Айгүл гүлү жөнүндө легенда

Айгүл гүлү жөнүндө легенда.

Байыркы бир убакта Айгүл аттуу сулуу кызы бар бир бай адам жашаган. Анын сүйгөну Коз Улан, элдин биринчи эр жүрөк адамы катары белгилүү болчу. Жаштардын бири-бирине болгон мамилеси айылдыктардын урматына татыган. Кызына бакыт каалаган Айгүлдүн атасы жаштарга батасын берди.

Жаштар эми үйлөнөөрдө, элге кырсык келди. Душмандар бейпил жаткан элге кол салды, алардын арасында Козу Улан да болгон. Жакын арада душмандар толугу менен талкаланды, бирок Козу Улан көз жумду. Жигиттер Айгүлдүн каалосу менен Козу Уландын жүрөгүн алып келишти. Айгүл сүйүктүүсунун жүрөгүн алып, бийик аскалуу тоодон өзүнүн денесин таштады. Бир нече күн өткөндөн кийин, Айгүл денесин таштаган жерден укмуштуудай кооз гүл которулуп чыкты. Эл, бул гүлдү Айгүл гүл деп аташты. Ал эми Айгүл өзүн таштаган асканы Айгүлташ деп аташты. Ошол Айгүлташтын жанында дагы бир бийиктик бар болгон, бул жерди элде Козуулан деп аташкан. Белгилей кетчү нерсе, Айгүл гүлдүн ичинде ар дайым шүүдүрүмдүн тамчыларын көрсө болот., бул тамчыны жергиликтүү элдер «Айгүлдүн көз жашы» деп аташат. Бул абдан кооз жана кайгылуу уламыш көптөгөн жылдар бою ооздон оозго, балким, атүгүл жүздөгөн жылдар, кылымдар бою эл арасында жашап келгендир.