Кыргыз адабияты сабагы. Класстан тышкаркы окулуччу чыгармалар. Мидин Алыбаевдин “Китеп жана Эркинбек”, “Бардыгын билүүчү короз” аттуу сатиралары тууралуу иштелген сабактын иштелмелери

КЫРГЫЗ РЕСПУБЛИКАСЫНЫН БИЛИМ БЕРYY ЖАНА ИЛИМ МИНИСТРЛИГИ

ОШ ШААРДЫК БИЛИМ БЕРYY БАШКАРМАЛЫГЫ

ШААРДАГЫ № 52 “КЫРГЫЗ – ТYРК ДОСТУГУ” АТЫНДАГЫ МЕКТЕП - ЛИЦЕЙИ

МИДИН АЛЫБАЕВДИН «КИТЕП ЖАНА ЭРКИНБЕК» «БАРДЫГЫН БИЛҮҮЧҮ КОРОЗ» АТТУУ САТИРАЛАРЫНА

АЧЫК САБАКТЫН

ИШТЕЛМЕСИ

МУГАЛИМ: Илгиз Шамырзаев

ОШ ШААРЫ – 2018

Сабактын темасы: Мидин Алыбаевдин “Китеп жана Эркинбек” “Бардыгын билүүчү короз” аттуу сатиралары

Сабактын максаттары:

Сабактын тиби: аралаш сабак

Сабактын формасы: топ менен иштөө

Сабакта колдонулуучу методдор жана ыкмалар: интерактивдүү, дедуктивдүү

Сабактын башка илимдер менен болгон байланышы: тарых, кыргыз тили, искусство, адеп ж.б.

Сабактын жабдылышы: таркатма материалдар, слайд, видео ролик, ар кандай көрсөтмө куралдар, буклеттер, китептер ж. б.

Сабактын түзүлүшү

Уюштуруу 3 мүнөт: - Саламатсыңарбы, балдар?! Отургула! Баарыбыз китеп, дептер, ручкаларды жана күндөлүгүбүздү алып, сабакка даярданабыз. Ага чейин бүгүн сабакта ким нөөмөтчү? Бүгүн сабакта кимдер жок? Демек, баары толук, эң сонун! Анда баарыбыз сабакка киришүүдөн алдын эң алгач бүгүнкү сабагыбыздагы алтын эрежелер менен таанышып алалы.

Демек, бүгүнкү сабакта баарыбыз:

• Кол көтөрүп гана сүйлөйбүз;

• Мугалимдин сөзүн кунт коюп угабыз;

• Дептерлерибизге жазабыз;

• Уюлдук телефондорубузду үнсүз абалга келтиребиз!

• Бири – бирибизди сыйлап, бири – бирибизге тоскоолдук жаратпаганга аракеттенебиз.

Азыр болсо мен силерди бүгүнкү сабактын баалоо кыймылы менен тааныштырып койсом. Силер мында “БИЗ СҮЙГӨН САПАТТАР” деген жазууну көрүп турасыңар. Ал эми бул жерде кыргыз элинин улуттук буюмдарынын бири болгон куржунду көрүп турасыздар. Кызыгы, бул куржундун ичинде силерге берилүүчү упайлар топтоштурулган. Бүгүнкү сабакта мугалим тараптан берилген суроолорго туура жана так жооп берген окуучулар гана бул куржунга кол салууга укуктуу болуп саналат жана алар өз топторуна упай алып келишет.

Сабакка киришүү

Азыр болсо силер баарынар доскага чыккыла жана бөлүнгөн топ боюча тургула жана мен силерге азыр кагазда жазылган сөздү көрсөтөм ар бир топтон бирден окуучуга ал окуучу өз тобуна кагаздагы сөздү сөз эмес, үнсүз кыймыл же болбосо мимика менен аткарып берет, а силер таасынар, таап алган топторго жакшы упайлар берилерин эске алгыла

Жаңы темага киришүү 3 мүнөт: - Балдар, силер сатира дегенде эмнени ойлойснар, сатира дегенди кандай элестетесинер, андагы каармандар кимдер, буга чейин кандай сатираларды уккансынар?

