Іулзуклув.гқұуүга щлкажщлоуэжщал лкащлщжла

Түсініктеме

Ойын - баланың ең сүйікті әрі қызыға жасайтын іс-әрекет түрі. Ойын арқылы балалар денсаулығын түзеп, өз ой әрекетінің дұрыс жетілуіне септігін тигізеді. Осыған орай, ортаңғы топ балаларына арналған “4-5 жасар балаларға арналған дене тәрбие пәні бойынша ойындар кешені” атты әдістемелік құрал құрылды. Осы әдістемелік құралды құрудағы мақсатым: баланың дене мәдениетін қалыптастыру, өз денсаулығын сақтауға үйрету, ойын жаттығуларын орындату арқылы балалардың дене бітімін дұрыс қалыптастыруға ықпал ету.

Ойын жаттығулар кешенін меңгерту - жас бала ағзасының дұрыс қалыптасуына, жүгіру, секіру, лақтыру, қағып алу сияқты қимыл-қозғалыстарының жетілуіне мүмкіндік береді. Сондай-ақ, белсенділік, шапшаңдық, ұғымталдық қасиеттерін ашады. Жинақтағы ойын жаттығулар кешені балабақшаның ортаңғы топ бүлдіршіндерімен дене тәрбиесі сабағында өткізуге ұсынылады.

Дене тәрбиесі сабақтарына арналған ойын жаттығулар кешенін толық меңгерткеннен кейін күтілетін нәтиже: өзінің қимыл-қозғалысын меңгере алатын, салауатты өмір салты негіздеріне үйренген, шыныққан, белсенді іс-әрекетті орындай алатын, дені сау жеке тұлға қалыптасады.