Қауіпсіздік ережесі

Пәні: Дүниетану.

Уақыты:  

Тақырыбы: Үйде, мектепте және қоғамдық орындарда қауіпсіздік ережелерін сақтау.

Мақсаты:

А.Үйде, мектепте және қоғамдық орындарда адамның өміріне немесе денсаулығына қауіп төндіретін жағдайлармен таныстыру;

Б. Қауіпсіздік ережелерінің сақталмаунан болатын жағдайлардың алдын – алуға дағдыландыру.

В. Оқушыларды ұқыптылыққа,  тазалыққа, ақтыққа үйрету.

Көрнекілігі: суреттер, бүктемелер, проектор.

Барысы:

І.Ұйымдастыру бөлімі.

1.Шаттық шеңберін орындау.

Үлкенге де сіз,                          (он қолын алға созады)

Кішіге де сіз.                             (сол қолын алға созады)

Барша жанды құрметтеп,        (екі қолын кеудеге қояды)

Бас иеміз біз.                             (бас иеді)

2.Айналадағы қоршаған ортаны бақылау күнделігімен жұмыс.

-6 градус, күн ашық, Солтүстік желі 4м/с

ІІ.Үй тапсырмасын тексеру.

-         Денсаулығыңды нығайт.

-         Қазақ спортшыларының бірінің өмірбаянын жазу.

ІІІ. Жаңа сабақты хабарлау.   

Кез – келген адамның өмірінде көптеген қауіп – қатер төнеді. Бірақ адам жастайынан олардан қорғанып, әрекет етуге үйрену керек. Қауіп адамға қай жерде болсын болуы мүмкін. Мейлі сендер үйде болыңдар, мейлі көшеде, мейлің мектепте болыңдар.

Сұрақ – жауап:

-«Қауіп» деген сөздің мағынасын сендер қалай түсінесіңдер?

- Қауіп деген адамның өміріне немесе денсаулығына сырттан келетін зиян.

- Ал қауіпсіздік деген не?

- Қауіпсіздік – ешқандай қауіп жоқтық, қатерсіздік, яғни адамның қатерден қорғалуы.

Адам әрқащан қауіпсіз жағдайда болғысы келсе үйде, метепте және қоғамдық орындарда қауіпсіздік ережесін сақтау керек.

Үйде қандай қауіпті жағдайлар туындауы мүмкін?

Үйде газ шығу, өрт тәрізді қауіпті жағдайлар туындауы мүмкін.

         Егер өрт қатты жанып тұрса, онда сіздің негізгі мақсатыңыз тез үйден кету. 101-ге хабарласып өрт сөндірушілерді шақырту. Егер өрт қатты жанып тұрмаса да, бірақ үйдің іші қатты түтін болса, үйден тез кету керек. Түтін өрттен де қауіпті болады.

Сіздің әрекетіңіз:Түтіннің исін сезгеннен кейін үйден тез кетіңіз. Кез келген шүберекті сулап ауызыңыз бен мұрынды жабыңыз сосын енкейіп (өйткені түтін жоғарыға ұмтылады) бөлмеден кетіңіз.

Егер өрт кішкентай бөлмеде болса, онда есіктер мен терезелерді ашпаңыз, ауа өртті күшейтіп жібереді.Жанып жатқан үйден лифтпен түспеңіз, өйткені ол қатты өрт болып жатқан қабатта тоқтап ашылу мүмкін және содан бәрі жарақат алады. Ток кез

 келген уақытта сөніп қалу мүмкін және лифт этаждардың арасында қалу мүмкін.Егер коридор және площадка өртте және түтінде (төмен түсуге жол жабық) болса, онда шатырға көтеріліңіз.Егер өрт коридорда болса, есікті қатты жауып, сұйық шүберектермен ашық жерлерді жауып, есікке көрпе не пальто іліңіз. Терезені ашып қатты дауыс беріп көмекке шақырыңыз.Егер сізге біреуді өрттен кұтқару керек болса, онда өзіңді арқанмен орап бір шетін далада тұрған адамға беріңіз. Егер сіз есіңізді жоғалсаңыз, онда сізді арқаннан тартып өрттен алып шыға алады. Ауызымен мұрынды ылғал шүберекпен жабыңыз.Егер құтқарған адам түтінмен демалып есін жоғалтса, онда оған жасанды дем беріңіз. Түтінмен уланудың алғашқы белгілері: бастың айналуы, бас ауыруы, жиі дем алу, жүрек айналуы, сананы жоғалту.

Дидактикалық ойын: «Бағдаршам»

    Шарты: Айтылған ойға «ойланам»-сары түсті, «жоқ»-қызыл түсті, «иә» -жасыл түсті сәйкесінше көтереді.

-есіктен шығуға ерінсем, терезеден шыға саламын;

-бос шәйнекті тоққа қоса саламын;                                                    

-кішкене ініме ойнауға шанышқы бермеймін;

-ауырсам аптечкадан  дәріні іше саламын;

-үйде электр жарығын күн ұзағына жағып қоямын;

-газдың иісі шығып тұрса жарық қосамын;

-табиғатқа демалуға барғанда от жағып қалдырамын;

-үйден шығарда электр құрылғыларының сөніп тұрғанына көз жеткіземін;

-іні – қарындастарымды балконға ойнатам;

-жолға жақын жерге доп ойнамаймын.

ІҮ.Бекіту.

1.     Слайд көрсету.

2.     Сұрақ – жауап.

3.     Кері байланыс тапсырмалары.

Құтқару қызметінің телефон номерлерін жаз.  Мектептен шығатын эвакуация сызбасы.    

Ү.Үйге тапсырма беру.

- Үйде, мектепте және қоғамдық орындарда қауіпсіздік ережелерін сақтау. 5бет.

ҮІ. Қорытынды. Бағалау.

                                               Пойма бастауыш мектебі.

Тақырыбы: Үйде, мектепте және қоғамдық орындарда қауіпсіздік ережелерін сақтау.

                                                                                          Өткізген: Суйншкалиева Г.Н

2014-2015 оқу жылы.