Қаздар сайысы "Әуезов арулары"

Тақырыбы: «Әуезов арулары»

Өтетеін күні: 4 ақпан 2017 ж.

Мақсаты: Бойжеткен  қыздарымызды Мұхтар Әуезов шығармаларының кейіпкерлері арқылы ұяңдыққа, инабаттылыққа  тәрбиелеу. Қыз  балалардың икемділігін, шеберлігін, шығармашылық  қабілетін  арттыру, ұлттық салт-дәстүрді, әдет-ғұрыпты оқушылар  бойына  дарыта  отырып  дамыту.Ұлттық  сана-сезімге, әдемілік пен  әсемдікке  тәрбиелеу.

Әдісі: сайыс түрінде.

Көрнекілігі: Қыз  тәрбиесіне  байланысты  жазылған  ұлағатты  сөздер: «Қыз  өссе - елдің  көркі», «Қызға  қырық  үйден тыю», сурет салынған плакаттар.

Сайыскерлерге  қойылатын талап, Бағалау критерийі:

-    Мұхтар Әуезов шығармаларындағы Ұлжан, Зере, Әйгерім мен Тоғжанның бейнелерін сомдауы;

-         қыз  балалардың  сахнада өздерін дұрыс ұстауы;

-          әр бөлім  бойынша  өздерінің  білім-біліктілігін көрсете білуі;

-         эстетикалық  талғамы;

-         сөйлеу  мәдениеті мен  сөз  мәнері;

-         өз  ойларын  толық  жеткізе  білуі;

-         ұлттық  салт-дәстүрлерді  білуі  және  құрметтеуі.