Ийэ күнүгэр аналлаах концерт сценарийа

Ийэ күнүгэр аналлаах күрэх сценарийа

«Аныыбын эйиэхэ…»

(бэлэмнээтэ Глетко А.Г.)

Ийэ баар бу сиргэ

Аан дойду аанньала,

Ананнын киниэхэ

Барыбыт махтала…

(ырыа бастакы куплета тыаһыыр, ыытааччы тахсан турар)

Ыытааччы: Ийэ …Суос со5отох бу биир тылга – Аан дойду бары кэрэтэ, олох салҕанар утаҕа түмүллэн сылдьар быhыыта.

- Үтүө киэһэнэн ытык – мааны ыалдьыттар, аймах – билэ дьоннорбут, сайдар – үүнэр аналлаах кэрэ кэнчээри ыччаппыт уонна күҥҥэ тэҥнээх күн –күбэй ийэлэрбит!

- Ийэ олоҕу салҕааччы, норуоту тэнитээччи. Максим Горькай: «Ийэтэ суох поэт да, герой да үөскээбэт”, - диэн суруйбутунуу ийэтэ ийэтэ суох – олох суох. Ийэ баар буолан Аан дойду тутуллан турар, чэчирии сайдар. Ис сүрэхтэн тахсар иһирэх тыллары сып –сылаастык сипсийэн туран бүгүҥҥү үөрүүлээх дьоро киэһэбитин саҕалыырбытын көҥүллээҥ!

Ытыскыт тыаһын харыстаамаҥ, болҕомтоҕутугар ууран, сүргэҕит көтөҕүллэн олорон биһирээҥ, астыныҥ, үөрүҥ – көтүҥ.

• Эһигини эҕэрдэлиир ______________ (ырыа)

Ыытааччы: Бүгүҥҥү күрэх кыттааччыларгар көмө буола кэллилэр: ( кыттааччылар группа поддержки)

• Уһуйаан коллектива

• Оскуола үлэһиттэрэ.

• Балыыһа хамаандата

• Маҕаһыыннар көмөлөһөөччүлэрэ.

Ыытааччы: Иэримэ дьиэ иэйэхситтэригэр,

Алаһа дьиэ айыыһыттарыгар,

Күн –күбэй хотун ийэлэрбитигэр бырааһынньыгынан сахалыы

Сайаҕас алгыспытын, эдэрдии эйэҕэс эҕэрдэбитин тиэрдэбит уонна күрэх кыттыылаахтарын сыанаҕа ыҥырабыт.

-“Кэскил” уһуйаантан....

- Хоро орто оскуолатыттан...

- Маҥан халааттаах аанньаллартан ...

- Чааһынай маҕаһыыннар кэккэлэриттэн...( атын тэрилтэлэр буолуон сөп)

Өссө төгүл кытта кэлбит ийэлэргэ көхтөөх ытыс тыаһын бэлэхтиэҕиҥ!

- Бүгүҥҥү күрэхпит дьүүллүүр сүбэлэрин кытта билиһиннэриэм:

______________________________ ----- оҕо күн – күбэй ийэтэ

______________________________ оҕо күн – күбэй ийэтэ

______________________________ оҕо күн – күбэй ийэтэ

______________________________ оҕо күн – күбэй ийэтэ

• Күрэхпит 5 түһүмэхтэн турар:

I – БЭЙЭНИ БИЛИҺИННЭРИИ

II – ИНТЭРИЭҺИНЭЙ – ДЬИКТИ БҮЛҮҮДЭ

III- СОРУДАХТААХ КҮРЭХ

IV – ТААБЫРЫННА ТААЙСЫАХХА

V- АРААС ДЬИКТИТТЭН СЭЛЭЭППЭ

Ыытааччы: Бастакы түһүмэх. Күрэхпитин саҕалыыбыт, бастакы нүөмэрдээх...___________________

Иккис_________________________________

Үһүс __________________________________

Төрдүс_________________________________

Бастакы түһүмэх түмүктэннэ.

