Кум үстүндөгү волейбол оюнунун эрежеси

Кум үстүндөгү волейбол оюнунун эрежелери.

Кум үстүндөгү волейбол популярдуу спорттун бир түрү, кумдуу жерде бийик тордун эки жагында эки командага бөлүнүп топ менен ойношот, классикалык волейболдун элементтеринен бөлүнүп чыккан. Эл аралык волейбол федерациясынын эрежесине ылайык оюн периметри боюнча салынган 16 × 8 м, каптал жана арткы сызыктар менен чектелген, бийиктиги 12,5 м эч нерсе тоскоол болбогон аянтта ойнолот. Аянттын кеңдиги 5 метрден кем эмес эркин зонада (жөнөкөй оюндарда – 3 м, бийиктиги 7 м), тереңдиги 40 смден кем эмес кум төшөлгөн, торчо эркектер үчүн 2,43 м бийиктикте жана аялдар үчүн 2,24 м (торчонун эки чети ортосунан 2 см бийик болбоо керек) болгон бирдей эки бөлүккө бөлүнгөн аянтта ойнолот. Эки тараптан тең тордун капталында атайын антенналар менен чектелген: топ ушул мейкиндиктин ичинде учушу керек. Алар булгаары (же башка ушул сыяктуу материал,синтетикалык кожа) үйлөтүлгөн топ менен ойношот. Топтун диаметри: 66–68 см, салмагы: 260–280 гр. Ички басымы: 0,175-0,225 кг/см2(171-221 мбар же гПа). (волейбол тобунун салмагы-260-280 гр, айланасы 65-67 см, ички давлениеси 0.3-0.325 кг/см)

Борбордук сызык болбойт, калган баардык сызыктардын туурасы 5 см, ал кумдун тусунон айырмаланып турган ийкемдуу материалдан жасалат.