Жаңы темага өтүү 18 мүнөт: - Демек, биз бүгүн силер менен биргеликте кыргыз адабияты сабагынан класстар тышкаркы окулуучу чыгармалар, анын ичинде Мидин Алыбаевдин “Китеп жана Эркинбек” “Бардыгын билүүчү короз” аттуу сатираларынын үстүндө кеп кылмакчыбыз. Датаны жана теманы жазабыз

ПЛАН №1. Окуучуларга Мидин Алыбаевдин өмүрү чыгармачылыгына байланыштуу болгон слайд көрсөтүлөт;

ПЛАН №2. Сатира тууралуу маалымат

Сатира адегенде элдик «күлкү» түрүндө пайда болуп, бара-бара искусствонун башка түрлөрүнө (адабият, театр, сүрөт өнөрү жана башкалар) да өткөн. Бүтүндөй чыгарма же чыгармадагы айрым образдар кырдаал, эпизоддор сатиралык мүнөзгө ээ болот. «Манас» эпосунда да сатиранын элементтери арбын учурайт. Эпосто эл турмушунун ар кандай күлкүлүү учурлары, кырдаалдары сүрөттөлүп, эпостун ыр саптарынан сатира менен юморду, сарказм менен иронияны жолуктурууга болот. Эпосто ар бир окуяда күлкүлүү көрүнүштөр, каармандардын кебете-кешпирлеринин сатиралык маанайдагы сүрөттөлүштөрү бар. Баатырлар башынан кечирген оор сыноолор, коогалуу окуялар сатиралык сүрөттөөлөр, күлкүлүү окуялар, көрүнүштөр менен эриш-аркак баяндалат, же окуя күлкүлүү аяктайт жана башкалар Мисалы, Чоң казатка аттанган жоокерлердин ичинен узак жол жүрүүдө чарчап кыйналган Кыргылчалдын абалы баштан-аяк сатиралык планда сүрөттөлөт. Тоодой болгон Манасты унутуп коюп, өлүп кала жаздаган Тазбайматтын жоругуна бүт кыргыз колу күлөт.

ПЛАН №3. Айрым сатиралык мультфильмдерден кыскача үзүндү видеодон көрсөтүлөт

Сатиралардын мазмунун окуйбуз

(Жогорудагы 3 пландын баары тууралуу слайддан маалымат көрсөтүлөт)

Бышыктоо (№1) 9 мүнөт. Азыр болсо мен силерге сатиралардын кызыктуу жерлеринен түзүлгөн сценарийлерди таркатып бермекчимин. Силер болсо ал сценарийлерди сахналаштыруу аркылуу теманы бышыктооңор керек болот.

Бышыктоо (№2) 5 мүнөт. Ар бир топко берилген сүрөттөрдөгү сатиранын кайсы бир жеринен чагылдырылган көрүнүштөрдү табуу жана ал боюнча айтып берүү

Баалоо жана кайтарым баалоо 2 мүнөт: Мугалим асыл сапаттарды бир четтен окуп, соң кайсыл топоун мүчөлөрү жеңгендигин белгилеп өтөт. Класска өзүнүн арнаган белегин тапшырат.

Үй тапшырмасын берүү 2 мүнөт: сатира жана сатира жөнүндө түшүнүк жана мындан сырткары дагы кошумча башка сатиралардан окуп келүү

Мугалим: - Ушуну менен биздин бүгүнкү сабагыбыз өзүнүн жыйынтыгына келип жетти, кайрадан кийинки сабактардан көрүшкөнчө саламатта баргыла!

Шамырзаев Илгизбек Каныбекович

“Мыкты мугалим” кароо – сынагу үчүн даярдалган ачык сабактын иштелмеси

Ош шаары - 2018