Есептік және реттік сан есім 3-сыныпқа арналған ашық сабақ жоспары

Пәннің аты

Қазақ тілі

Уақыты:24.04

Кабинет:№8

Мұғалім

Ибрагимова Л.П.

Сабақтың атауы

Есептік және реттік сан есім

Мақсаты

Күтілетін нәтиже

Білімділік: Оқушыларды есептік және реттік сан есімді пысықтау. Сұрақтарды дұрыс қоя білуге, оларды бір - бірінен ажырата отырып сан есімге байланысты жаттығуларды дұрыс орындау үйрету.
Дамытушылық: Сөздік қорларын молайтып, білімдерін толықтыру. Сауатты жазуға қалыптастыру.
Тәрбиелік: Мейрімділікке, халқымыздың ұмыт болған салт - дәстүрлерін құрметтеуге, ұқыптылыққа, өз Отанын сүюге тәрбиелеу.
Көрнекілігі: Ертегі суреттері, таблица, карточкалар.
Сабақ түрі: Аралас сабақ.
Әдісі: Сұрақ - жауап, топпен жұмыс.

Психологиялық ахуал

Ойға білім тоқимыз,

Айрықша мол үмітпен,

Қазақ тілін оқимыз

Ерекше зор құрметпен.

Бүгінгі сабағымыздың ұраны:
Сөйлейміз, оқимыз, жазамыз,
Бәрін білуге ұмтыламыз.
- Ендеше осы ұранымызды ұстана отырып сабағымызды бастаймыз.

Ұран бойынша оқушылардың психологиялық көңіл-күйін бақылағаннан кейін сабақты бастауға мүмкіндік жасаймын.

Қызығушылықты ояту

Екі көзің не үшін керек?

Жақсыларды көру үшін.

Екі құлағың не үшін керек?

Ақыл кеңес тыңдау үшін.

Екі қолың не үшін керек?

Елге көмек беру үшін.

Екі аяғың не үшін керек?

Туған жерде жүру үшін!- ендеше, балалар 12 мүшелерін сау болып, туған жерде үлкен азамат болып өсулеріңе тілектеспін.

Бүгінгі сабағымызда халқымыздың салт-дәстүр, ұлттық ойын және халық ауыз әдебиеті түрлерімен танысамыз!

Мағынаны тану

Сөзжұмбақ шешу арқылы жаңа тақырыпқа шығу.

(Сан есім тақырыбына видео I-Mektep қорынан алынған)

1. Өткенді білмегеннің – ертеңі болмайды. (Өткен тақырыпты пысықтау)

Егер берілген сұрақтарға дұрыс жауап берсеңдер, әр жауапқа Халқымыздың салт-дәстүрлерімен танысамыз!

1) Сан есім дегенміз не?

Сан есім ережесін айту. Мысал келтіру.

Шілдехана – жаңа туған нәрестенің құрметіне арналған той. Бұл тойда “баланыздың бауы берік болсын” деген құттықтау сөз айтылады.

2. ) Сан есімнің неше түрі бар?Реттік сан есім дегеніміз не? Мысал келтір.

Бесік жыры, бесікке салу.

Шілдехана өткеннен кейін, баланың әке-шешесі бесік тойын жасайды.

Көз тимесін деп бесікке тұмар тағып, бесік жырын айтады

(«Бесік жырын» айту.)

87-беттегі 1-жаттығу. (ауызша орындау).

Мәтінді түсініп оқу. Сан есімдерді тауып, түріне қарай ажырату.

3.Есептік сан есім дегеніміз не? Мысал келтіру

Қырқыннан шығару.

Туғанына 40 күн толғанда, баланы қырқынан шығарады. Қазақ халқының ұғымында 40 саны қасиетті сан. Бала қырқыннан шыққанға дейін киген көйлегіне, тәттілерді түйіп, иттің мойнына байлап қоя береді. Балалар итті қуып жетіп, тәттілерді бөліседі

4. Реттік сан есім қалай жасалады? Мысал келтір.

Тұсау кесу- сәби қаз тұрғаннан кейін, тез жүріп кетсін, болашағы жарқын болсын деген тілекпін жасалатын дәстүр. Ала жіппен аяғын байлап, қадірлі адам кеседі.

2-жаттығу. (жазбаша орындалады)

Есептік және реттік сан есімдерді екі қатарға бөліп жазу.

«Халық ауыз әдебиеті» бөлімі.

• Қазақ халқының ауыз әдебиеті- ауыздан- ауызға ауызша тарап, біздің дәуірімізге дейін жеткен шығармалар. Ауыз әдебиеті ғылымда фольклор деп аталады. Фольклор ағылшын сөзі. Дәлме- дәл аударғанда «халық шығармасы», «халықтың ауызша шығарған көркем сөздері»  деген мағынаны береді.Ауыз әдебиет түрлері:Ертегілер

• Мақал- мәтелдер

• Жұмбақтар

• Эпостық жырлар ( батырлар жыры) Қобыланды батыр жыры

• Лиро-эпостық жырлар. Қозы Көрпеш – Баян сұлу

• Айтыс өлеңдер

• Тарихи жырлар

3-жаттығу. Көп нүктенің орнына тиісті сөздерді қойып, мақал-мәтелді көшіріп жазу.

Сергіту сәті

«Таңда да таста» әдісі арылы сергіту сәтін ұйымдастыру. Оқушылар берілген қағаздарға сан есімдерді жазады. Сыныптың төрт қабырғасына тұрып бір-біріне лақтырады

Ой сергітеді,шашағандары

басылады

Ой толғаныс

«Сандарды сөйлет» ойыны.

1. Бір жылда күн бар.

2. - наурыз “Халықаралық әйелдер күні”.

3. Бір жылда ай бар.

4. Бір километрде метр бар?.

5. жылы Н.Ә. Назарбаев ҚР Президенті болып сайланды.

6. - желтоқсан “Тәуелсіздік күні”.

«Ойлан-жұптас –талқыла» тапсырмаларды жұптасып орындау.

Үйге тапсырма

88-бет 4-жаттығу. Жұмбақтарды көшіріп жазып, шешуін табу. Реттік сан есімдерге айналдырып жазу.

Күнделіктеріне жазып беремін

Бағалау

Оқыту үшін бағалау және оқуды бағалау

Бағалау парақшасын толтырады.

Кері байланыс

Смайликтерді өзі қалаған нұсқаға жабыстырады