Молдова, Комрат, с. Кирсово
СДЕЛАЙТЕ СВОИ УРОКИ ЕЩЁ ЭФФЕКТИВНЕЕ, А ЖИЗНЬ СВОБОДНЕЕ
Благодаря готовым учебным материалам для работы в классе и дистанционно
Скидки до 50 % на комплекты
только до
Готовые ключевые этапы урока всегда будут у вас под рукой
Организационный момент
Проверка знаний
Объяснение материала
Закрепление изученного
Итоги урока
Была в сети 08.07.2025 17:32
Сукман Анна Даниловна
Учитель гагаузского языка
52 года
527
95 850 
Местоположение
Специализация
Kendibaşına/individual işi (Publiţistika stilin janraların modulünä görä).
Категория:
Родной язык и литература
14.09.2024 20:36
Просмотр содержимого документа
«Kendibaşına/individual işi (Publiţistika stilin janraların modulünä görä).»
Açık urok Didaktika proektin giriş payı
Data: 31/03 Grupa: 2121
Disţiplina: Gagauz dili hem literatura
Tema: Kendibaşına/individual işi (Publiţistika stilin janraların modulünä görä).
Uroon tipi: Bilgileri kantarlamak becermeklerini oluşturmak uroo
Kompetenţiya (subkompetenţiya) birimneri:
1.3 Lääzımnı terminneri kullanıp, literar hem nonliterar tekstlerä interpretaţiya yapmaa.
2.2 Dooru intonaţiyayı, logika urgusunu kullanmaa, esaba alarak logika hem psihologika pauzalarını, mimikaylan duyguları göstermää.
3.4 Literatura tekstlerindä hem başka tekst soylarında kultura hem etika elementlerini tanımaa, kendi bakışını bu uurda açıklamaa.
4.3 Lafetmäk, publiţistik stillerinin janralarını dooru kullanmak uurunda göstermää.
4.5 Tekstin temel janra nışannarını/özelliklerini koruyarak, temellenip kendi yaşamak/üüretim bilgilerinä, temalara görä türlü yaratmalar, ese, yaradıcılık işleri, proektlär, referatlar düzmää, yazmaa.
5.5 Başka kaynakların yardımınnan (yardımcı literaturaylan, yayınnarlan/publiţistika işlärlän, televideniyaylan, internet resurslarlan) informaţiyayı literaturada yada halkın istoriyasından, kulturasından bulmaa hem kullanmaa.
Uroon neetleri:
Uroon sonunda üürenici gösterecek, ani o becerer:
kendibaşına işleyip-aaraştırmaa informaṭiya temaya görä;
kendi proektini göstermää, korumaa;
kreativ becermeklerini hem yaradıcılık sınaşmaklarını gerçekleştirmää;
barabar arkadaşlan işlemää;
kendi düşünmeklerini açıklamaa, yaraştırmaa, argumentlemää;
ana dilinä sevgi hem meraklık göstermää.
Didaktika strategiyaları:
- formalar: frontal, çiftlerdä, individual;
- metodlar hem çalımnar: proekt metodu, ilüstrativ, aaraştırmak;
- araçlar: kompyuter, proektor (televizor), üürenicilerin proektleri/individual işleri.
Kantarlamak strategiyaları: biri-birini kantarlamak, kendini kantarlamak, üüredicinin kantarlaması.
Bibliografiya:
Gagauz dili hem literatura clasele X –ХII. Curriculum. Ghid. / Anna Stoletneaia, Anna Sucman, Lidia İusiumbeli, Oxana Constantinova, Chișinău, 2019
“Gagauz dili hem literatura” 11 klas. Üürenmäk kiyadı./ Anna Stoletnaya, Ekaterin Kılçik, Lidiya Yusümbeli h.b. Komrat, 2018y.
Gagauzça-rusça-romınca sözlük. Hazırlayannar: Çebotar Petri, Dron İon. Pontos. Kişinêu, 2002y.
İnternet-resurslar.
