Китепти сүй. А.Осмонов

Хуриев атындагы № 5 орто мекеби

Тарбиялык саат:

КИТЕПТИ СҮЙ !

Даярдаган мугалим Убайдылдаева К.А.

Сабактын темасы: Китепти сүй!

Сабактын максаты:

Окуучуларды китепти сүйүүгө үйрөтүү

Сабактын жүрүшү:

а) Уюштуруу

Алтын эреже: 1.Активдүүлүк

2.Эркин ой жүгүртүү

3.Китеп жөнүндө эстөө

4.Убакытты үнөмдөө

5.Толеранттуулук

б) Классты топко бөлүү

1-топ ЖАРНАК , 2-топ МААЛЫМАТ,

3-топ ИЗИЛДӨӨ

1.САЛАМДАШУУ (ар бир топ саламдашат)

2. КИЕПТИ КОРГОО БОЮНЧА РЕКЛАМА (ар бир топ)

3.А.Осмоновдун “Китепти сүй” ырын уктуруу (аудио) Ар бир топ ырдын мазмунун айтып берүү

4. А.Осмоновдун өмүр баяны

Кыргыз поэзиясынын өкүлү, таланттуу акын Алыкул Осмонов — 1915-жылы Панфилов районуна караштуу Каптал-Арык айылында туулган.

Алыкул Осмонов кыргыз элинин алгачкы жазма акындарынын эң ири өкүлдөрүнүн бири. Жаштайынан томолок жетим калып, Токмок балдар үйүндө тарбияланат. Мына ушул жерде адабий китептерге өтө кызыгып, өз алдынча ыр жазып баштайт.

14 жашында Фрунзе педагогикалык техникумга кирип 1928 – 1933-жж. окуйт. Ал жакта адабий ийримдерге катышып, орустун белгилүү жазуучуларынын чыгармалары менен таанышат.

Акындын бир нече жыйнактары, поэмалары жана балдарга арналган чыгармалары орус, англис, эстон, казак тилдерине которулуп, төрт ыры япон тилиндеги "Дүйнөлүк акындар" альманахына кирген.

5. Аныктама берүү

ЖАРНАК тобу - китептин досу ким?

МААЛЫМАТ тобу- китептин душманы ким?

ИЗИЛДӨӨ тобу – китепте эмнелер жазылат?

7.ПОЧТА

Беш тыбыштан турган эң жакын досубуз китепке беш алкоо. (ар бир топ)

К- калыс

И- ишенимдүү

Т- толеранттуу

Е- эң жакын

П- пайдалуу

ЖЫЙЫНТЫКТОО:

А.Осмоновдун “Жакшы китеп”

Өмүрдүн жан шериги жакшы китеп,

Жаш жүрөк жалындаган жолун тиктеп.

Китепте не кааласаң бардыгы бар,

Эрикпей карап чыксаң таамай издеп.

Акылга жакшы китеп акыл салар,

Кыялдын жаман жагын тартып алар.

Өзүңдү өзүңө айтпай кайра жасап,

Сен ачкан колдоруңа канааттанар.

Ардактуу ага инилер, жан курбулар,

Жаңы өскөн, жайдары ачык, жаш муундар.

Силерге айта турган сөзүм ушул,

Ар дайым китеп менен дос болуңар.

Баалоо: Көмүскө байкоочу баалайт