын тодорхойлолго бэшэхэ.

Харюу: тодхор?

1. 1-2-дохи абзац сооһоо буруушааһан зүйр үгэтэй үгэ бэшэгты.

Харюу: дурагүй

1. 1-дэхи абзац сооһоо эхир үгэнүүдые олохо.

Харюу: хорёо хашаа

1. 1-5-дахи мэдүүлэлнүүд сооһоо аялганай тааралдалай дүрим баримталангүй бэшэһэн үгэ олоод нэрлэгты.

Харюу: дурагүй

1. 6-10 мэдүүлэл сооһоо холбоһон деепричастна мэдүүлэлнүүдэй тоо нэрлэхэ.

Харюу: 9,10

1. 1-5 мэдүүлэл сооһоо юумэнэй нэрэһээ бии болоһон тэмдэгэй нэрэ олоод бэшэгты.

Харюу: хорёошо