НПК "Бэлигэй туяа", сценарий

“Бэлигэй туяа” гэһэн хуралдаанай нээлгын, хаалгын баяр ёһололой хүтэлбэри

Буряад хүгжэм зэдэлнэ. Үгэнь Б-Х.Цыренжаповагай, Хүгжэмынь Б.Батодоржиевай «Эхэ газарай үреэл»

(Хоер ведущинууд тайзан дээрэ гарана)

1.Энэрхы дулаанаар хабартаа

Наранай шэртэн шарахада,

Энхэлиг байгаалиин сэсэглэхэдэ,

Нимгэрэн сэдьхэлни уярдаг.

2.Нарандал дурыем буляаhан

Түрэл буряад хэлэмни

Наhандам харгы залажа,

Түхэл шарайем сэлмээдэг.

«Байгал далайн домогууд» хатар.

«Байгал далайн домогууд» гэhэн хатараар дуу хатарай жэшээтэ «Наран» ансамбль морилон бууhан Та бүгэдэниие халуунаар угтаба.

Манай «Наран» ансамбль hаяхана Солонгос гүрэнэй Сеул хотодо уласхоорондын фестиваль-тэмсээндэ хабаадажа, Гран-При шанда хүртэжэ, уржадэр нютагаа бусаа. Халуун альга ташалгаар амаршалая!

В1: Амгалан үдэрэй амар мэндэ, холо ойроһоо ерэһэн айлшад, багшанар, һурагшад! Мүнөөдэр, дэмбэрэлтэ һайхан үдэр эрдэмэймнай гуламтада буугаад байһан Та бүгэдэндэ халуун амар мэндэ!

В2: Нютагаа түлөөлжэ, Республика дотор заншалта ёhоороо 2 жэлэй нэгэ удаа үнгэргэгдэдэг «Бэлигэй туяа» гэһэн эрдэмэй- практическа хуралдаанда хэдэн аймагуудһаа, хүбүүд басагад морилон буунхай, нэрлэбэл: Бэшүүрэй, Хэжэнгын, Яруунын, Ивалгын, Захааминай, Зэдын, Хяагтын, г.м. аймагууд, мүн лэ Улаан-Удэ хотоhоо.

В1: Мүнөө амаршалгын үгэ һургуулиимнай захирал Б.Б.Шойнжоновта үгэ үгтэнэ.

«Минии Буряад орон» дуун. (трио мальчиков)

В1: «Бэлигэй туяа» гэһэн эрдэмэй-практическа хуралдаае нээһэндэ тоолоод, Буряад Уласай һуралсалай болон эрдэм ухаанай яаманай сайд Б.Б.Жалсановта үгэ үгтэнэ.

В1: Зай, иигээд лэ, хуралдаандамнай нютаг бүхэнэй һүбэлгэн бэрхэ хүбүүд басагад сугларжа, оюун ухаагаа гүйлгэжэ, хаба шадалаа туршалсаха сагнай ерэбэ. Тиимэһээ ямаршье нютагһаа ерэһэн буряадууд түрэл нютагтаа эб хамта суурхуулан ябая гэжэ уряалаад, буряад арадайнгаа еохор наада хатараяа!

Манай тайзан дээрэ Шэбэртын hургуулиин шабинар ёохороо бэлэглэнэ.

В2: Зай иигээд, Та бүгэдэндэ бултандатнай энэ хуралдаанда үндэр амжалта хүсөөд, кабинедүүдээр тарахыетнай уринабди.

Хүгжэм зэдэлнэ. (үхибүүд актова залһаа гарана)

Награждение. (После обеда)

В1: Түнхэнэй үндэртэ ябахадаа,

Түхэреэн Хэжэнгээ дурданхайб.

Тайгатай Ахадань ошоходоо,

Талатай Сэлэнгээ һананхайб.

В2. Яруунын олохон толинууд соо

Ягаахан Зэдэеэ харанхайб.

Хориингоо нугада сэнгэхэдээ,

Ториингоо сэсэгы баринхайб.

В1. Баргажан нютагта эльгэлхэдээ,

Баянхан Бэшүүрээ мартаагүйб.

Загарай, Хяагтада ерэхэдээ,

Заншалаа алдажа ябаагүйб.

Хоюулаа: Элдин уужам Буряад оромни,

Энхэ тайбан арад оломни!

Д.Дамбаевай ябаган шүлэгүүд Танай анхаралда.

В1: Хүсэл, зориг үргэһэн

Хүбүүд, басагад шабинараа

Хэтын мүнхэ захяагаар

Холын замда гаргажа,

Оройн үндэр мүшэндэл,

Одон болоод бадаржа,

Үргэн ехэ нютагтаа

Үндэр нэрээ хүндэлжэ,

Ходол үнэн ябадаг багшанартаа доро дохин альгаа ташая!

В2: Хуралдаандамнай хабаадаһан эгээл бэрхэ, һүбэлгэн үхибүүдые элирүүлхэ сагнай ерэбэ.

В1: Мүнөө тайзан дээрэ жюриин түрүүлэгшэ хэлэ бэшэгэй эрдэмэй кандидат, Буряадай гүрэнэй университедэй доцент Бадмажаб Баясхаланович Будаинда үгэ үгтэнэ.

(Илагшадые һалбари бүхэнөөр амаршалаад, 3 удаа амаршалгын һүүлээр хүгжэмтэ бэлэгүүд)

1. Шойнжонова Алина 4 б класс. (дуун)

2. Хатар.

3. Ёохорой дуун.

В2: Багшын лэ оролдолгоор эдэ һурагшад эндэ ерэнхэй хаба шадалаа туршалсажа байһыень бидэ мэдэнэбди. Тиимэһээ иигэжэ хэлэхэ дуран хүрэнэ:

В1: Багшын ажалай урматайда

Бүхы жаргал эдлэжэ,

Баяртай золтой ябахыетнай

Бултандатнай хүсэнэбди.

В1: Һайхан тээшэ уряалһан,

Һаруул сэдьхэл түрүүлһэн,

Буряад дайдаар мүнхэрһэн

Багшын соло дуудаял!

В2: «Бэлигэй туяа» гэһэн эрдэмэй практическа хуралдаандамнай булта ерэжэ хабаадаһандатнай баярые хүргөөд, тэнгэриин хууляар амилһан аялгата буряад хэлэеэ үндэр дээрэ үргэжэ, эхэ хэлэн дээрээ хөөрэлдэжэ, үеһөө үедэ дамжуулжа ябахамнай болтогой!

Дахин уулзатараа баяртай!