Ավգյան ախոռ

Ավգյան ախոռներ

Հին հույները բազմաթիվ առասպելներ են ստեղծել իրենց հերոսների և աստվածների մասին ։Այդ առասպելներում պատմվում է հույների սովորությունների , ,զբաղմունքի ,պայքարի , աշխատանքի մասին։Հերկուլեսի մասին ստեղծված առասպելը, թերևս , ամենատարածվածն է եղել , քանի որ նրանք շատ են սիրել այդ հզոր հերոսին։

Ըստ առասպելի՝Հերկուլեսը անմահության կհասներ , եթե նա կատարեր 12 սխրագործություն ։Եվ ահա Հերկուլեսի 6-րդ սխրագործությունն այն էր,որ նա պիտի մաքրեր ճաճանչափայլ Հելիոսի որդի Ավգիասի ախոռների գոմաղբը։Ավգիասն ուներ հազարավոր եզներ , և նրա գոմերից տարիներով չէր մաքրվել գոմաղբը։

Հերկուլեսը խոստանում է մեկ օրվա մեջ մաքրել այն։Ավգիասը չի հավատում դրան։Այն ժամանակ , երբ Ավգիասը իր հյուրերի հետ նստած էր խնջույքի ,Հերկուլեսը 2 հակադիր կողմերից քանդում է ախոռների պատերը և երկու գետերի ջրերը շուռ տալիս այնտեղ։Գետերը մի օրվամեջ քշում տանում են գոմաղբը , և հետո Հերկուլեսը նորից շարում է քանդած պատերը ։Այսպես նա մաքրեց Ավգիաս արքայի ախոռները , որից և առաջացել է թևավոր արտահայտությունը։

Այն օգտագործվում է չափազանց կեղտոտ ու բարձիթողի մատնված շենք , բնակարան կամ մի որևէ այլ տեղ բնութագրելու դեպքում։