2 нче сыйныфта "Сыйфат"темасы буенча дидактик материаллар.

2 НЧЕ СЫЙНЫФ ТАТАР ТӨРКЕМЕНДӘ “СЫЙФАТ”ТЕМАСЫН НЫГЫТУ ӨЧЕН ДИДАКТИК МАТЕРИАЛЛАР

№1

Шигырьне күчереп яз. Сыйфатларның астына дулкынлы сызык сыз.

Җир җиләге бик эре,

Кызыл бите сипкелле,

Үзе баллы, үзе тәмле,

Ярата шундый баланы –

Җиләк кадерен белгәнне. (Н.Арсланов)

№2

Күп нокталар урынына сыйфатлар өстәп, мәкальләрне күчереп яз.

Тирләп эшләсәң, аш ... була.

... агачны җил сындыра.

... һава – тәнгә дәва.

Сыйфатлар: ялгыз,саф, тәмле.

№3

Күп нокталар урынына сыйфатлар өстәп, җөмләләрне күчереп яз.

... тиен ботактан ботакка сикерә. Куак астында ... төлке посып утыра. ... аю җиләк ашап йөри. (Җ.Тәрҗемановтан)

Сыйфатлар: хәйләкәр, йөнтәс, җитез.

№4

Күп нокталар урынына сыйфатлар өстәп, җөмләләрне күчереп яз.

Менә урман. Болында ... чәчәкләр үсә. Чәчәкләргә ... күбәләкләр куна. Кошларның ... тавышлары ишетелә.

Сыйфатлар: чуар, төрле, матур.