Коучинг на тему: "Бүкіл зейінді және педагогикалық амал-тәсілдерді оқушыларға бағыттау және оларға қалай оқу керектігін үйренуде көмек көрсету. ."

9-күн

1-2 сабақтар

Тақырыбы

Бүкіл зейінді және педагогикалық амал-тәсілдерді оқушыларға бағыттау және оларға қалай оқу керектігін үйренуде көмек көрсету. Қалай оқу керектігін үйренуге қатысты оқыту әдістері мен тәсілдеріне баса назар аудару.

Мақсаты

Мұғалімдер өз оқуы туралы білетін және өзінің эмоцияларын , ынтасы мен әлеуметтік қарым-қатынасын басқару үшін көбірек мүмкіндік алатын , өзін-өзі реттейтін оқушы ретінде дамудың әдістемесін талдайды.

Оқу нәтижелері

Мұғалімдер өзін-өзі реттейтін оқытудың дағдыларын дамыту бойынша ұсыныс әзірлейді.

Түйінді идеялар:

Тіпті кішкентай балалардың өздері, тиісті жағдай жасалса , өзінің оқуы үшін үлкен жауапкершілік алуға қабілетті.

Балалар ерте жастан бастап оқу үдерісін түйсіне бастайды , оқыту тапсырмаларына өз тәсілдерін ұйымдастыра біледі, сондай-ақ өздерін жақсы оқушы ретінде ұсына алады.

Өзін-өзі реттеу мен мета танымдық қабілеттерді дамыту баланың алғыр оқушы болуына ықтималдығының негізгі көрсеткіші болып табылатынын көрсетті.

Мұғалімдер жоғары саналы педагогикалық тәжірибе көмегімен осы салаға барынша мол үлес қоса алады.

Сабақ барысы

1-сабақ. Зейінді шоғырландыруға арналған жаттығулар.

Сергіту . «Не, кімде, қайда.» әдісі. Уақыты ( 3-10 минут)

Мақсаты : байланыс орнату, тыңдаушыларды оқуға қызықтыру, зейінді күшейту, белсенді болуға ниеттерін ояту

1. Нұсқаулық: Жүргізуші қатысушыларды екі топқа бөледі. Әр топ өздері ақылдасып бір кішкентай затты алақанға тығып ұстайды. Топтар бір –біріне қарсы қолдарын артына қаратып тұрып байқатпай затты бір-біріне береді. Тоқтат деп белгі бергенде қарсы топ ол не зат , ол кімде екенін анықтайды. Затты тапқанан кейін келесі топ жасырады.

2. Ойынды тоқтатып 3 топ құрастырады , түстер бойынша (қызыл, сары , жасыл түсті қағаздар парта астына алдын-ала жабыстырып қоямыз)

Ашық сұрақтар қою :

Мақсаты – бұрынғы алған білімдерімен байланыс және осы тақырыпқа зейіндерін шоғырландыру.

1. «Қалай оқу керектігін үйрену » модулін сіз қалай түсінесіз?

2. Сіз өз тәжірибеңізде оқушыларға қалай оқу керектігін үйренуде қалай көмек көрсетіп жүрсіз?

Таныстырылым жасау. ( уақыты 5 минут) Мақсаты: өтілген тақырыппен байланыс, жаңа тақырып бойынша қысқаша ақпарат беру.

«Қалай оқу керектігін үйрену » модулінің атауы «өзін өзі реттеу» үдерісіне жатады. Бұл үдерісте оқушылар метатану үдерісі арқылы түсіну , бақылау және оқу тәжірибесіне қадағалау жүргізу қабілеттерін дамытады. Қазіргі заманғы зерттеулерде оқушыларға мүмкіндік жасалған жағдайда ,олар өзінің оқуына асқан жауапкершілікпен қарауға қабілетті екендігі анықталған. Олар өздерінің оқуына саналы түрде қарайды, тапсырмаларды шешу үшін өзіндік әдіс тәсілдерді қолданады.Өзін-өзі реттеу мен метатанудың мұндай дағдыларын дамыту бұл балалардың саналы оқушы болып шығуларының кілті. Зерттеулер Марта Бронсон айқындаған өзін-өзі реттеудің төрт саласы : танымдық, әсершілдік, әлеуметтік және ынталандырушылық болып бөлінеді. Метатану аспектілерін санаттаудың( өлшеудің) үш құрылымын Флейвелл анықтады:

1. Білім алушы тұлға ретінде өзі туралы білімі

2. Мақсаттар мен тапсырмаларды білу, түсіну және бағамдау

3. Тапсырманы орындауға қажетті стратегияларды білу және бағалау

Тақырыптық жаттығу . Уақыты ( 45 минут)

Мақсаты:

Оқушылардың қалай оқу керектігін үйренуге қатысты оқыту әдістері мен тәсілдері жайлы теориялық біліммен қамтамасыз ету

Алгоритм

1. Нұсқау 2. Кеңістікті үлгі бойынша ұйымдастыру 3. Топтық жұмыс 4. Кері байланыс 5. Қорытынды

Сыныпта бейне жазба жүргізіліп жатқанын ескерту!

