Հայկական լեռնաշխարհը

«Հայկական լեռնաշխարհը» թեմայի ամփոփում

Դասի թեման- «Հայկական լեռնաշխարհը»

Դասարանը- 6-րդ

Առարկան – հայոց պատմություն

Դասի նպատակները

Այս դասի ընթացքում սովորողները

. Սովորողները կիմանան հայ ժողովրդի պատմական հայրենիքի՝ Հայկական լեռնաշխարհի մասին, նրա աշխարհագրական դիրքի, զբաղեցրած տարածքի, վարչական բաժանումների մասին:

. Կբացատրեն Հայկական լեռնաշխարհի սահմանները, անունները:

. Կթվեն և քարտեզի վրա ցույց կտան լեռները, գետերը, լճերը:

. Կմեկնաբանեն պատմավարչական բաժանումները:

. Կվերլուծեն ՀՀ-ն և ԼՂՀ-ն որպես պատմական հայրենիքի մաս լինելը այսօր մեզ համար:

. Կարժևորեն Հայկական լեռնաշխարհի կարևորությունը ներկա սերնդի համար:

. Կհամագործակցեն , կօգնեն, կլրացնեն իրար միասին աշխատելու ժամանակ:

Մեթոդական մաս- Դասը կազմակերպված է հարցակենտրոն կրթություն մեխանիզմով՝ ի՞նչ, ինչպե՞ս, ինչու՞, մտագրոհ, աշխատանք զույգերով՝ «Մեկը տուր, մյուսը՝ ստացիր», «մարդկային քարտեզ», ինքնագնահատում:

Անհրաժեշտ նյութեր- դասագրքեր, քարտեզներ, պաստառներ, թղթեր, քարտեր, գնահատման թերթիկներ:

Դասն սկսվում է մտագրոհով: Սովորողներին հնարավորություն է տրվում մտորել, վերհիշել , կենտրոնանալ թեմայի շուրջ: Աշխատանք զույգերով՝ տրվում է առաջադրանքը և բացատրվում կատարման կարգը, որից հետո սովորողները հաջորդականությամբ ներկայացնում են կատարված աշխատանքները:

Մեկը տուր, մեկը ստացիր

15 աշակերտների հետ կազմվում է «մարդկային քարտեզ», որը ներկայացնում է Հայկական լեռնաշխարհի 15 նահանգների տեսքը:

Կշռադատման փուլում մտածում են «ինչու՞ ենք սովորում Հայկական լեռնաշխարհը թեման»:

Ինքնագնահատման թերթիկներում ստանում են հանձնարարություն կատարելու:

Նոր նյութի հաղորդում սլայդի միջոցով և ուսուցանող թեստ, տնային հանձնարարություն: