Абайдың "Қыс", "Жазғытұры" өлеңдері

Сабақтың  тақырыбы: Абайдың «Қыс», «Жазғытұры» өлеңдері

Сабақтың мақсаты: 1. Оқушылардың Абай Құнанбаевтың өмірі, оның шығармалары туралы білімдерін кеңейту. «Қыс», «Жазғытұры» өлеңдерінің мазмұны мен идеясын ашу

2. Оқушылардың сөздік қорын молайту, есте сақтау қабілетін дамыту, шығармашылық қабілетін жетілдіру.

3. Қоршаған ортаның тылсым сырларына қызықтыру арқылы туған елінің табиғатын сүйе білуге баулу, оған қамқоршы болуға тәрбиелеу.

Күтілетін нәтижелер:Топтық, диалогтік жұмыс арқылы білім алмасып, оқушылар бір-бірінен үлгі алады, нені қалай оқу керектігіне өзіндік тиімділігі артады, диалогтік қарым-қатынаста тыңдау және сөйлеу әдебіне көңіл аударады, дарынды оқушыны үлгі етеді, сыни көзқарасын білдіру арқылы сөз байлығы молаяды, өз бетінше ізденіп, жоба қорғауға үйренеді, ақын өлеңдерін мәнерлеп оқуға талпынады.

Сабақтың  түрі:         Жаңа білімді меңгерту

Пәнаралық байланыс: Музыка,  өзін-өзі тану, бейнелеу өнері

Қолданылатын әдістер:      Сын тұрғысынан ойлау стратегияларын қолданамын: қызығушылығын ояту, мағынаны ашу, « Жоба қорғау технологиясы», ойтолғаныс, АКТ, жас ерекшеліктеріне сай оқыту, талантты және дарынды балалардың сабақты терең меңгерулеріне ықпал жасаймын. Білім беру үшін және оқуды бағалау тәсілдері бойынша жиынтық бағалау, көшбасшы.

Керекті  жабдықтар:Оқулық,  интербелсенді  тақта, семантикалық карта, кеспеқағаздар, ватман, стикер, маркер т.б.

Сабақтың  барысы:

Ұйымдастыру кезеңі

Психологиялық ахуал туғызу

Мұғалім оқушыларға бір-біріне тілек айтқызады:

Кәне, достар, тұрайық.

Шеңберімізді құрайық.

Жақсы-жақсы тілектер

Бір-бірімізге сыйлайық!

Оқушылар қол ұстасып, бір-біріне жақсы тілектер білдіреді: «Бүгін мен саған сәттілік тілеймін, бес ал, жақсы жауап бер».

Бағалау парақшаларын тарату.

2.Үй тапсырмасын тексеру.

Оқушылардың өткен білімдерін тексеру үшін, семантикалық картамен жұмыс. Жауап парағы арқылы көршіңді тексер.

 «5»- 0 қате

«4» - 1 қате

«3»- 2-3 қате

Дарынды баламен жұмыс

Оқушы дайындап келген презентациясын  көрсетеді.

Жаңа сабақ:

 «Сыни тұрғыдан ойлау» арқылы жұмыс жүргізу. Оқушылар мультфильм тамашалайды. Мұғалім сұрақтар қояды.

-Балалар, бұл өлең қай ақынның өлеңі?

-Дұрыс айттыңдар, Абай Құнанбаевтың өлеңі екен.

Ұлы ақын табиғат аясында өсіп, оны сүйе білді. Абайдың «Желсіз түнде жарық ай», «Күз», «Қыс», «Қараша, желтоқсан мен сол бір - екі ай», «Жаз», «Жазғытұры» деген өлеңдерін оқығанда, табиғаттың әртүрлі құбылысы көзіңе елестейді. Жаратылыстың жайдары жазын, түсі суық тұманды күзін, не болмаса сақылдаған аязы мен қарлы боранын өзің көріп тұрғандай боласың. Сонымен, бүгінгі біздің сабағымыздың тақырыбы Абай Құнанбайұлының «Қыс», «Жазғытұры» өлеңдері.

Оқулықпен жұмыс

Өлеңдерді мәнерлеп оқу.

Мұғалім мәнерлеп оқиды. «Аялдамамен оқу» стратегиясы бойынша өлеңді тізбектеп оқушылар оқиды.

Оқушылар өлең мазмұны бойынша сурет салады.

         Оқушылар топ болып тапсырманы орындайды, ойын еркін жеткізеді, тақырыпты түсінеді. Топтағы бір оқушы суретті қорғайды.

Сергіту сәті

 Венн диаграммасын құрастыру.

1. «Жазғытұры» өлеңін  «Қыс»  өлеңімен салыстырады.

Синквейн: бес жолды өлең

1. Зат есім

2. Сын есім

3. Етістік

4. Сөйлем

5. Синоним

 Қорытынды. Рефлексия

Абай Құнанбайұлы кім?

Ақын қашан, қай жерде дүниеге келген?

Абайдың шын аты кім?

Кім оны Абай деп атап кеткен?

Абай қайда оқыған?

Жыл мезгілдеріне арналған қандай өлеңдер жазған?

Ақын қысты кімнің бейнесінде суреттеген?

Қыста балалар не істейді?

Жазғытұры жылдың қай мезгілін суреттейді?

Жан-жануар, адамзат жазғытұры мезгілін қалай қарсы алады?

 2.Суреттерге өз ойларын жазып, тақтаға іледі.

Үйге тапсырма          

«Қыс» , «Жазғытұры» өлеңдерін жаттау

Оқушылар күнделіктеріне жазып алады.

Бағалау   

Оқушылар бағалау критерийлер арқылы өздерін бағалайды.

Мұғалім қорытынды бағаны өзі қояды.