Гендерное насилие

С.ТЕМАСЫ: Гендердик зордук зомбулук.

Үйдөгү зордук-зомбулуктун кандай түрлөрү бар?

Зордук-зомбулуктун төрт түрү айырмаланып жүрөт – физикалык, психологиялык, экономикалык жана сексуалдык

Физикалык зордук-зомбулук катары төмөнкү учурлар саналат: уруп-соксо же түртсө; үйдөн чыгарбаса же үйгө киргизбесе; өлтүрөм деп коркутса, ден соолукка, коопсуздукка же өмүргө коркунуч туудурган кырдаалдарды атайылап түзсө; алкоголь ичүүгө же баңгизаттарды пайдаланууга мажбурласа; тамак ичирбесе, эс алууга же уктоого жолтоо кылса; күч колдонуу, коркутуу, алдоо аркылуу өлкө ичинде жүрүүгө же чет өлкөгө чыгууга мажбурласа.

Экономикалык зордук-зомбулук катары төмөнкүлөр эсептелет:

сиз ээ болгон турак-жайдан, кийим-кечеден, башка мүлктөрдөн же акчадан атайылап ажыратуу;

акчага жетүү мүмкүнчүлүгүн чектөө;

кайырчылык-тилемчилик кылууга мажбур кылуу;

иштегенге же окуганга уруксат бербөө;

акча же мүлк менен опузалоо.

Сексуалдык зордук-зомбулуктун учурлары:

зордуктоо;

дененин интимдик бөлүктөрүнө эркке каршы тийүү, кармалоо;

бойдон алдырууга же кош бойлуу болууга мажбур кылуу;

сойкулук менен алектенүүгө мажбурлоо;

башка адамдар менен секске мажбурлоо;

зордукчулдун жыныстык актысын карап турууга мажбурлоо.