Кыргыз тили боюнча суроолор

Кыргыз тили боюнча суроо – жооптор

1. Кыргыз тилинде канча тамга бар?

• 36 тамга

1. Кыргыз тилинде канча тыбыш бар?

• 39 тыбыш

1. Кыргыз тилинде канча созулма үндүү тыбыш бар?

• 6 созулма үндүү тыбыш бар

1. Кыргыз тилинде канча йоттошкон тамгалар бар?

• 4 тамга (е, ё, ю, я )

1. Кыргыз тилинде канча жөндөмө бар?

• 6 жөндөмө бар ( атооч, илик, барыш, табыш, жатыш, чыгыш)

1. Сөздө канча муун болот?

• Сөздө канча үндүү тамга болсо ошончо муун болот.

1. Муундун канча түрү бар, алар кайсылар?

• 3 түрү бар. Ачык, жабык жана туюк.

1. Сөз эмнеден турат?

• Уңгу менен мүчөдөн турат.

1. Мүчөлөр канчага бөлүнөт?

• 2ге бөлүнөт.

а) Сөз жасоочу ( китеп-китепкана- китепканачы)

б) Сөз өзгөртүүчү ( китепти-китептен-китепте)

10.Уңгулаш зат атоочтор деген эмне?

-Уңгулары окшош болгон заттын атын билдирген сөздөр уңгулаш зат атоочтор деп аталат.

М: Чай-чайник-чайга-чайкана-чайканачы

11.Уңгулаш сын атоочтор деген эмне?

- Уңгулары окшош болгон заттын белгисин билдирген

сөздөр уңгулаш сын атоочтор деп аталат.

М: Чоң-чоңураак-чопчоң-чоңу

12. Уңгулаш сан атоочтор деген эмне?

- Уңгулары окшош болгон заттын санын билдирген сөздөр

уңгулаш сан атоочтор деп аталат.

М: Бир-бирден-биринчи-бирөө.

13. Уңгулаш этиштер деген эмне?

- Уңгулары окшош болгон заттын кыймыл-аракетин

билдирген сөздөр уңгулаш этиштер деп аталат.

М: кел- келдим-келчү-келээр-келебиз

14. Зат атооч деген эмне?

- Заттын атын билдирип Ким? Эмне? деген суроолорго

жооп берген сөздөр зат атооч деп аталат.

Мисалы: Ким? ата, мугалим, бала, кыз

Эмне? чөп , китеп, таш, күн, парта.

15. Ким? кимдер? деген суроолорго жооп берген заттар жандуу зат атоочтор деп аталат.

Мисалы: Ким?- бала, ата, окуучу, акын, врач

Кимдер?- кыздар, балдар, сүрөтчүлөр, мугалимдер

16. Жансыз зат атоочтор - Эмне? эмнелер? деген суроолорго жооп берген заттар жансыз зат атоочтор деп аталат.

Мисалы: парта, доска, машина, пияз

17. Энчилүү зат атоочтор деген эмне?

Адамдарга , айбанаттарга, жер- сууларга коюлган жеке аттары энчилүү зат атоочтор деп аталат.

Мисалы: Манас баатыр, Ош, Нарын дарыясы , Өзгөн.

18. Сын атооч деген эмне?

- Заттын сын- сыпатын, өңү- түсүн, дааиын, формасын, көлөмүн билдирип, кандай? деген суроолорго жооп берген сөздөр сын атооч деп аталат.

Мисалы: жакшы бала,кызыл гүл, таттуу алма, чоң топ.

19. Заттын өңү-түсүн билдирген сын атоочтор --заттын өңү-түсүн жайынча , салыштырып жана күчөтүп көрсөтөт.

Мисалы: Кызыл – кызылыраак – кызгылтым – кыпкызыл - өтө кызыл

Кара – карамтыл – карараак - капкара

20. Заттын формасын, көлөмүн , даамын билдирген сөздөр- заттын формасын, көлөмүн , даамын билдирип, оюбузду аныктап, тактап турат.

Мисалы: тоголок топ, бийик тоо, ширин коон.

21. Сан атооч деген эмне?

- Заттын санын , эсебин, ирээтин билдирип канча? нече? канчанчы? неченчи? деген суроолорго жооп берген сөздөр сан атооч деп аталат.

Мисалы: Төрт, беш, он, жүз, экинчи, токсонунчу, алтоо

22. Эсептик сан атооч деген эмне?

-Заттын санын , эсебин билдирип, канча? нече? деген суроолорго жооп берген сөздөр эсептик сан атооч деп аталат.

Мисалы: Канча? - үч, төрт, жүз. Нече? – он беш, отуз эки.

23. Иреттик сан атооч деген эмне?

- Заттын катарын билдирип, канчанчы?, неченчи? деген суроолорго жооп берген сөздөр иреттик сан атооч деп аталат.

Мисалы: Онунчу, алтынчы, экинчи, жүзүнчү.

24. Ат атооч деген эмне ? Зат атооч, сын атооч, сан атооч сөздөрдүн ордуна колдонулган сөздөр ат атоочтор деп аталат.

Мисалы: Мен, сен, ал, биз, силер, алар, ошол, бу, тигил, ошондой, тигиндей, андай, ошончо, ,ушунча ж. б.

25. Ат атоочтор канчага бөлүнөт?

- Экиге бөлүнөт.

1. Жекелик түрү

2. Көптүк түрү

26. Ат атоочтун жекелик түрү

Мен , сен, ал.

1-жак. Мен киного барам

2-жак. Сен киного барасың

3-жак. Ал киного барды.

27. Ат атоочтун көптүк түрү

Биз, силер, сиздер, алар.

1-жак. Биз бийледик

2-жак. Силер бийледиңер

3-жак. Алар бийлешти.

-