«Әдептілік-әдемілік» 1- сынып 10-сабақ

Сабақ мақсаты: Оқушылырға әдептілік  ұғымын түсіндіре отырып,  ішкі тыныштық құндылығының мәнін ашу

Міндеттері:

  -сыпайылық,ізеттілік адами қасиеттер  туралы түсінік беру;

  -сыйластық қарым-қатынас дағдыларын дамыту;

 -ізеттілікке,сыпайлыққа, әдептілікке, достыққа тәрбиелеу

Ресурстар: Оқулық, дәптер, интербелсенді тақта, суреттер.

Сабақ барысы:

1. Ұйымдастыру кезеңi. Тыныштық сәтi.

Су асты патшалығына ойша саяхат (Баяу әуен)

Үй тапсырмасын тексеру.

10-сабақ  «Әдеп»  Т.Қажыбаев      

1. Аян мен Арманның орнында сендер болғанда не істер едіңдер?

2. Әдепті адам кандай адам?

3. Инабаттылық белгісі не?

Сабақ барысын талқылау:

1. Дәйек сөз.

 «Сәлемдесу-әдептілік бастауы» даналық сөз

Сұрақтар:

1.Сәлемдесу деген не?

2.Барлық адамдармен калай амандасар едің?

3.Ата – анамыз ренжімес үшін біз не істей аламыз?

1. Мұғалімнің сыйы

Тесік шелек

       Бір байдың үйіне қызметшісі күнде екі шелекпен су таситын. Алайда, оның біреуінің түбі тесік болатын. Бүтін шелекпен суды қожайынның үйіне төкпей-шашпай жеткізсе, тесік шелекке құйылған су жол бойы тамып, жартысы ғана кәдеге жарайтын. Осылайша арада екі жыл сырғып өте шығыпты.          Бір күні әдеттегідей өзен жағасына тағы барғанда, шыдамаған тесік шелек су тасушыға қысыла-қымтырыла: «Сізден кешірім сұрасам деп едім, білсеңіз ылғи алдыңызда ұяттан өртене жаздаймын»,– депті. Таңқалған су тасушы: «Неге?» деп сұрайды. Шелек: «Өйткені, түбім тесік болғандықтан, судың жартысын ғана жеткізіп, өзіме жүктелген міндетті толық орындай алмай жүргеніме іштей қатты қысылам. Менің кесірімнен сіз де тиесілі еңбекақыңызды толықтай ала алмай келесіз» дегенде қызметші: «Оған түк те қайғырма. Одан да қожайынның үйіне баратын жолдың сен жағындағы гүлдеріне бір қарашы», – депті жай ғана.         Шынында да қожайынның үйіне жеткенше жолдың өз жағы жапырағы жайқалған, иісі аңқыған гүлдермен көмкеріліпті. Әдеміліке тамсанған шелек бір сәт аңтарылып тұрып қалғанда, су тасушы: – Жолдың сен жағына әдейілеп гүлдер ектім. Күн сайын су алып қайтқанда сен оларды суғарып тұрдың. Екі жылдан бері қожайынды осылайша қуантып келдім. Егер сен тесік болмағаныңда, гүлдер болар ма еді?!», – деген екен.          Пенде болған соң тесік шелек секілді әркімнің де өзіне тән кемшіліктері болары сөзсіз. Алайда, одан қуыстанып, қорқа беру де жөн емес. Дегенмен, кемшілігін түзеп, үлгі ала білсе, жақсылыққа қарай ұмтылса, сіздің де біреуге пайдаңыз тиері сөзсіз. Айналаңыздаға адамдарға өз мейіріміңізді төгіп,сүйіспеншілік сыйлайсыз.

А)  Тесік шелектің әрекетін қалай түсінуге болады?

Ә) Осы өскен гүл кімдерге риясыз сүйіспеншілік сыйлады?

Б) Тесік шелектің ішкі тыныштығы неде?

1. Шығармашылық жұмыс, топтық жұмыс.

«Тыныштықта сурет салу» оқушылыр әуенмен сурет сал

1. Топпен ән айту.

 «Балдырғандар» әні

 (сөзін жазған:О.Аубакіров,           әнін жазған:Ш.Қалдаяков)

I.Қуанышқа бөлінген әр күніміз,

   Бақыттымыз,балалар,барлығымыз.

    Қайырмасы:

    Өмір тым жайдары,

    Қызықтың қайнары,

    Бақшамыз жайнады.(2 рет)

II.Біз-Отанның балдырған ұлдарымыз,

   Әдептілік,батылдық-ұранымыз

1. Үй тапсырмасы.

11-сабақ  «Әтеш, лақ және күшік» (әңгімесі)

    7. Соңғы тыныштық сәтi.

   -Балалар,денелерін түзу ұстап,бастарынды жоғары көтеріп,ынғайланып отырындар. Көздеріңді жұмсаңдар да болады. Ауаны терең жұтып,еркін тыныс алыңдар. Өздерінің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік. Бүгінгі сабақтан алған әсерлеріңізді жүректеріңізге түйіп алыңыздар! Рахмет! Ал енді көздеріңді ашсаңдар да болады.