Uroon gidimi/örüyüşü
| Uroon etapları | Üüredicilerin/üürenicilerin çalışması | Vakıt | Kantarlamak strategiyaları | Didaktika strategiyaları |
| Dikatın çekilmesi | - Zaman hayır olsun! Pek sevinerim, ani buluştuk sizinnän da çalışacez barabar. Düşünerim, ani uroomuz geçecek ii, faydalı. Aktualizatiya (çaarış) Kef yapraa Belli edin kendinizä sizin kefinizi. Biz bileriz, ani kefimiz olarsa islää işimiz dä gidecek uz hem ii. (pek islää, biraz islää, orta kef, kefsiz) Uroon neetlerini açıklamak: kendi proektini göstermää, korumaa; kendi düşünmeklerini açıklamaa, yaraştırmaa, argumentlemää; ana dilinä sevgi hem meraklık göstermää. Uygun deyim Önemni faktor olacek herbir proekttä inan ii başarıya. Yokkan inan, başarı da olamaz. (Ulyam Djeyms, filosof hem psiholog) | 1-3 min | Kef yapraa | üüredicinin sözü |
| Kantarlamak işini yapmak için instruktaj
| İlerki uroklarda tanıştınız, nicä yazmaa statyayı adım-adım, nicä yazmaa reportaj, nicä dooru almaa intervyu. Büünkü urokta siz göstereceniz kendi becermeklerinizi işlemää individual hem çiftlerdä. Siz kablettiniz sınış yapmaa bir proekt sizin bakışınıza görä. Sizä verildi seçim ayırmaa janrayı, angısı taa uygun sizä deyni. Verildi sizä vakıt iki afta kadar. Bu vakıdın süresindä siz belli ettiniz proektin temasını, koydunuz neeti, davaları, düzdünüz plan işinizä, o materialı işlettirdiniz, geldi sıra proektinizi üzä çıkarmaa, korumaa onu.
Tanıştırmak kantarlamak kriteriyalarınnan (kantarlamak kriteriyaları ayırı yaprakta verili). Tanıştırmak komisiya azalarınnan. Reglament bir proektä – 3 min. | 2 min
|
| üüredicinin sözü |
| Kantarlamak işini yapmak (proektin koruması h.b.) | İlk tema: Statya Statya – o publiţistik yaratması, annatması, angısında kısadan annadılêr bir adam için yada bir oluş için gazetada yada dergidä. Statyanın soruşu: Ne oldu?
İkinci tema: Reportaj Reportaj- o bildirim yada annatma şindiki olan oluşlar için, angısını avtor görer yada siireder kendi gözlerinnän. Reportajın soruşu: Nicä oldu? Reportaj – okuycunun gözleri hem kulakları.
Üçüncü tema: İntervyu İntervyu - bu bir dialog anılmış,avtoritetli adamnan, angısı cuvap eder korespondetin soruşlarına. | 10 min
10 min
10 min | Statya (elektron variantta)
Reportaj (video material)
İntervyu (videomaterial elektron variantı) | individual işi
individual işi
çiftlerdä iş
individual işi
|
| Kantarlamak
| Jüri azaları nota koyêr, komentariya yapêr.
| 3-5min | Jüri azaların kantarlaması hem komentariya yapmak notalara | Jüri azaların sözü |
| Fedback,ın gerçeklenmesi | Paalılık çizisi 0% 100%
- Filosofun deyiminä danışalım. Kaç % kayılsınız bu deyimnän? Önemni faktor olacek herbir proekttä inan ii başarıya. Yokkan inan, başarı da olamaz. (Ulyam Djeyms, filosof hem psiholog) Argumentläyin kendi bakışınızı - Büünkü urokta nesoy çıkışa geldiniz?
Gagauz dilin uroklarında bu sizä deyni bir eni iştir. Yapmaa proektleri hem onnarı başa çıkarmaa çok vakıt hem kuvet aldı. Hepsinizä deerim “çok saa olasınız hem korkmayın alınmaa bölä işlär yapmaa. Nicä var bir söz “Gözlär korkêr - ellär yapêr”. İi başarılar hem saburluk herbir iştä. | 2-3 min | Üüredicinin kantarlaması
aazdan kantarlamak
| soruş-cuvap konușması |
| Evdeki işin verilmesi | - Stepan Bulgarın yaratmak yolu. - Okumaa annatmayı “Vani Papazoglu – resimcinin yolu”. s. 144 soruşlara aazdan cuvap etmää
Çok saa olasınız urok için hem çalışmalarınız için!
| 2 min |
|
|
3
Вебинар для учителей
Свидетельство об участии БЕСПЛАТНО!
