Мундеридже
Озюм акъкъында икяе……………………………………….………… 3
Чечеклер……………...……………...……………………….………….4
Меним дувам …………………….…...…………………….…………..5
Мерхаметли мышыгъым ……………………………...………………. 6
Тылсымлы йыл мевсими…………….…………………………………7
Миллий емеклер……….………………………………………………..8
Меним кадем………………………………...…………………………..9
Озюм акъкъында икяе
Мен, Джелилова Алие Рустэм къызы, 2004 сенесинде Крымка коюнде догъулдым. Учь яшыны толдурып, бала багъчасына кеттим. 2010 сенеси мектепте окъумагъа башладым. Мен де анам киби оджа олмакъ истер эдим, амма шимди къырымтатар языджысы олмакъ истейим. Мектепте олгъан конкурсларда, олимпиадаларда, концертлерде иштирак этем.Амма эписинден зияде икяечиклерни язмагъа севем.
Мен беллесем, келеджекте мен де Урие Эдемова киби белли бир языджы олурым. Чюнки къырымтатар халкъыны котермеге керек.Бутюн дюнья дизлерини чёксюнлер. Къырымтатар тилимиз даа зияде бай олсун.
Чечеклер
(икяе)
Дюньяда чечек севмеген инсан бармы экен? Эр бир чечек озюндже дюльбер.
Акъбардакъны алсакъ, къар тюбюнден чыкъа, мен бу чечекни « Джигит чечеги» деп адландырам.
Пападиени алсакъ, кунешнен къыясламакъ мумкюн.
Лялени алсакъ, къырымтатар къызынынъ – Лейля деген адына ошай.
Эрджай мелевшени мен анамнынъ козьлеринен къыяслайым.
Байрамларда аналарымызгъа, къартаналарымызгъа ве аблаларымызгъа бир топ чечек багъышламагъа тырышмакъ керекмиз.Ойлеликнен юрегимизде олгъан севгимизни ве урьметимизни косьтеремиз.
Олар исе бизлерни севгенде « меним чечегим», деп севелер!
Меним дуам
(икяе)
Эр саба тургъанда, эр акъшам яткъанда мен дува окъумагъа тырышам.
Анама, бабама, Эдие кадеме, къартаналарыма,къартбабаларыма Алладан сагълыкъ ве узакъ омюр истейим.Умумен , къырымтатар халкъымызны, зайыф инсанларыны, анасыз оськен балаларыны да унутмайым.
Бизим адетлеримиз пек яхшы, чюнки инсан дуа окъуса, онынъ юреги даа зияде осе ве темизлене.
Алла эписине ярдымджы олсун!
Мерхаметли мышыкъ
(Яшайышымдан бир вакъиа)
Бир кунь мектептен къайткъанда кичкене бир мышыкъчыкъны корьдим.Аджып эвге кетирдим. Мен пек севдим мышыкъчыкъны, адыны Чубар деп къойдым.
Бир кунь анам чиберек къавурды.Мен чиберекнинъ ярысыны ашап, ярысыны исе Чубаргъа бердим.Эртеси куню меним мышыгъым сычан тутты.Ярысыны ашады, ярысыны исе меним яныма келип ташлады. Биз эпимиз кульдик. Мен анъладым не ичюн Чубар ойле япты.Мен эр вакъыт онен пайлаша эдим, о да исе меннен пайлашты.О куньден сонъ Чубарны даа зияде севдим, чюнки онынъ мерхаметли олгъаныны анъладым.Айван олса да, акъылы бар деп ,тюшюндим.
Тылсымлы йыл мевсими
(икяе)
Къыш кельди. Масалда киби яшайыкъ. Орталыкъ бем – беяз чаршафнен орьтюльди. Наратларнынъ устьлерини, санки дерсинъ, боюнджакъларнен септилер. Балалар чаналарнен таялар, орталыкъ шамата – алекет.
Якъында энъ севимли байрам келеджек – Янъы Йыл байрамы. Бутюн къоранта берабер топланаджакъ. Аяз Деде кельсе, меним хаялым да азыр:
« Яшасын меним халкъым, гъайып олмасын меним тилим!»
Миллий емеклеримиз
( икяе)
Къырымтатар халкъында пек чокъ лезетли емеклер бардыр : бибер долмасы, манты, бурма, янтыкъ, чиберек, уфакъ аш, шорба ве иляхре.
Татлы емеклер – бу пахлава, эльва, хурабьедир.
Бу емеклерини мен пек севем, « Ашынъыз татлы олсун» , деп эписине айтам. Ашагъан сонъ софра дуасыны окъуйым.
Меним кадем
(икяе)
Мен алты яшында олгъанда, Эдие кадем дюньягъа кельди. Джан – юректен оны севем, чюнки биз догъмуш абла – кадемиз. Бильген шейлеримни онъа огретмеге тырышам. Мен дерслеримни япкъанда, Эдие сабырнен индемейип беклей. Сонъра берабер ойнаймыз, мен онъа масаллар окъуйым, хайтарма ойнаймыз.
Аллагъа шукюр бу дюньяда бир озюм дегилим!
1 060
56 969 
