?КИЯТ ПЕРСОНАЖЛАРЫ АША БАЛАЛАРДА ХОКУК Т?ШЕНЧ?СЕН ФОРМАЛАШТЫРУ.

ТР ЗЕЛЕНОДОЛ МУНИЦИПАЛЬ РАЙОНЫ КҮГӘЙ БАШЛАНГЫЧ МӘКТӘП-БАЛАЛАР БАКЧАСЫ МУНИЦИПАЛЬ БЕЛЕМ БИРҮ УЧРЕЖДЕНИЕСЕ

МӘКТӘПКӘ ХӘЗЕРЛЕК ТӨРКЕМЕНДӘ БАЛА ХОКУКЛАРЫН ӨЙРӘНҮ БУЕНЧА ИНТЕГРАЛЬЛӘШКӘН ЭШЧӘНЛЕК

ТЕМА. ӘКИЯТ ПЕРСОНАЖЛАРЫ АША БАЛАЛАРДА ХОКУК ТӨШЕНЧӘСЕН ФОРМАЛАШТЫРУ.

1 КВАЛИФИКАЦИОН КАТЕГОРИЯЛЕ ТӘРБИЯЧЕ САБИРЗЯНОВА АЛЬМИРА РАШИДОВНА

Мәктәпкә хәзерлек төркемендә бала хокукларын өйрәнү буенча

интегральләшкән эшчәнлек.

ТЕМА. ӘКИЯТ ПЕРСОНАЖЛАРЫ АША БАЛАЛАРДА ХОКУК ТӨШЕНЧӘСЕН ФОРМАЛАШТЫРУ.

Максат: Һәр бала яшәргә һәм сәламәт үсеш алырга хокуклы диелгән

№6 статьяга нигезләнеп, төрле ситуацияләрне уңай хәл итәргә күнектерү.

Бурычлар:

1. Башкаларга карата уңай мөнәсәбәт тәрбияләү.

2. Әкият персонажлары аша хокук төшенчәсен формалаштыру.

3. Төрле киеренке ситуацияләрдән җиңел чыгарга өйрәтү.

Белем бирү өлкәләре: Танып белү, аралашу, социальләштерү.

Материал: өч төрле материалдан ясалган өйләр, камыр, “өчпочмак-бәлешләр”, әкият персонажлары өчен костюмнар.

Алдан эшләнәсе эш:

“Бүре һәм җиде кәҗә бәтие”, “Өч дуңгыз баласы” әкиятләре белән таныштыру. Куркынычсызлык кагыйдәләрен өйрәнү өчен дидактик уеннар уйнау.

Эшчәнлек барышы:

• Балалар, сезнең өйдә үзегезнең генә калганыгыз бармы? (әңгәмә).

• Үзегез генә калгач, сез өйдә нишлисез?

• Сез ишекне бикләп утырасызмы?

• Ә ишекне килеп шакысалар, сез нишләр идегез? (җаваплар).

• Ә нишләргә кирәк соң? (фикер алышулар).

• Балалар, “Җиде кәҗә бәтие һәм бүре” әкиятендә дә кәҗә бәтиләре ишекне ачмаганнар бит. Бүре тагын килеп шакыгач, барыфбер ишекне ачып, бүрене керткәннәр. Ни өчен? (йомгаклау). “Ишекне ачарга ярыймы?”

• Әйдәгез, без сезнең белән хәзер “Өч дуңгыз баласы” әкиятен искә төерик.

• Яшәгәннәр, ди, өч дуңгыз баласы: Наф-Наф, Ниф-Ниф һәм Нуф-Нуф. Алар үзара бик дус, тату булганнар, көне буе уйнаганнар. Бергә бик күңелле булса да, һәрберсенең үз өйләрен җиткереп, аерым яшиселәре килгән.

( Дуңгыз костюмы кигән бер бала) Нуф-Нуф үзенең саламнан ясалган өен күтәреп килеп чыга.

• Менә, Нуф-Нуф үзе дә биредә икән!

Нуф-Нуф: Исәнмесез, балалар! Бу – минем өем, мин аны саламнан ясадым, матурмы? (Балалар җаваплары).

• Менә Ниф-Ниф та килеп җиткән!

Ниф-Ниф: Исәнмесез, дусларым! Ә минем өем агачтан. Миңа үз өемдә шундый рәхәт! Мин сезне үземә кунакка чакырам.

(Өченче дуңгыз баласы Наф-Наф таштан ясалган өен тотып керә).

-Исәнмесез, дусларым!

- Наф-Наф, ә синең йортың нидән салынган? (Кинәт кенә Бүре килеп чыга).

Бүре: Бу тирәдә генә дуңгыз балалары яши дип ишеттем. Алар һәрберсе аерым өйләрдә яшиләр икән, әти-әниләре дә юк икән. Хәзер мин аларны барысын да ашыйм!...

Әкият шушы урында туктала, балаларга сорау куела6

- Балалар, на өчен Бүре дуңгыз балалары яныны килде?

- Ә сезнең, дуңгыз балалары, кайсыгызның бүре авызына керәсегез килә?

Дуңгыз балалары:

• Юк, мин түгел, минем әле үсәсем килә!

• Мин дә түгел, минем әле яшисем килә!

• Юк, мин дә түгел... Ә минем...(елый).

• Балалар, әйдәгез бергәләп уйлыйк әле, дуңгыз балалары исән калсын өчен нишләп була? ( Балалар дус булып калырга, биеп-җырларга тәкъдим итәләр. Дуңгыз балалары бүрене өчпочмак, кабюартмалар белән сыйларга вәгъдә итәләр).

• Балалар, ни өчен соң Бүре ашау өчен дуңгыз балаларын сайлаган?

• Аларны яклаучы һәм саклаучы булганмы? (Җаваплар).

• Әйе, алар аерылып, үзләре генә яшәгәннәр.

• Ә менә сезнең яклаучы һәм саклаучы кешеләрегез бармы?

• Кемнәр исоң алар, алар һәрчак сезнең белән бергәме? (җаваплар).

• Әйе, балалар,сезнең һәрберегезнең әти-әниләрегез бар. Алар сезне һәрчак усаллардан, явызлардан яклый, саклый алалар. Сезне бик яратып, кадерләп үстерәләр.

• Ә сез әти-әниләрегезне яратасызмы соң? Ничек итеп яратасыз?

• Ә хәзер, балалар, әйдәгез өстәл артына утырыйк та, үзебез өчен иң кадерле, якын кешеләребезгә бүләк әзерлик: һәркем үзенә ошаган әкият героен төсле,матур пластилиннардан әвәләп, кичен әти-әнисенә бүләк итәр. (Сынлы сәнгать эшчәнлеге. Эш барышында кыенсынган балаларга аерым якын киләбез).

• Эшчәнлегебез тәмам. Рәхмәт сезгә, булдырдыгыз балалар!