"Тату гаилә" темасына әдәби уку дәресе

Универсаль эшчәнлек төрләре:

шәхси: эшчәнлеккә әзерлек, башкаларны игътибар белән тыңлау;

коммуникатив: үз фикереңне төгәл һәм тулы итеп әйтә белү; укытучының һәм укучыларның үз иптәшләре белән укыту планында хезмәттәшлеге,

танып белү: сөйләмне аңлап төзи белү, рефлексия чаралары һәм шартлары;

уку эшчәнлеген оештыру- парларда, күмәкләп, үзлектән эшләү.

Дәрес барышы.

1. Эшчәнлеккә әзерлек.

1. Уңай психологик халәт тудыру.

- Исәнмесез, балалар! Хәлләрегез ничек? Кәефләрегез ничек? Конвертларыгыздан алып, үзегезнең хәзерге кәефегезне чагылдырган рәсемне тактага берәм-берәм чыгып беркетеп куегыз. (кояш, яңгыр, болыт). Кәефләрегез әйбәт икән, эшебезне башларга була, дип уйлыйм.

2. Белемнәрне актуальләштерү.

-Ә хәзер, укучылар, сез бер шигырь тыңлап китәрсез. Аны яраткан шагыйребез Г.Тукай язган. Игътибар белән тыңлыйбыз. Сүз кемнәр турында бара икән? (Әти-әни, бертуган абый, апа, сеңел)

-Әйе, укучылар, ә аларның бергә-бергә яшәве гаилә дип атала.

3. Уку максатын кую һәм уку мәсьәләсен адымлап чишү.

-Димәк, бүгенге дәрестә без нәрсә турында сөйләшербез?

-Әйе, бүген “Гаилә” темасына кергән сүзләрне искә төшерербез, кабатларбыз.

4. Беренчел ныгыту.

1. “Әйтеп бетер” уены.

Ә-...

Ба-....

Га-...

Се-...

Э-...

2. Рәсемнәр белән “Бу кем?” уены.

-Бу кем?

-Бу апа.

-Синең апаң бармы?

-Минем апам юк. Һ.б.

3. “Кем нишли” уены. Диалог төзү.

-Бу кем?

-Бу әни.

-Ул нишли?

-Ул тегә.

-Ул кем?

-Әни тегүче. Һ.б.

4. Физминутка. “Бармак” уены.

Бу бармак-бабай

Бу бармак-әби

Бу бармак - әти

Бу бармак - әни

Бу бармак- бәби,

Аның исеме-Чәнти!

5.“Кем тизрәк” уены.

Укучыларга түгәрәк ясалган квадрат битләр бирелә. Һәр укучы, шул түгәрәкне кулланып, берәр гаилә әгъзасын ясарга тиеш.

5. Эталон буенча үз-үзеңне мөстәкыйль тикшерү эшчәнлеге.

1. “Гаилә” уены. Уен 2 төркемгә бүленеп уйнала. 1 төркемгә түбәтәй, гәҗит, алъяпкыч, җеп бирелә. Укучылар гаилә әгъзасы булып киенергә, ә калган балалар алар турында җөмләләр төзеп әйтергә тиеш.

2.Рәсем буенча сөйләү. Өйгә гаилә турында рәсем ясап килергә кушылган иде. Әйдәгез, һәр төркемнән берәр укучыны тыңлап карыйк:

Бу - безнең гаилә. Гаиләдә 5 кеше: бабай, әби, әни, әти һәм мин. Бабайның исеме ....

7. Рефлексия, үзанализ эшчәнлеге (эш нәтиҗәләре).

- Бүгенге дәрестә нәрсә турында сөйләштек?

- Дәрес сезгә ошадымы?

- Кәефләрегез тагын да күтәрелдеме?

- Әйе, чөнки без дәрестә гаиләбез, якыннарыбыз турында сөйләштек һәм алар турында сөйләгәч, үзебезгә рәхәт булып китте, кәефләребез күтәрелде.