Конспект урока Ю.Болат "Туфанда къалгъан къой сюрюси"

Мевзу:Ю.Болатнынъ «Туфанда къалгъан къой сюрюси»

икяеси узеринде иш.

Макъсат: Икяенинъ эсас фикриниве мевзусыны бельгилемеге,метинни там маналы левхаларгъа болип, серлева къоймагъа огретмек.Къараманларнынъ арекетлерине къыймет кесмек.Фикир юрютюв,тафсилятлы агъзавий айтув къабилиетлерини инкишаф эттирмек.Рессам А.Айвазовскийнинъ иджадына меракъ ашламакъ.

Талебелерде мераметлик ,алидженаплыкъ киби табиат чизгилерини тербиелемек.

Донатма:Языджынынъ ресими,мультимедия тахтасы,

ресимлер.

Дерснинъ чешити:

Дерснинъ эпиграфы :Яхшынынъ озю ольсе де,иши ольмез.

Дерснинъ кетишаты:

I. Тешкилий къысым.

II. Эв вазифесини тешкерюв.

«Ассоциатив чалысы»ны тиземиз

публицист

шаир Ю.Болат языджы

оджа

терджиман драматург

2.Сёзлернинъ догъру манасыны тап (тахтада иш)

III.Янъы мевзу макъсат ве вазифелерни илян этюв.

Бугунь биз «Туфанда къалгъан къой сюрюси» икяеси узеринде чалышаджакъмыз.

Икяени сиз эвде окъудынъыз.Не акъкъында бу икяе?

Баш къараманы ким?(Лячин Асан)

Аванес агъа ким?(рессам И. Айвазовский)

Келинъиз шимди И.К .Айвазовскийнен якъынджа таныш олайыкъ

.

Презентация «И.К.Айвазовскийнинъ иджады».

Бу икяеде даа бир белли инсаннынъ ады къайд этиле.

О кимдир?(Алим Айдамакъ)

Презентация «Алим Айдамакъ».

Алим акъкъында шиир Топчикова Сусана окъуй

«Эдебий даире»Эр бир талебе вазифе ала

1.Интерпретатор –Къараманларнынъ табиат чизгилерини ачыкъламакъ

2.Иллюстратор-икяеге ресим сыза.

3.Цитаталар араштырыджысы –метинде меракълы къысымны,аталар сёзлерини,айтымларны тапа

4.Анълашылмагъан сёзлер ве бирикмелер араштырыджысы

5.Алякъаджы-икяенинъ мундериджеси ве этрафтаки алемнен багъ тапмакъ.

6.Суаллер тизювджи-метинге суаллер тизе

7.Незаретчи –Музакере этильген мевзуларны къыскъадан яза ,талебелерге ярдым эте.

• Азырланмагъа вакъыт бериле,

• Эр бир талебе чыкъышта булуна,джеваплар музакере этиле.Бу иш чешитине екюн чекиле.

IY.Пекитюв.

• .Метинни къысымларгъа больмек ве эр бир къысымгъа серлева къоймакъ

1.Лячин Асан

2.Къарабий яйла

3.Афатлы кунь

4.Аджайип ресим

5.Асаннынъ къуванчы

Икяеде энъ муим вакъианы бельгилемек

• Бегенген парчаны ,эйи теэссуратлар къалдыргъан парчаны тапып окъув

• Бу адамчыкъ окъугъан парчаны тапып окъув

• «Туфанда къалгъан къой сюрюси» ресимини такъдим этмек.Метинден онъа келишкен парчаны тапып окъумакъ.

• Эсерде насыл мевзулар ачыкълана?

1.Табиат тасвири ( Къарабий яйла,туфаннынъ тасвири)

2.И.К.Айвазовскийнинъ усталыгъы, истидаты,мераметлиги ,алидженаплыгъы.

• Эсернинъ гъаеси:

Бу эсер бизни неге огрете?

Эсернинъ тили :зенгин,фольклор эсерине якъын.

Группаларда иш:

1 группа «Зынджырчыкъ»нен икяенинъ мундериджесини икяе этмек.

2 группагъа аталар сёзлери кесилип бериле,талебелер оларны догъру тизелер ве манасыны анълаталар

Яхшыдан нам къалыр,ямандан къан къалыр.

Дюльберлик –учь куньлик,яхшылыкъ-омюрлик

Эр бир зенаатнынъ сыры бар

Ямандан- къач ,яхшыгъа къучакъ ач

Эйиликнинъ эртеси -кечи ёкъ

Алчакъгонъюллини мераметнен толдуралар, макътанчакъны –ташнен.

Y.Эвге вазифе Табиат манзарасыны тасвир эткен къырымтатар рессамларнынъ ресимлерини тапып кельмек.

Кроссворд тизмек

Y I.Дерснинъ нетиджеси

Рефлексия