Һурагшадай туршалганууд

Наhатай зоной hайндэр

Жэлэй нэгэ дахин үндэр наһатай зоной һайндэр тэмдэглэгдэдэг. Эдээхэн наһатай зондо ехэшье юумэн хэрэггүй. Олониитын зүгһөө анхаралаа хандуулжа гарай бэлэгээр, аяга сайгаар, зүжэг наадаар баясуулхадань наһатайшуул ямар баяртай, урматай байдаг гээшэб. Гэр бүлэ бүхэндэ наһатай хүгшэн аба эжынэр бии гээшэ. Тэдэнээ гар дээрэ үргэжэ, бөөмэлжэ гурбан зөөлэниие үзүүлжэ манай уялга болоно. Һайндэрэй ушарта үшөөшье ехээр анхаралаа хандуулжа, ямар хэрэгтэй, үнтэй сэнтэйень мэдүүлхэ хэрэгтэй. Хүн бүхэн үндэр наһанай дабаанда ерэдэг. Тиимэһээ үхибүүдээ бага наһанһаань хойшо зүбөөр хүмүүжүүлхэ ёһотой. Наһатай болоходонь үри хүүгэдынь һайнаар хаража, жаргалтай наһа наһалхыень оролдохо хэрэгтэй. Наһатай зоной һайндэртэ бидэ гэр бүлөөрөө үндэр наһатай түрэлхидөө амаршалхаяа ошохобди. Багаханшье анхаралаа хандуулхадамнай ямар баяртай, урматай байха гээшэб!

Галданов Эрдэм, 7-дохи «б» ангиин һурагша

Уласхоорондын үндэр наhатайшуулай hайндэртэ зорюулан, нэгэ hайн hанаатай эхэнэр- Тогтоева Валентина Чулуевна тухай хөөрэхэ дуран хүрэнэ. Валя нагаса абгайхан гэжэ нэрлэдэгби. Валя нагаса абгаймни ехэ хүндэмүүшэ, ороhон, гараhан хүнүүдые хооллуулжа байдаг зантай. Бага наhанhаа хүдэлмэриhөө хашардаггүй. Мүнөө hарада Валя абгайхан 70 наhаяа угтаха юм, тиимэhээ би hайндэрөөр амалшалнаб. Энэл хүнгэн, солбон зандаа ябыт даа.

Бидэ, залуушуул, наhатайшуулаа хүндэлжэ ябаял даа. Он жэлнүүдэй үнгэрхэдэ, бидэшье энэ наhанда хүрэжэ ябаха ха юм бибди. Энээн тухай ходо hанажа ябаял даа.

Данзанова Туяна, 7 –дохи «б» ангиин һурагша

«Бусалһанһаа ама хүрэ

Бууралһаа үгэ шагна» -

Буряад арадай сэсэн үгэ

Бишыхан байхаһаамнай эхилээд

Бидэндэ һургаал заадаг,

Хайрлан эрхэлүүлэн ябадаг,

Хүгшэн эжы, хүгшэн аба

Нагаса аба, нагаса эжы

Наһатай зоной үдэрөөр

Нэрлэн таанадаа амаршалнаб.

Хараад таанадаа баясадагби

Наһатайшье гэжэ хэлэхээр бэшэлта

Налгай зохид зангыетнай,

Нарандал дулаахан сэдьхэлыетнай

Һанаата болодог зүрхыетнай

Ажалша, бэрхэ гарнуудыетнай

Ажаглан ,жэшээ болгон,

Аба эжыдээ туһатай,

Арад зондоо хүндэтэй,

Ажаһууха һалбархамнай болтогой.

Галсанова Александра,7 –дохи «б» ангиин һурагша

Минии нагаса эжы Жамбалма Дондоковна Жамбуева, буряад хэлэнэй багша.

Нагаса эжымни дүшөөд жэл соо манай лицей-интернадта багшалаа. Мүнөө хаанашье ябахада, нагаса эжымни һурагшад уулзадаг. Элдэб янзын мэргэжэлтэй олон һурагшадтай юм. Эжымни һайнаар хүдэлһэнэйнгөө түлөө Буряад Уласай габьяата багша болоһон. Хүдэлжэ байхадаа, мүнөөшье амаралтадаа һургуулида үзэхэ номуудые бэшэнэ. Эжымни сэсэн, бэрхэ, ажалша юм. Эжыдээ бидэ дуратайбди, хүндэлдэгбди, туһалхые оролдодогбди.

Лиджиев Заян, 7 –дохи «б» ангиин һурагша