Урок математики, 3 класс

Урок матэматыкі ў 3 класе

Тэма:”Доля ліку”

Мэта: фарміраванне у навучэнцаў паняцця “доля ліку”, умення знаходзіць долі лікаў.

Задачы:

Адукацыйная:

• стварыць умовы для фарміравання ўяўленняў вучняў аб дзяленні на роўныя часткі прадметаў, геаметрычных фігур, лікаў, велічынь.

Развіваючая:

• садзейнічаць развіццю ўвагі, мыслення, матэматычнай мовы.

Выхаваўчая:

• выхоўваць культуру зносін, уменне слухаць адзін аднаго.

Метады: 

па крыніцах ведаў: слоўны;

па ступені ўзаемадзеяння настаўнік-вучань: дыялог;

адносна характару пазнаваўчай дзейнасці: рэпрадуктыўны, часткова-пашуковы.

Формы працы навучэнцаў: франтальная, парная, самастойная, калектыўная.

Тып урока: урок тлумачэння новых ведаў, урок-даследванне.

Абсталяванне: падручнік “Матэматыка: вучэб.дапам. для 3 кл. 1 частка” Т.М.Чабатарэўскай, камп’ютар, тлумачальны слоўнік, 2 мячы, рознакаляровыя карткі з дыферынцыраванымі заданнямі, яблык, у кожнага вучня на парце ліст самаацэнкі, 3 кругі, 3 квадраты, нажніцы, карткі – загадкі, каляндары.

Ход урока

Слайд 1.

I. Арганізацыйны момант.

Праверка класа гатоўнасці да ўрока. Псіхалагічны настрой.

Скажам “Добры дзень” рукамі (паціскаюць адзін аднаму рукі).

Скажам “Добры дзень” вачамі (глядзяць адзін на аднаго і ўсміхаюцца).

Падорым усмешку адзін аднаму і пажадаем удачы.

Слайд 2.

Зараз ты правер, дружок,

Ці гатоў пачаць урок.

Праверылі ? Сядайце,

Дружна працу пачынайце!

Будзем дружна працаваць,

Будзем веды набываць.

- Паважаныя дзеці! Вы ведаеце, што кожны урок матэматыкі для вас незвычайны таму, што што вы кожны раз адкрываеце нейкую тайну, нешто новае. Матэматыка - навука таямніц: таямніц лікаў, дзеянняў, выразаў, задач…

- Сёння я прапаную нам правесці ўрок – даследванне. А што значыць даследваць? Вось як тлумачальны слоўнік тлумачыць значэнне слова даследваць – правесці навуковае вывучэнне, выясненне. Сёння нам з вамі трэба шмат чаго новага высветліць і вывучыць. А дапамагаць будуць падручнікі, карткі, дыдактычны матэрыял. Даследваць тэму будзем па этапах (этапы напісаны на дошцы ў выглядзе плана).

Слайд 3.

План

1. Зарадка для розуму.

2. Вызнач тэму ўрока.

3. Новая тэма.

4. Практычны.

5. Работа з падручнікам.

6. Праблемны.

7. Чаму роўна доля?

8. Праверка ведаў.

9. Вынікі даследвання.

II. Вусныя лічэнні.

Слайд 4.

Этап 1.Зарадка для розуму.

Мэта: паўтарыць табліцу множання і дзялення з лікам 4.

1. Гуляюць у групах па радах “Ты – мне, я – табе”. Кідаюць мяч адзін аднаму і гавораць прыклад з табліцы на 4.

2. У нас у школе задачкі коціка Лічылкі.

У адным вялікім доме 4 кошкі жылі.

Усе вечарам сустракаліся і маркі дзялілі.

У іх 36 марак было. Па колькі кожная кошка сабе ўзяла? (36:4=9)

3 коцікі вечарком заглянулі да кошкі ў дом.

-Ты звяжы нам насочкі з поўсці, што ў клубочку. Памажыце, дзеці, палічыць, колькі трэба ёй звязаць? (4*3=12)

Зварыла кошка коцікам 27 рыбак.

Па 3 хапіла ўсім. Колькі коцікаў рыбку з’ядуць? (27:3=9)

У кожнай мамы-кошкі па 3 маленькія крошкі.

Колькі усяго крошак у двары сядзяць, калі кошак 5? (3*5=15)

Вось яшчэ адна задачка.

На лясной палянцы стаіць хатка.

У ёй жыве 4 коцікі, кожны вучыць 7 мышак.

Палічы, колькі мышак у гэтых настаўнікаў? (7*4 =28)

4 коцікі ў лес пайшлі і па 6 грыбоў знайшлі.

Ну, скажы, хто гатоў, колькі знойдзена грыбоў? (6*4=24)

Заглянулі ў клас рабяты, а там за партамі звераняты.

За кожнай партаю па 2: па 2 коцікі, па 2 кошачкі.

Колькі ж усяго зверанят, калі ў класе 8 парт? (2*8=16)

16 сшыткаў Мурзік узяў і коцікам іх раздаў.

Кожны атрымаў па 2. Колькі коцікаў палічы? (16:2=8)

3. Падвядзенне вынікаў 1 этапа.

- Чаму вы так хутка перадавалі мяч адзін аднаму?

- Чаму задач, хоць было шмат, а справіліся з імі так сама хутка?

- Важна ведаць табліцу?

Этап 2. Вызнач тэму ўрока.

Слайд 5.

Мэта: развіваць уменне састаўляць і рашаць выразы.

• Падумайце, што можа абазначаць дадзены выраз 1 : 2?

