Эксээмэн туттарар оҕолордоох төрөппүттэргэ сүбэлэр

“Эксээмэн туттарар оҕолордоох төрөппүттэргэ сүбэлэр.”

Үтүө киэһээнэн, убаастабыллаах төрөппүттэр! Бүгүҥҥү биһиги кэпсэтэр темабыт Эксээмэн тутрарар оҕолордоох төрөппүттэргэ сүбэлэр, эксээмэн хас биирдиибитин долгутар, оннооҕор оҕолорбутунааҕар бэйэбит долгуйабыт. Эксээмэн кэмигэр долгуйуу, ыгылыйыы- хас биирдии киһи билбит суола. Уопсайынан, киһи олоҕор хайдах дьаһанан сылдьара хайдах санаа киирэн өйү-санааны баһылыырыттан тутулуктаах.

Билигин эһиги төрөппүттэр элбэхтэ бэйэҕитигэр боппуруос туруорар буолуохтааххыт, хайдах оҕобор көмөлөһөбүн диэн.

Долгуйуу улахан аҥаара эксээмэҥҥэ сыппат. Долгуйуу, ыгылыйыы- бэйэлээх бэйэбит санаабыт иһиттэн үөскээн тахсар көстүү.

Оҕон эксээмэни туттарыыга төһө улахан суолта биэрэр да, долгуйуу, ыгылыйыы күүһэ ол тэҥэ улахан буолар. Киһи бэйэтигэр холобур, барыта үчүгэй буолуо, сатаныа диэн сыаналанар буоллаҕына, эрэллээх санаа баһыйан киһи үчүгэйи ыҥыран ылан санаата көтөҕүллэр. Оттон төттөрүтүн эрдэттэн барыта табыллыа суоҕа диир эбит буоллахпытына, билэрбит курдук куһаҕаны бэйэбит ыҥыран ылабыт.

Эксээмэҥҥэ бэлэмнэнэргэ сүрүн хардыылар:

• Сөптөөх режимы тутуһуу

• Үлэни аттарыы.

• Сөптөөх аһылык.

• Сэргэх санааны тутуһа сатыахтаахтар, Куһаҕаны ыраланыа суохтаахтар.

• Эксээмэн буолар түүнүгэр толору утуйар ирдэнэр.

• Ол бу саарбах энергетиктарынан, колаларынан үлүһүйүө суохтаахтар. Кинилэр иҥэмтэлэрэ суох, эти-сиини туһата суох күүрдэр дьайыыларын умнума.

Дьарыктанар миэстэлэригэр болҕомто ууруохха наада. Анал остуол баара биллэн турар улахан суолталаах. Дьарыктанар сирдэригэр аралдьытар, болҕомтону тардар туора мал суох буолуохтаа. Холобур, төлөпүөнэ, ноутбук, компьютер. Балтараа чаас буола-буола 15 мүнүүтэ тохтобул оҥоруохтаах. Ол кэмҥэ таах сыппакка,олорбокко өй үлэтиттэн ураты атын дьарыкка болҕомтотун ууруохтаах- хамсанан, сүүрэн-көтөн, дьиэ үлэтин үлэлээн. Сибиэһэй салгын уонна чуумпу услуобуйа туһунан умнуо суохтаахтар.

Оҕолор бэйэлэрэ манныгы баҕараллар кинилэри тулалыыр дьон долгуйбаттарыгар, үөрэхтэн ураты атын тиэмэлэргэ эмиэ кэпсэтэллэригэр итиэннэ эрэнэллэригэр баҕараллар эбит. Маннык диэм этэ оҕону кытта элбэхтэ кэпсэтиҥ, ыйыталаһыҥ, кириитикэлээмэҥ диэн сүбэлиибин. Америка биллиилээх психолога олус интэриэһинэй кинигэлээх, онно кини “хайҕабыл бэнсиин кэриэтэ оҕону күөдьүтэр” диэн этэр. Онон түгэн көһүннэ да оҕону хайаан даҕаны хайҕааҥ, ол киниэхэ эрэли үөскэтэр, “күөдьүтэр” диэн этэр.

Трениҥнар

1. “Приветсвие.” Меняемся местами те, у кого....(сережки, унты, брюки, юбки...).

2. “Плюсы и минусы.” Эксээмэн туох үчүгэйдээҕин уонна куһаҕаннааҕын суруйуу хамаанданан уонна ааҕаллар.

3. “Мозговой штурм.” Кумааҕыга бэлэм боппуруоска эппиэттииллэр хамаанданан уонна утарыта ааҕаллар. Мин төрөппүт буолан туран оҕобор хайдах, тугунан эксээмэн туттарарыгар көмөлөһөбүн.

4. Анкета толотторуу Иванова А.А.

5. “Пойми меня.” Билигин миэхэ 4 төрөппүт наада (тахсаллар) эһиэхэ бу карточкалары биэрэбин ону эһиги төрөппүттэргэ оонньоон көрдөрөҕүт, эһиги таайыахтааххыт. (үөрэнээччи, төрөппүт, учуутал, дириэктэр).

(Төрөппүт оҕотун уһугуннаран туруоран эксээмэҥҥэ ыытар...

Учуутал эксээмэн тутаары кабинетка олорор

Үөрэнээччи кабинет аттыгар киирээри туран таҥараттан көрдөһөр.

Дириэктэр үөрэн көтөн эксээмэн ситиһиилээхтик түмүктэммитинэн аттестат туттарар.) маннык оонньоон көрдөрөллөр саҥата суох.

1. “Рисую спокойствие.” Бэлэм мааннай крупаалаах подноска хамаанданан биирдии биирдии уруьуй ойуу оҥорон таһаарабыт. Көҥүл тиэмэ.

2. “Газетный баскетбол.” Убаастабыллаах төрөппүттэр билигин туох баар тута сылдьар куһаҕан санааларбытын, туох баар куһаҕаммытын барытын бу хаьыакка уҥа илиибитинэн аргыыйдык харахпытын симэн кум- хам кумалыы тутан бу корзинаҕа мууссар иһитигэр быраҕабыт. Барыта үчүгэй буолуо. Уонна маайыҥҥы хамаандаларбытынан икки гына турабыт бэйэбитин үрдүктүк сананан, сыаналанан билигин кыһыл дорожканан голливуд звездааларын курдук биирдии биирдии хаамабыт.

Кэлэн кыттыбыккытыгар махтанабыт, санаабыккыт сатаннын, баҕарбыккыт баар буоллун диэн туран барыгытыгар көрсүөххэ диэри!