Երաժշտական կերպարի զարգացում, դրամատուրգիա

Ցանկացած  երաժշտական  ստեղծագործություն  ունի  իր  ներքին  զարգացումը, այն  արտահայտում  է  տարբեր  բնույթ, և այդ  բնույթից ու բովանդակությունից  էլ բխում  է կերպարը: Կերպարները  լինում են առանձին  ստեղծագործությունների  տեսքով՝  երգ, մանրանվագ, կամ  հանդես  են գալիս  մեծ  ստեղծագործությունների  մեջ՝ օպերայի, բալետի, սիմֆոնիայի, սոնատի  և  այլն: Մեծ  ստեղծագործություններում  երաժշտական  կերպարները միմյանց  հետ  որոշակի  փոխգործակցության մեջ  են, այսինքն, մերթ  համադրվում  են՝ լրացնում  միմյանց, մերթ  հակադրվում: Եվ այս  հակադիր   կերպարների  բախումով էլ  զարգանում  է  երաժշտական միտքը, հասնում  իր  գագաթնակետին, ունկնդրի մեջ  առաջացնելով  խոր և ուժեղ ապրումներ: Այսպիսի  երաժշտական  զարգացումն  անվանում են երաժշտական  դրամատուրգիա: