Дүниетану сабағынан "Топырақты қорғау" атты сабақ жоспары

Пәні: Дүниетану

Сынып: 2 сынып

Мұғалім: Туленова Жанна Даукеновна

Сабақтың өткізу мерзімі: 8.12.2017 ж

Сабақтың тақырыбы: Топырақты қорғау

Сабақтың мақсаты: Жер бетіндегі тіршілік үшін топырақ маңызын

түсіндіру

Міндеттері:

1. Топырақты қорғау мен оның құнарлығын арттыру жұмысын қолға алу керектігін түсіндіру;

2. Топырақтың табиғат пен адам өміріндегі маңыздылығын ұғындыру;

3. Табиғатты сүюге, құрметтеуге тәрбиелеу.

Құрал-жабдықтар: топырақ үлгілері, стақан, су құйылған ыдыс

Сабақ түрі: әңгімелесу, талдау-жинақтау, топта талқылау Оқыту әдістері: оқу-танымдық әрекеттерін ұйымдастыру Пайдаланған жаңа технологиялар: СТО Қолданылған жұмыс формалары: жұптық жұмыс

Сабақ барысы:

І. Ұйымдастыру

Сабаққа дайындықтарын тексеру, назарларын аудару, сабақ ережесін еске түсіру

ІІ. Үй тапсырмасын сұрау

«Топырақ» тақырыбы бойынша сұрақтар қойылады

• Суреттегі топырақтың түрлеріне қарап, солардың қайсысы құнарлы деуге болады?

• Құнарлылық дегенді қалай түсінесіңдер?

• Адам өмірі мен жануарлар, өсімдіктер үшін топырақтың қандай маңызы бар?

• Топырақ құрамында қандай заттар бар?

ІІІ. Жаңа сабақ

1. Психологиялық дайындық

• Бүгінгі сабақта біз бірнеше сұраққа жауап іздейміз:

• Топырақтың құнарлығы шексіз бе?

• Оны қорғау қажет пе?

• Топырақты қорғау үшін не істеу керек?

1. Дидактикалық ойын

«Сарапшылар мен жас табиғат қорғаушылар кездесуі» ойыны ойналады. Оқушылар 2 топқа бөлінеді. Мәтін оқылады. Мәтіннің мазмұны бойынша берілген сұрақтарға жауап іздейді және кесте толтырады. Өзара топта талқылайды. Топ басшысы тірек сызбаны қорғайды.

І топ: Сарапшылар – Топырақтың бұзылу себептерін анықтайды

ІІ топ: Жас табиғат қорғаушылар – Топырақты қорғау жолдарын

іздестіреді

І топ. Топырақ неліктен бұзылады?

Қорытынды:

Топырақ ұқыпты қарауды қажет етеді, себебі ол оңай бұзылады, сумен шайылады, желмен ұшып, ауаны шаңға айналдырады. Топырақтың бұзылуына жол бермеу керек.

ІІ топ. Топырақты қорғау үшін не істеу керек??

Қорытынды:

Адам топырақты әртүрлі тәсілдермен қорғай алады.

1. Пікірталас

• Егер жер бетінде топырақ жоғалып кетсе, онда не болар еді?

1см қалыңдықтағы топырақтың түзілуіне 205-300 жыл, ал 20см топырақ түзілу үшін 5000-6000 жыл кетеді. Сондықтан топырақты бұзылудан сақтап, оны қорғау шараларын қолға алу қажет!

IV. Қорытынды

1. Дәптермен жұмыс

Оқушылар «Топырақты қорғаңдар!» тақырыбына сурет салады

1. Үйге тапсырма: 42-44 бет.

2. Бағалау