Еһо заншалнууд-презентаци

Хүн бүхэн түрэл байгаалитаяа амин холбоотой. Энэ юртэмсэдэ Наран, Газар, Уһан гурбанай эрьесэ мүнхэ. Наранай элшэһээ газар халана. Халаһан газар уһаар ундалжа, ой модон, ургамал ногоон, хүн түрэлтэн, ан амитан – бултадаа байгаалиин хүсөөр амидарна.

Тиимэһээ уһан гээшэ байгаалиин нэгэ хубинь болоно.

УҺантай холбоотой ёҺо заншалнууд .

Бурханай урда табигдадаг 8 тахилай зүйлдэ арюудхаха уһан, хүртэхэ уһан – аршаан заатагүй ородог. Уһантай холбоотой ёһо заншалнууд тон олон. Жэшээнь:

• Уһанда һууһан хүн Сагаалганай үглөөгүүр, шэнын 1-дэ мүрөө гаргажа, һуудалайнгаа зүг ёһолходоо, гэрһээ зүүн зүн зүг руу гараад, гэрээ нара зүб тойроод, хойто зүгһөө ерээд, амһарта соо хэгдэһэн уһан дээгүүр алхажа гараад, «Ум гарма дагины хум мама бизьяа суухаа» гэжэ 7 гү, али 21 дахин уншаха.

• Уһан жэлдэ түрэһэн хүн уйламхай, уян сэдьхэлтэй байдаг гэхэ.

• Хара уһа харьялса бусалгахагүй.

• Хара уһа хүндэ хэжэ үгэдэггүй, заатагүй сайдамлаад хэжэ үгэхэ.

• Хара уһа һамархагүй.

• Хара уһа хүн руу сасахагүй.

• Галдаа уһа адхажа болохогүй.

• Уһа адхажа, галаа унтаргаахагүй.

• Уһа бузарлуулжа, булангиртуулхые урданай зон ехэ сээрлэдэг байгаа.

• Аршаан, булаг мэтын уһанда һү, сагаан эдеэ оруулхые ехэтэ хоридог һэн.

• Уһа удхаха шанага, хүнэгөө һайн угааха, муухай юумээр уһа удхажа болохогүй.

• Уһа булагай, аршаанай ойро газаалхагүй.

• Зундаа шара сэсэгэй сэсэглэһэнэй удаа уһанда ороходо болохо.

• Худагай, булагай уһые удхажа худхахагүй, сэбэрээр абаха.

• Худагһаа малаа холохон байлгаад, хобоогоор гү, али хүнэгөөр зөөжэ уһалха.

• Уһа голдо машинынгаа тооһо шорой, шабар угаахагүй, уһанай тунгалагые бузарлана, амитадые хорлоно, үбшэлүүлнэ, зобооно.

• Уһа голоо бузарлахагүй: жэбэтэй түмэр түдэгэ, шэл шонхо, сайдам, шуһанай дуһал оруулхагүй .

Уһантай холбоотой Һургаал заабари .

• Ямаанай мяха, мойһо эдеэд, хүйтэн уһа уужа болохогүй, санхатажа болохо.

• Айраг, сэгээ болон тараг уугаад, зөөхэй эдеэд, һүүлээрнь уһа уужа болохогүй, уруу һууха.

• Үглөөгүүр үлэн бэедээ бусалһан уһа уужа байгаа һаа, хото хоолой сэбэрлэгдэдэг, бэе нягтардаг гэхэ.

• Хурганай үбшэнэй эхилээ һаа, бусалһан тон халуун уһанда хээд, хурганайнгаа арһанай уршыжа сайтар байлгаха. Энэ арга хэдэн дахин дабтаха

• Дабһатай далайн уһанай эрьеын сагаан хөөһөөр хоолойн ангина аргалдаг.

• Амяа хаагдажа ханяадаг (астматай) хүндэ далайн эрьеын агаар тон туһатай гэдэг.

Уһантай холбоотой оньһон үгэнүүд.

Заншал заншалдаа,

Загаһан уһандаа.

• Хүнэй тоһонһоо
• өөрын уһан дээрэ.

• Огторгойн одые тооложо барахагүй,
• Уһанай загаһые алажа барахагүй.

• .

Анхаралтайгаар

шагнаһандатнай

баярые

хүргэнэбди!