Контрольный диктант с заданием.

Тема : Тахкара диктант.Ч1агарг.

Лоарх1ам : кердадаьккхар мишта кхетадаьд а грамматика мел лакхъеннай а тахкар.

Урока никъ :

I Кийчо ю ха.

II Урока темацара болх :

1. Деррига текст довзийт " Ч1агарг ".

Б1арчча 1а даьккхад ч1агарго бун чу даг1аш.Кагбенна хинна ткъам бийрзаб.Б1аьсти яьннай. Къулбехьара юхааха доладеннад ч1агаргаш.Хоза денача дийнахьа ц1ен карниз хьалъяьккха даг1аш хиннад уж.Йо1о д1аара а дихьа д1ахийцад, ше 1анна бун чу кхоабаш доаг1адаь оалхазар. Даха а даха ч1агаргашта юккъе 1охайнад из.Дукха даьг1ад ч1агаргаш ца г1овтташ, дукха бийцаб цар шоай оалхазарий мотт. Шоашта б1аргадайнача лаьттай хозал, фордий бирсал, шоаш т1ех-дийннача лоамий лакхал, хьуний шорал - дукха дийцад цар д1аьха 1а бун чу даг1аш даьккхача шоай новкъостага.Уж дийца даьлча,аьннад

цо : " Б1арчча шу вахара т1ехьадиссад со.Х1анзарчул т1ехьаг1а аз сенна дуъ ер дуне ? " Цигга, дог а даьтт1а, карниза т1ара лаьтта дежад из. Цу з1амигача оалхазара а х1ама ца деш шу довр селла хала хилча,мишта хета еза зехьа д1айода ха сага ? Ма ираз дар, х1ара минот а д1а ца йохийташ,къахьега в1ашт1ехьдоаларе !

( Р. Оздоев. ) 137 дош.

2) Цхьацца предложени язъеш,деррига текст д1аяздайт.

3) Юха а деш деррига текст.

4)Т1адуллар : а)шоллаг1ча предложенена синт. тохкам бе, 2. ф.:яьннай, 3. м.: даьг1ад.