Конспект урока по теме "Къоранта. Семья" по крымскотатарскому (неродному) языку 1 класс

Мевзу: « Къоранта».

Дерснинъ макъсады: Талебелер икяени айтып оладжакълар, мевзугъа келишкен суаллерни берип оладжакълар.

Огрениледжек сёзлер:

Фааль лексика: Къоранта (=аиле), адам, ана, баба, къартана (=бита), къартбаба, агъа,

Тата (=апте), къардаш. Севмек. Чалышмакъ.

Пассив лексика: Урьмет этмек. Аза,даветнаме, ульке, догъмуш.

Дерсинъ теминаты: Аудиокассета, магнитофон, ресимлер,

талебелер къоранталарынынъ фотолары.

Дерснинъ кетишаты:

1). Текрарлав.

2). Янъы материалны анълатув.

-- Балалар, бизге бугунь мына бойле бир « Даветнаме» кельди. Ким озь къоранта акъкъында икяе айтып олса, шу «Даветнаме» ни алып олур. Келинъиз, башта къоранта азаларыны бильдирген сёзлерни огренейик. Дерсликтеки ресимге бакъынъыз. Мында Айшенинъ къорантасы тасвирленген.

Талебелер янъы сёзлерни менимсейлер. Оджа базы сёзлернинъ насыл тизильгеенини анълата: Къыз + къардаш = къыз къардаш, огълан + къардаш = огълан къардаш.

3). Пекитюв. Балалар аудиокассетадан тюркючиклерни динълеп йырлайлар:

Ана ве бабам,

Къартана, къартбабам,

Агъа ве татам,

Ргълан къардашым

Ве къыз къардашым

-бу меним къорантам.

Оджа: «Айшенинъ къорантасы акъкъында икяени динъленъиз» дей ве ресимлерни косьтеререк, иляведе олгъан икяени айта.

Бизим къорантамызда 9 адам бар: аннам, бабам, къартанам, къартбабам, агъам, татам, къыз къардашым, огълан къардашым ве мен. Анамнынъ ады Мунере. Бабамнынъ ады Нури. Агъамнынъ ады Алим. О единджи сыныфта окъуй. Къыз къардашымнынъ ады Шание . О, 5 яшында. Огълан къардашым 3 яшында. Онынъ ады Айдер. Меним ады Айше. Мен еди яшындам. Къорантамыз Акъмесджитте яшай. Мен къорантамызны пек севем.

Сонъ оджа анна тилини яхшы бильген балагъа суаллер бере: «Къорантанъыз балабанмы? Къач адам бар? – Беш адам. – Кимлер? – Анам, бабам, битам, агъам ве мен.

- Къоранта азаларынынъ адларыны айт. Айтып олсанъ, мына бу даветнамени алырсынъ.

Балалараудиокассетаны динълеп тюркючикни йырлайлар:

Бабамнынъ ады Эльдар,

Анамнынъ ады Нияр,

Агъамнынъ ады Исмет,

Мен озюм исе – Мемет.

Сонъ талебелер озь къоранталарынынъ фотоларыны косьтерип сойларынынъ адларыны айталар.

4). Янъы материалнынъ девамы. Эр кес къартаналарыны,деделерини бильмек керек. Дерсликтеки шеджереге (генеалогик терекке) бакъынъыз. Оджа шеджеренинъ насыл тизильгенини анълата ве эвде анна- бабларынен, къартана-къаттбабаларнен бирликте озь шеджерелерини тизип, иш дефтерлерине язмакъ вазифесини бере.

5). Раатлыкъ дакъкъысында. Балалар кунешни, ягъмур ягъгъаныны, сувукъ огъаныны арекетлернен косьтерелер:

Кенеш – сыджакъ,

Ягъмур – салкъын,

Къар – сувукъ.