Тэма нашага ўрока … Вось бяда, прапала тэма ўрока! Ніхто не бачыў? Прыйдзецца вам яе самім назваць. Давайце рашым, а адказы размесцім у парадку ўзрастання.

(На дошцы толькі адказы 52 9 30 20, а на адваротным баку літары Д, О, Л, Я).

• І выразаў няма! Ну нічога, пастараемся паправіць. Я прадыктую матэматычны дыктант, а вы запішыце і рашыце выразы.

Да ліку 50 дадаць дзель лікаў 10 і 5 =52

Суму лікаў 20 і 25 падзяліць на 5 = 9

Ад здабытку лікаў 6 і 7 адняць 22 = 20

Ад ліка 70 адняць здабытак лікаў 5 і 8 = 30

• Што сказаць пра лікі адказу? (адназначныя і двухзначныя)

• Размясціце адказы ў парадку ўзрастання.

• Якая ж тэма ўрока? (пераварочваюць карткі, складаюць слова “доля”). Што ж такое доля?

III. Работа над тэмай урока.

Слайд 6.

Этап 3. Новая тэма

Мэта: пазнаёміць дзяцей з атрыманнем долі ліка.

- Бяру яблык.

- Якія думкі з’явіліся, убачыўшы яблык? Вось вам задача.

- 8 яблыкаў патрэбна раздзяліць паміж 2 братамі. Колькі яблыкаў атрымае кожны брат? Як раздзеліце яблыкі? (8:2=4)

- Цікава, ці змогуць два браты раздзяліць паміж сабой 1 яблык?

- Што атрымаецца? (палова)

- Палова – гэта частка, доля цэлага ліка. Людзям часта прыходзіцца дзяліць цэлае на долі. Самая вядомая доля – гэта палова. Дзе і калі можна пачуць словы з прыстаўкай “паў”? Вы чуеце іх кожны дзень: паўгадзіны, паўкілаграма, паўлітра.

- І так вернемся да нашага яблыка. Кожны брат возьме адну з двух аднолькавых частак. На матэматычнай мове гэта запісваецца так ½.

- Што азначае лік над лініяй? А што пад лініяй?

- Гэта запісана доля ліку.

Вывад: тэма ўрока “Доля ліку”. Малайцы.

Фізкультхвілінка.

Слайд 7.

Этап 4. Практычны.

Мэта: навучыць дзяцей практычна атрымліваць долі.

Слайд 8.

- Вазьміце два аднолькавыя кругі. Адзін раздзяліце на 2 роўныя часткі.

- Колькі долей у цэлым крузе? Цэлы круг – гэта 1, а палавіна? Падпішыце абедзве палавінкі (1/2).

Вазьміце 2 квадраты. Падзяліце, падпішыце і пакажыце ½ квадрата.

- А як атрымаць ¼ долю круга, квадрата?

- А яшчэ далей можна дзяліць круг і квадрат на часткі?

(паказ нагляднага дэманстратыўнага матэрыяла “Долі”)

Этап 5. Работа з падручнікам.

Слайд 9.

Мэта: замацаваць правіла запісу долі ліка і вучыць рашаць простыя задачы на знаходжанне ½, 1/3 долей ліку.

Работа с правілам на с.32.

Заданне 1. Назавіце, якую долю складае зафарбаваная частка кожнага прамавугольніка.

Заданне 2. Нарысуйце фігуры ў сшытку і зафарбуйце долі фігур.

Этап 6. Праблемны.

Слайд 10.

Мэта: фарміраваць уменне параўноўваць долі.

1. Работа з камп’ютарам. Гульня “Гаршочак мёду” (слайды).

- Дапамажыце Віні Пуху падзяліць гаршчочак мёду паміж сябрамі.

- Якую долі атрымаў кожны з іх?

Запісаць у сшытак.

Зрокавая гімнастыка “Злаві сняжынку”.

Этап 7. Чаму роўна доля?

Слайд 11.

Мэта: вучыць знаходзіць долю ліка

- Уявіце, што круг – гэта смачны торт. Колькі каштуе торт? А што даражэй – цэлы торт ці яго частка?

- Цэлы торт каштуе 20 рублёў. Колькі будзе каштаваць ½ частка торта? Больш ці менш? Як даведацца? А ¼, 1/5?

- А ў колькі разоў цэлы торт будзе даражэй за ½, 1/4, 1/5, 1/10?

Работа ў парах з каляндаром.

- Колькі месяцаў у годзе?

- Якую частку года складае 1 месяц?

- Якую частку года складае лета?

- Задайце яшчэ пытанні, выкарыстоўваючы каляндар.

Этап 8. Праверка ведаў.

Слайд 12.

Мэта: праверка ведаў

Дыферынцыраваная работа.

(карткі на паперы рознага колеру)

Чырвоная картка.

У каробцы 18 алоўкаў. Колькі алоўкаў складаюць: ½, 1/3, 1/6, 1/9, 1/18 ?

Зялёная картка.

У бідоне было 24 літры малака. Колькі літраў малака складаюць ½, 1/3, 1/24

Жоўтая картка.

Замалюй

½ ¼

IV. Вынік урока.

Слайд 13.

Этап 9. Вынікі даследвання

Мэта: падвядзенне вынікаў урока

• Чаму навучыліся на ўроку?

• Што новага даведаліся?

• Ці спадабаўся ўрок? Чым і што?

• Ацаніце свае веды і выберыце месца ў групе колеру:

чырвоны - зразумеў і магу іншым дапамагчы,

зялёны – зразумела,

жоўты – яшчэ не ўсё зразумела.

Дамашняе заданне.

С.33 №5, №6

• Дзякуй за добрую працу. Урок закончаны.