Использование здоровьесберегающей технологии на занятиях внеурочной деятельностью

МОУ «Рощино мектеби»

къырымтатар тили оджасы Абдишева Г. С.

иш теджрибесинден

«Сагълыкъ сакълав технологиясынынъ усулларыны

дерстен тыш фаалиетинде къулланулувы»

Сагълам тенде – сагълам акъыл,

Деген бизим аталар.

Бу сёз догъру, бу сёзге

Дикъкъат этинъ, оджалар.

- .

«Мектепте дерслер шойле алып барылмалы ки, талебелерде меракъ догъурсын ве олар дерстен кейф алсынлар»

И.Гаспринский

«Окъугъанда талебенинъ сагълыгъына зарар кетирмемек –

бу мектепнинъ вазифеси дегиль,

бу онынъ мытлакъ шартыдыр ! »  Н.К.Смирнов

- .

Бугуньки куньде психология ве педагогика саасында чалышкъан алимлер, оджалар тасильнинъ гуманизациясы акъкъында, эр бир талебеге дикъкъат айырув ве мектепте психологик кейфиети тешкиль этмеси акъкъында яза ве айталар.

Талебелернинъ дерс девамында сагълыгъыны сакълав ёллары:

- дерснинъ башы ве сонъу комфортлы

олмалы;

• дерсни рефлексиядан башламагъа ве битирмеге керек;
• янъы мевзуны анълаткъанда талебелернинъ субъектив теджрибесине таянмакъ;

- эр бир дерсте беден мешгъулиетлер къулланувы эм талебелерге ве оджагъа пек файдалыдыр.

- .

Психологик кейфиет

Чанъ къакъылды,

Дерс башланды.

Оджаны дикъкъатнен динълейик,

Вазифени догъру огренейик,

Бош вакъыт кечирмейик.

- .

Пармакъ гимнастикасы

- .

«Къоранта» мешгъулиети

Бу пармачыкъ – къартбаба, Бу пармачыкъ – къартана. Бу пармачыккъ - бабачыгъым. Бу пармачыкъ – аначыгъым. Мен – мына бу пармачыкъ! Муаббет къорантада Оседжем балабанчыкъ!

Пармакъ мешгъулиети «Япракълар оюны»

Эллерини тёпеге котерип салламакъ, санки къатты ель уфюре. О вакъыт пармакълар япрачыкълар киби къалтырай

Эллер «далгъа устюнде» ялдай, пармакълар бош алында (расслаблены).

Эллеринен даире сызмакъ, авучны айландырмакъ.

Аякъ устюне отурып (на корточках) эллерни яваш ашагъа тюшюрмеге.

Нефес мешгъулиетлери

- .

«Чыракъ »

Яваш-яваш нефесни чыкъарып, теренден нефес алмакъ, токътамакъ ве чыракъны козь огюне кетирип онъа уфюрмек.Чыракънынъ ялыны « ятсынъ » .

« Чыракъны сёндюр »

Фааль нефес чыкъарув

Физдакъкъалар

- .

Ишкир торгъай чечек сачкъан,

Чечеклери бирден ачкъан.

Чапкъан кельген чельден тавшан,

Чечеклерни ашап къачкъан.

Дагъ ичинде авджы кете,

Топ-топ, топ-топ.

Папийчикке окъ ата

Хлоп-хлоп, хлоп-хлоп.

Папийчиклер уча-уча,

Яваш ерине отура.

«Тавшанчыкълар»   Тавшанчыкъ секирди, Къулачыкъны къашыды. Ешиль отта сакъланды,  Юварланды, топланды. Текяран раатланды. Сонъра турды, атлады, Орман тарафкъа чапты, Сонъ тез-тез арткъа къайтты

.

- .

Дикъкъат ичюн

сагъ олунъыз!

Сизге къавий сагълыкъ,

узун бахтлы омюр,

туткъан ишинъизде

ильхам, иджат,,

янъы юксек нетиджелерге

иришмекни тилейим.