«Фитопрепараттар және табиғи биологиялық белсенді заттардың химиясы» пәнінің лабораториялық жұмыстарына арналған оқу-әдістемелік нұсқау

Қазақстан флорасы пайдалы өсімдіктерге, соның ішінде ерекше маңызды болып саналатын дәрілік өсімдіктерге бай.

Қазіргі кезде әртүрлі ауруларды емдеу үшін дәрілік өсімдіктерге ерекше көңіл бөліне бастады. Өсімдіктердің химиялық құрамын зерттеу медицинада тиімді дәрі-дәрмектермен қамтамасыз етумен қатар жаңа, экологиялық таза, улылығы төмен және жоғары эффективті отандық фитопрепараттарды өндіру маңызыды болып табылады.

Географиялық зоналар, климаттық және экологиялық жағдайлардың ерекшеліктері өсімдіктердегі зат алмасу процестерін өзгертіп, сапониндер, флавониодтар, терпендер, стероидтар мен амин- және май қышқылдары сияқты биологиялық белсенді заттардың синтезделіп жиналуына әсер етеді.

Органикалық химияның көптеген бөлімдері мен өндірістің әртүрлі бағыттарының пайда болуы өсімдіктерден бөлінген заттарды зерттеумен тікелей байланысты. Бұлардан жасалатын препараттардың тиімділікке айналғаны белгілі. Соның нәтижесінде бүгінгі күнде фитотерапия айтарлықтай дамып отыр.