Kiriyet küüyündä D.N.Tanasogluya anılmak taşının açılışı.

Kiriyet küüyündä D.N.Tanasogluya anılmak taşının açılışı.

Yanvarin onüçündä 2023-cü yılda D.Tanasoglunun adına gimnaziyanın aulunda bizim kiriyetlimizä bir büst açıldı. Bu büstün açılışını, biz kiriyetlilär pek çok vakıt bekledik. 2011- 2015-nci yıllarda, açan bän nasaatçı Kiriyet küüyün Nasaatında çalıştım, ozaman kaldırdım bu soruşu. D.Tanasoglunun 90-ncı yıl dönümünä bir anılmak taşını koyalım. Ama o vakıtlar ne primar, ne dä kalan nasaatçılar bu teklif için hiç bişey sölämedilär. Tä geçti dokuz yıl, da bän genä kaldırdım hep bu soruşu. 2021-nci yılda danıştım Gagauz Erin HT deputatına Jelezoglo M.N. te bu laflarlan: “D.N.Tanasoglunun duumasından 100 yıl tamannanȇr. Kiriyettä bir anılmak taşını, yada memorial tablasını şkolanın önündä açmaa.” Benim dä teklifimä görä HT deputatı M.N.Jelezoglo noyabrinin 30-da 2021-nci yılda GE başkanına Vlah İ.F. danıştı te bu laflarlan: “D.N. Tanasoglunun anılmak taşın proektın hazırlanmasına para vermää, yapmaa, Kiriyet küüyündä bu anılmak taşını koymaa. Vakıt geldi anılmak taşın açılışı oldu. Çok saa olsun bizim deputat, ani bu işi da başa çıkardı, zerä lääzım olaceydı taa on yıl beklemää, açan beni, bekim, işideceydilär...