Кимтэн кииннээх, хантан хааннаах, туох дьарыктаах Далбар хотуннар буолалларын билсистибит. Иккис түһүмэххэ бэлэмнэниэхтэригэр диэри биһиги ырыа кэрэ алыбыгар ыллыран, дууһаны манньыта дуэт толоруутугар_______________________истиэҕиҥ.

Ыытааччы: Иккис түһүмэх саҕаланна...

_________________

_________________

_________________

_________________

• Дьэ, хайдахтаах курдук сатабыллаах кэрэ ийэлэрдээхпитий. Үһүс түһүмэххэ бэлэмнэнэбит, баһаалыста.

• Бу сиргэ төрөппүт,

Бу күнү көрдөрбүт

Биһиэхэ ийэбит

Күн тэҥэ киһибит

Бэлэхтиир эһиэхэ, дууһаттан арыллар ырыаны ______________.

• Үһүс түһүмэх – сорудахтаах күрэх (оҕону таҥыннарыы)

• Ийэ – дьиэ кэргэн тутаах киһитэ, аал – уот, алаһа дьиэ иччитэ. Ийэ истиҥ мичээрэ, хараҕын уота, дууһатын сылааһа дьиэ кэргэн түмсүүтүн, инники төлкөтүн, дьолун – соргутун быһаарар. Ис сүрэхтэн иэйэн. Ыллыыр ырыаларбыт кэрэни кэпсиир, үтүөнү түстүүр дьикти дорҕоонноохтор. Трио толоруутугар ___________________.

Ыытааччы: IV түһүмэх – ыйытыктар. Кыттааччылары дохсун ытыс тыаһынан ыҥырабыт сыанаҕа (ыытааччы быһаарар)

• Ырыа курдук ылбаҕай, хоһоон курдук хомоҕой, сэһэн курдук сиэдэрэй, уһун дьоллоох олоҕу баҕарабыт Күн –күбэй ийэлэрбитигэр.

• Ылбаҕай ырыанан эҕэрдэтин тиэрдэр___________________.

Ырыа дууһа ымыыта, ырыа сүрэх үөрүүтэ, ыллыыбыт биһиги дуоһуйа үөрүүлээх кэрэ түгэҥҥэ, ыллыыр_________________.

Ыытааччы:

Үчүгэйиэн бу сиргэ

Үөрэ – көтө сылдьар...

Кыһыҥҥы чуумпу киэһэҕэ

Санаа хоту сүрэх иэйэн,

Бары манна түмсэбит.

Көрсүҥ дохсун ытыс тыаһынан күрэх кыттааччыларын V түһүмэххэ – дефиле (ыытааччы ааттаан иһэр).

• Ийэ мичээрэ истиҥ, кэрэ Күн уотуттан күндү курдук, көй салгынтан күүстээх курдук.

Күндү ийэлэрбитигэр ахсаабат кыһамньыгыт, болҕомтоҕут иһин сүрэхпит долгуйан , хоолдьуктаах бэйэбит хоҥкуйан туран махтанабыт. Ыарыы ыалласпатын, хомолто холбоспотун, дьол – соргу, тосхойдун, үөрүү – көтүү эрэ эҥэрдэстин!

• Бүгүҥҥү күрэх кыттыылаахтарыгар махтанабыт.

Дьүүллүүр сүбэ үлэтин түмүктүөр диэри көрсүҥ сылаас мичээринэн_____________.

• Сыанаҕа ыҥырабыт күрэх кыттыылаахтарын (фоновой ырыа) уонна дьүүллүүр сүбэ түмүгүн истэбит!

• Манан ийэ күнүгэр аналлаах дьоро киэһэбит түмүктэнэр.

Күн сирин көрдөрбүт күндү ийэлэрбит өрүү үөрэ сылдьыҥ, хоргутар, хомойор буолумаҥ, аанньалларгыт араҥаччылаан, иэйэхсиккит эҥэрдэһэн дьоллоох эрэ буолуҥ диэн этэбит.

Хор толоруутуга_________________ (ийэҕэ анаан ырыа)