Кесиптештин туулган күнүнө

КЕСИПТЕШКЕ

“Ойлон-ойгон” ойго салып далайды,

Оодарылтты олку-солку адамды.

Ыкшоо тарткан кээбизди жетелеп,

Оңго салды шилтенүүчү кадамды.

Гуугул дисктен, сервисинен Касымдын

Көптү үйрөндү карысыбы, жашыдыр.

Агартууга салым кошту заманбап,

Бул болгону ийгиликтин башыдыр.

Ийгиликке күндөн күнгө талпынып,

Бийиктегин улам өйдө тартылып.

Казганактап бата бердик, Касыке,

Өсө бергин кадыр-баркың артылып.

Нарынбек Өскөналиев, 20.02 2021

Сен бөк түшсөң, ал чигинен чалкалап,

Ал эңкейсе, сен тигиңен кайкалап,

Дүйнөң түгөл, атаганат, не жетсин,

Гүлдүн гүлү кучагыңда жайкалат...