Коми сказка "Войвывса мойд"

       Маньпупунёр кыр вылын важ кадсянь сулалöны сизим сюръя - кын мыръяс. Öшым тöлысь шöрын кöдзыд асылын медся ыджыд вылас чужис ичöтик лым чир - Сусö. Сiйö вöлi зэв мича аслас прöшви юбканас, шондi вылын дзирдалiс быдсикас биöн. Сусö радейтiс видзöдны вылiсянь лымйöн тыртöм эрд вылö. Мукöд дырйи сiйö аддзылiс йöзöс, тайö вöлiны туристъяс: найö волiсны татчö ылiсянь, медым нимкодясьны дивöнас, кодöс тöдöны став му пасьталаас.

       Но öтчыд ён тöв кутiс Сусööс да нуис ылö-ылö керкасяньыс, тундраö. Лым чир веськалiс чом вевт вылö. Танi сiйö тöдмасис мöд лым чиркöд, кодöс нимтiсны Сандрööн. Сандрö висьталiс, кыдзи сылы овсьö кöр видзысьяскöд.

       Кык нывъёрт сёрнитiсны дыр, пемыдöдз, паськыд вылiсянь кутiсны нин югъявны кодзувъяс. Друг енэжыс ыпнитiс уна рöма биясöн, кодъяс кутiсны гажаа йöктыны. Тайö вöлi Вой кыа. Лым  чиръяс дыр на нимкодясисны, мöвпалiсны выль виччысьтöмторъяс йылысь. Тöвъяс войвылын кузьöсь, сiдзкö ставыс налöн водзын.