Қыздар - қызғалдақтар!

Қыздар - қызғалдақтар!

         Би: Флешмоб. (ұлдар, қыздар)

Жүргізуші:    Сіздер — Күнсіз, аспанда жарқыраған,                         Сіздер — өзен, тау суы сарқыраған,                         Сіздер — ана, сіздер — жар, сіздер — қыздар,                         Сіздер — жаңбыр, ақ нөсер сарқыраған.  – дей келе, бүгінгі 8 – наурыз мерекесіне арналған мектепалды даярлық «Ә» тобының ертеңгілігіне қош келдіңіздер! Сіздерді 8 – наурыз халықаралық әйелдер күнімен құттықтаймыз. .

1 оқушы: Жігіттер, осы біз қыздарымызды неге теңейміз?

Гүлге! (бәрі бірге)

2 оқушы: Олай болса, гүлдей жайнаған қыздарымызды қарсы алайық!

Ажарлы қыз Ару. Нәзік қыз Нұрай. Мейірімді Меруерт. Әсем қыз Әдемі. Дарынды қыз Дильназ. Әп-әдемі Әмина. Айдай сұлу Аққу. Зерек қыз Зере. Аяулы қыз Аяна. Алғыр қыз Ажар.

Жігіттер қолдарындағы гүлдерін ұсынады.

Жүргізуші: Балалар, мен сендердің білімдеріңді сынау үшін жұмбақ жасырғым келіп тұр. Шешуін таба аламыз ба?

Қабат-қабат қаттама, Ақылың болса аттама. (кітап)

Шелек қалпақ басында,

          Сәбіз екен танауы.

          Қыста қардан туатын,

          Тауып көрші, сен оны. (аққала)

Ұрмай-соқпай жылатады,

           Әркiм бiрақ ұнатады. (пияз)

Бала, бала, бала деп

Түнде шошып оянған,

Түн ұйқысын төрт бөліп

Түнде бесік таянған (ана)

Жарайсыңдар балалар! Бұл аналарымыз.

Жүргізуші: ендеше, оқушыларымыздың аналарына арналған өлең жолдары бар, соларды ортаға шақырайық.

Тақпақ: Дильназ, Әдемі, Аққу, Арнұр, Ерхан, Аяна.

Жүргізуші:     Шалқып, тасып әніміз

                          Жадырасын жанамыз,

                          Ана, сізді құттықтап.

                          Әндетеміз бәріміз.

Ән: «Ана жаным!»

Тақпақ: Досжан, Зере, Бекмұрат, Меруерт, Азамат, Ғаламат.

Жүргізуші:     Жас ару алынбаған асуларсың,                           Бүгінгі мерекеде тасудасың.                           Халқымыздың әрқашанда үлгісі боп,                           Күш қайратың әрқашан тасқындасың.

Би: «Біз кішкентай жұлдызбыз! »

Жүргізуші:     Мерекеге арналарды бүгін билер,

                          Көтерілсін, қанекей, көңіл күйлер.

                          Алдарыңызды ұлдардың «Қойылым – би»

                          Таң қалдырып қанекей би билеңдер.

Би: «Қойылым - би»

Жүргізуші:     Менің анам ардақты,

                         Алтыннан да салмақты

                         Жақсы көріп баласын,

                         Мәпелейді анашым   

Ән: «Ақ мамам».

Ойын: Анамызды киіндіру.

Тақпақ.  Мирас, Ибраһим, Әмина, Ажар, Ару, Нұрай

Жүргізуші:     Әжетай, мейірің көп таңдандырған,

                          Біз үшін қиындықтан шаршамаған.

                          Жылуын жүрегіңнің аямадың,

                          Өзіңе борышы көп балалардың.

                          Тастаңыз қиындықтың сызып бәрін,

                          Ер жеттік біз кешегі бұзықтарың. 

                          Әжелеп жан-жағыңда жүре берсін,

                          Бал тәтті немерелер-қызықтарың.

Ән: «Менің әжем!»

Жүргізуші:     Мерекені қарсы алып,

                          Мәз болғанда барша жұрт.

                          Гүл ұсынып қыздарға,

                          Сыйлық бердім мен өзім

деп, тобымыздың жігіттері дайындаған сыйлықтарын қыздарымызға табыс

етейік.

Жүргізуші:     Бөбегіңнің сыйлығын,

                          Қабыл алшы анашым.

                          Ұзақ өмір жүз жасап,

                          Ауырмашы анашым!

Әр баланың өзі дайындаған сыйлықтары бар. Сол сыйлықтарын аналарына табыс етсін.

Жүргізуші:  8- наурыз Халықаралық әйелдер мейрамымен шын жүректен құттықтап, әрқашан толысқан айдай ажарланып, күлімдеген күндей нұрланып, шаттық пен қуанышқа бөленіп, береке-бірліктің бастаушысы, игі істердің қостаушысы болып жүре беріңіздер. Осымен 8 наурыз аналар мерекесіне арналған «Қыздар - қызғалдақтар» атты ертеңгілігімізді аяқтаймыз!

Оқушылар:      Ана біздің күніміз,

                           Ана біздің гүліміз.

                           Ұландарды қуантып,

                           Ұзақ өмір сүріңіз.

(Бәрі бірге).