Հայերենում ԺԱՄ-ը ժամանակի չափման միավորն է

Հայերենում ԺԱՄ-ը ժամանակի չափման միավորն է: ԺԱՄ բառը նշանակում է նաև եկեղեցի: Ինչպե՞ս:

Երբ միջնադարում եղավ ժամացույցի գյուտը, այդ սարքից ունենալ բոլորը չէին կարող: Այն շատ թանկ էր: Եվ մարդիկ ժամանակն իմանում էին եկեղեցու զանգից: ԺԱՄ բառը «տեղափոխվեց» եկեղեցի և դարձավ դրա անվանման տարբերակներից մեկը, հոմանիշը: Այս բառով կազմվեցին նոր բառեր ու արտահայտություններ, որոնք առնչվում են բացառապես եկեղեցուն, ինչպես` ժամասացություն, ժամգիրք, ժամհար, ժամ ու պատարագ, ժամի դուռ գնալ և այլն: Հիշենք Րաֆֆու քառյակներից մեկը.

Նա չէ գնում հայոց ժամ,

Զի շարական չէ սիրում,

Այլև հայոց խունկի հոտ

Նորան վատ է միշտ բուրում...