1 -тапсырма. Нұсқау

1-топ Метатану дегеніміз не, метатану аспектілерін сипаттау

тақырыбын оқу 33-34 бетте МАН

2-топ Ерте жастағы оқушылар метатануға қабілетті ме, өздігінен

реттелетін оқуды мұғалімдер қалай ынталандыра алады.

Тақырыбын оқу 34-35 беттер

3-топ Оқушылардың тәжірибесін пайдалану, оқушылардың пікірін

назарға алу тақырыбын оқу.35-36 беттер оқу (10 минут)

2 - тапсырма. Графикалық органайзер арқылы негізгі ұғымдарды жазып алу, топта талқылау (5 минут)

3 -тапсырма . Айналмалы бекет әдісі арқылы өз тақырыптарын басқа

топқа түсіндіру, графикалық органайзерлерін

толтырту.(20 минут)

2- сабақ. Өз бетімен оқу /өзін-өзі реттеудің 4 аспектісін көрсететін бейнежазбаларды қарау/

Сергіту сәті. « Велосипед шынжыры» әдісі. ( уақыты 3-10 минут)

Нұсқаулық:

екі топ ішкі және сыртқы шеңбер болып екі екіден жұптасып бір –біріне қарама қарсы тұрады. Ішкі шеңбер айналып өтілген тақырып бойынша жұптарына қысқаша мәлімет береді. Солай айналып өз орнына қайта келгенше қайталанады.

Мақсаты:

сілку, шашыраңқы назардан шоғырланған назарға өтуге көмектесу

4- тапсырма. Бейнеталдау әдісі (уақыты 40 минут)

Алгоритм

1.Талдау мақсаттарын белгілеу 2.Талдау критерийлерін беру 3. Бейне үзіндіні қарау 4.Топқа қойылатын сұрақ – қадағалау критерилері бойынша талқылау 5. Түйіндеу шешім 6. 3-5 тармақтарды қайталау 7. Жалпы қорытынды және одан әрі жасалатын әрекеттерге логикалық көпір

1.Мақсаты –. Оқушының қалай оқу керектігінің ,білім алу үшін эмоциялық , танымдық, ынталандырушылық, әлеуметтік өзін-өзі реттеуінің дәлелдерін тауып дағды қалыптастыру

2.Талдау критерийлері:

1.Оқушылардың қалай оқу керектігін білуі

2. Оқушының эмоциялық, танымдық, әлеуметтік, ынталандырушылық өзін-өзі реттелуінің негіздемесін жасау

Нұсқаулық : бұл сабақта жұптық жұмыс жасау тапсырылған.

1-топ бірінші бейнематериалдағы қатар отырған екі қыз бала бақылау және салыстыру , 2-топ бірінші бейнематериалдығы қатар отырған бір қыз және бір ер баланы бақылайды және салыстырады . 3-топ екінші бейнематериалдағы оң жақта отырған екі ер баланы бақылайды және салыстырады . 4- топ екінші бейнематериалдағы сол жақта отырған екі ер баланы бақылау және салыстыру

3.Бейнеүзіндіні қарау

4. Қадағалау критерийлері бойынша талқылау

1. Оқушылар осы сабақта қалай оқу керектігін түсініп отыр ма? Оны қайдан білдіңіз?

2. Оқушылардың эмоциялық, танымдық, әлеуметтік, ынталандырушылық реттелуінің дәлелдері

5. түйіндеу шешім

Өзін-өзі реттеу мен метатанымдық қабілеттерді дамыту баланың алғыр оқушы болуына ықтималдығының негізгі көрсеткіші болып табылатынын түсіндік

6.

Мұғалімдер жоғары саналы педагогикалық тәжірибе көмегімен осы салаға барынша мол үлес қоса алады

5 -тапсырма. Бейнеталдау әдісі ( уақыты 10-15 минут)

Мақсаты – теория мен практиканы талқылауға өз бетімен үйренудің дәлелі болып табылатын сыныптағы бір топтың білім алудағы іс әрекетін зерттеу . «Осы жерде және осы мезетте» жағдайында өзін сырттай бақылауға мүмкіндік береді. Кім қалай білім алуда? Бұл үзінді де Марта Бронсон айқындаған өзін-өзі реттеудің төрт саласы : танымдық, әсершілдік, әлеуметтік және ынталандырушылықты кімнің әрекетінен байқадыңыз? Кімнің әрекетін қай топқа жатқызар едіңіз?

6-тапсырма . Аралдар әдісі . Мақсаты: сабаққа қатысушылардың эмоционалдық жай күйін бағамдау. ( уақыты 5 минут)

Нұсқаулық. Оқушылар картаның тиісті ауданына сабақтан кейінгі эмоционалдық-сезімдік жай күйін көрсететін өз қайығын тиісті аралға бекітеді. Аралдар: үрей, мұң, сергектік,сүйсіну, ләззат, шабыттану,қуаныш, Бермуд үшбұрышы.

7-тапсырма . « Тілектер ағашы» әдісі.( Уақыты 10 минут ) Нұсқау : бүгінгі сабаққа қатысты ұсыныс тілектер жазады. Мақсаты: келесі сабаққа көпір жасау.

1. топ

2-топ

3-топ