Канспект індывідуальнага занятку

Канспект індывідуальнага занятку

Наталля Канстанцінаўна Язубец
настаўнік- дэфектолаг
Лелюкінскага дзіцячага сада-сярэдняй школы

Тэма: «Аўтаматызацыя гука С у словах»

Мэта: аўтаматызываць вымаўленне гука «с» у пачатку, сярэдзіне, канцы слова;

Задачы:

- ўдакладніць артыкуляцыйны ўклад гука « с»;

- замацаваць вымаўленне гука « с» ў словах (у пачатку,у сярэдзіне, у канцы слова);

- развіваць фанематычны слых;

- развіваць дробную маторыку рук;

- развіваць увагу, памяць, мысленне;

- выхоўваць цікавасць да занятку.

Абсталяванне:

- прадметныя малюнкі з гукам «с» у пачатку,у сярэдзіне, у канцы слова;

- малюнкі для артыкуляцыйнай гімнастыкі, малюнак для гульні «Магазін»

Ход занятку

1.Арганізацыйны момант
Я вітаю цябе , рада цябе бачыць, таму што ты прыйшла за новымі ведамі.
2.Артыкуляцыйная гімнастыка
Казка пра язычок

Быў ясны сонечны дзень. Выйшаў язычок на вуліцу і стаў грэць спінку на сонейку (пр. «Лапатка»). Але тут на яго падзьмуў ветрык. Вецер быў халодным. Стала холадна язычку. Схаваўся ён у домік і вырашыў пафарбаваць ніжнія дзверцы хаткі-зубы. (пр. "пачысцім зубкі "). Пасля гэтага ён адкрыў кран і стаў мыць рукі. Вада палілася і зашумела: с-с-с. Язычок зачыніў кран і вада перестала бегчы. А ён на хвілінку прылёг на свой ложак (язык знаходзіцца нерухома за ніжнімі зубамі) і задрамаў.

3.Удакладненне артыкуляцыі гука [с].

-Калі ма вымаўляем гук «с» у якім становішчы знаходзяцца вусны? (ва ўсмешцы)

-Дзе знаходзіцца кончык языка? (унізе за ніжнімі зубамі)

-А што можна сказаць пра зубы? (Яны бачныя).

4.Гульня «Уважлівыя вушкі».

Зараз даведаемся, якія ўважлівыя ў цябе вушкі. Хлопні ў ладкі, калі пачуеш гук [c] (д-н-л-с-с-м-с-о).

Малайчына.

5. Гульня «Хітрая мыш».

Сягодня да нас у госці прыбегла мышка. Яна залезла ў халадзільнік і ўзяла сыр. Каб вярнуць сыр, табе трэба адгадаць і правільна назваць малюнкі . А калі ты зробіш памылку, то хітрая мыш з'есць увесь сыр. (сыр, сабака, сава, каса, аса, асака,савок, сом, сумка, сук, суп, сукенка, насос ).

6.Гульня«Магазін»
Размалюй тыя прадметы ў назвах якіх ёсць гук «с»

7. Пальчыкавая гімнастыка.

Катанне шарыка су-джок паміж далонямі са словамі:

Я катаю свой арэх, каб ён быў дужэй за ўсіх(паўт. 3-4 разы)

8. Гульня «Што прапала?»

Паглядзі на малюнкі, назаві іх (сабака, самакат,паста, садавіна,скакалка). Прыбіраем адзін малюнак. А цяпер скажы, які малюнак знік?

9. Гульня «Што змянілася»

Паглядзі якія малюнкі памяняліся месцамі (тыя ж малюначкі).

10.Вынік,рэфлексія

Над якім гукам мы сёння працавалі?

Назаві словы, у якіх гук з у пачатку,

-у сярэдзіне,

-у канцы
-Якая гульня для цябе была самай легкай?
- Якая выклікала цяжкасці?

Разумніца, мы сёння з табой добра папрацавалі.

Занятак скончаны.