Конспект урока по крымскотатарскому литературному чтению

Дерснинъ мевзусы:»Тильки ве къашкъыр»халкъ масалы Дерс макъсады:

1.Балаларны масалнынъ мундериджесинен таныш этмек.

2.Окъув техникасыны ве нутукъларыны инкишаф этмек.

3.Масалларгъа меракъны арттырмакъ.

Дерснинъ донатмасы:»Фиданчыкъ» окъув китабы;мевзугъа аит ресимлер;эджалар,сёзлер джедвели;джевап карточкалары.

Дерснинъ кетишаты:

1.Тешкелий дакъкъа.Селямлашув.Раледе догъру отурув къайделери.

1.1.Окъув мешгъулиетлери

*«Сокъакъ бою чап» мешгъулиети(Слайд № 4 )

Талебелер эджаларны чешит тертипте окъуйлар:сыралар ве сатырлар боэнджа,усттен ашагъы,аксине ве иляхре.

*»Сёзлерни тез окъу»( Слайд № 5)

Бу сёзлерни де чешит тертипте окъумакъ керек .

2.Эвге берильген вазифени тешкерюв (Слайд № 6) .Эвге Н. Аметованынъ «Дагъда байрам» масалы эсасында ресим чызмакъ вазифеси берильген эди.Балалар ресимге келишкен масалдан парчаны окъуйлар ве ресимни тахтасына илеп къоялар.Бойлеликнен ,ресимлер сергиси тертип этиле.

Машалла,балалар,энди раатланайыкъ.

3.Раатлыкъ дакъкъасы.»Ола-олмай» оюны (Слайд № 7)

Балалар туралар.Оджа джумлени окъуй ,айтылгъан шей догъру олса,балалар башыны саллай,эллерини шапылдаталар,догъру олмаса – ерлерине отералар:

*Ана савут юва.

*Тавшан йымырта къозлай.

*Копекнинъ беш аягъы бар.

*Язда биз пальто ве чизма киемиз.

*Буюклер ве балалар байрамгъа бахшышлар азырлайлар.

*Филь пек уфакъ.

*Копек эт ашай.

*Тереклерде вишнелер пишти.

*Атлар юрип чибереклер саталар.

4.Янъы мевзу (Слайд №8 )Талебелер дерс мевзусыны слайдда берильген эджалардан топлайлар.Бугуньки дерсимизде биз «Тильки ве къашкъыр « деген халкъ масалыны окъуйджакъмыз(дерсликнинъ 58-62 сайфелеринде)

4.1.Лугъат иши ( Слайд № 9 )

Къуртулмакъ-спастись

Ахмакъ-глупец

Тамшанмакъ-предвкушать

Яйгъара къопармакъ-поднять крик

Нефисхор-озюни тюшюнген-эгоист

Эсаплашмакъ-рассчитаться ,свести счёты

Якъаламакъ-поймать ,схватить.

4.2.Метиннен чалышув .Окъув усуллары(Слайд № 10 )оджа окъуй : «зынджырчыкъ» усулы;

«хорнен»(«буксирде») окъув-оджа ве талебелер бераберликте окъуйлар;

«роллер боюнджа» окъув;

«сайлама» окъув.

4.3.»Бозулгъан тертип» усулы. Диа-фильм тизюв (Слайд №11-12).Талебелер ресимлерни догъру тертипте тизген сонъ оларгъа эсасланып масалны гъайрыдан айталар.

4.4.Суаллерге келишкен джевапны тап( Слайд № 13-14).

Талебелерде учер карточкалар бар ,оларнынъ устынде а,б,в арифлери язылгъан.Балалар догъру джевапкъа келишкен карточканы косьтерелер.Бойлеликнен ,ким насыл джевап бергенини бир кереден коре.

Суаллер:

1.Тильки бир араба балыкъны корип не япа?

А)Дагъгъа чапа.

Б)Арабагъа мине.

В)Олю киби ята.

2.Арабаджы тилькини корьгенинен не япа?

А)Балыкъларны ташлай.

Б)Къачып кете.

В)Тилькини алып ,балыкъларнынъ устюне ата.

3.Тильки арабада кеткенде не япа?

А)Балыкъларны арабадан бирер-бирер ерге ата.

Б)Ашай.

В)Балыкъларны озенге йибере.

4.Тильки арабадан тюшкен сонъ нени расткетире?

А)Тавшанны.

Б)Къашкъырны.

В)Аювны.

5.Къашкъыр тилькиден нени сорады?

А)Этни.

Б)Балыкъны.

В)Тавукъны.

6.Масалнынъ сонъунда къашкъыргъа не олды?

А)Къашкъыр къойны ашады.

Б)Онъа копек атылды.

В)Къашкъыр ольди.

Пекитюв.Аталар сёзлери (Слайд № 15).Талебелер эвде аталар сёзлерни узеринде тюшюнип сыныфта оларнынъ маналарыны тариф этелер:Чокъкъа чапкъан,,аздан къуру къалыр.Яланджылыкънен хырсызлыкъ – агъа-къардаштыр.

5.Дерснинъ нетиджеси ( Слайд № 16)Балалар биз бугунь дерсте не окъудыкъ? Не огрендик?Масал бизге не огрете?Яшайышымызда табиатларынен бу айванларгъа ошагъан адамлар бармы?

6.Баалав.Эвге вазифе берюв:Янъы сёзлерни огренмек,масалны роллерге болип окъумагъа азырланмакъ(58-62 сайфелери),метинге суаллерни тизмек.