Икенче кечкенәләр төркемендә “Ватанны саклаучылар көненә багышланган интеграль шөгел: “Очучылар”

Татарстан Республикасы
Биектау муниципаль районы
Ямаширмә «Йолдыз» балалар
бакчасы муниципаль
бюджет мәктәпкәчә белем бирү учреждениесе

Икенче кечкенәләр төркемендә “Ватанны саклаучылар көненә багышланган интеграль шөгел:

“Очучылар”

Тәрбиячеләр: Асылгәрәева А.А.

Мифтахова А.А.

Муз.җитәкчесе:Сафиуллина Л.А.

2017 ел.

Бурычлар:

1. Балаларны ватанны саклаучылар көне белән таныштыру;

2. Балаларның игътибарын, аңга алуларын; диалогик, монологик сөйләмнәрен үстерү;

3. Балаларда туган илгә мәхәббәт, малайларда көчле, кыю булырга омтылыш тәрбияләү.

4. Балаларны самалетның өлешләрен, зурлыгын, формасын билгеләргә һәм атарга өйрәтү (самолет,очучы,канаты, койрыгы)

5. Очучы һөнәренә хөрмәт, патриотик хисләр тәрбияләү.

Шөгель барышы.

Тәрбияче: Балалар, карагыз әле, өстәлдә сез нәрсәләр күрәсез? (Фуражка)

Мондый фуражкаларны кемнәр кия? (солдатлар, хәрбиләр). Дөрес, балалар, аларны армиядә хезмәт итүчеләр, солдатлар, офицерлар кия.

Тиздән безнең нинди бәйрәм житә?

Балалар: әтиләр бәйрәме.

Т: Әтиләр, бабайлар, ир-атлар бәйрәме. Алар барысы да армиядә хезмәт иткәннәр. 23 февраль – ватанны саклаучылар көне.

Фотографияләр карау.

Менә монда сезнең әтиләрегезнең, бабайларыгызның армиядә хезмәт иткән вакытта төшкән фотосүрәтләре.

Җыр:”Солдат булам”

Т: Балалар менә монысы очучылар кия торган фуражка. Ә очучылар нәрсәдә очалар?

Б: Самолетта, верталетта.

Т: Дөрес балалар, монда карагыз әле, бу нәрсә?(самолет, верталет)

Самолет кечкенәме? Зурмы? Самолетның нәрсәләре бар икән? Самолетның кабинасы була. Анда очучы утыра. Шулай ук кошларныкы кебек канаты, койрыгы бар. ( Аерым балалардан өлешләрен сорау)

( Өстәлдәге самолетларны күзәту.)

Дидактик уен: “Самолетны җый”

Бармак уены: “Бармаклар солдат булган”

Очучылар турында видео фильм карау.

1. “Летчики” музыкаль хәрәкәтле уен уйнау.

Тәрбияче: Балалар, кемдер ишек шакый ачып карыйк әле. Кем бар икән?

(посылка килгән – коробка)

Ачып карыйк, балалар.

(коробкада балаларга бүләк – самолетлар)