Ашық сабақ «Мен елгезек баламын»

Мұғалім: Каримова А.С.

Сынып: МДС «А»

Білім беру салалары: «Әлеуметтік орта» 
Бөлімдері: Өзін-өзі тану 
Тақырыбы: «Мен елгезек баламын» 
Мақсаты: Отбасы құндылығы, адамның бойындағы жақсы қасиеттері (шыншылдық, қамқорлық, адалдық, мейірімділік, ұқыптылық, әдептілік, тәртіптілік) туралы түсініктерін кеңейту. Бойларындағы жақсы қасиеттерін және отбасы мүшелеріне деген қамқорлық, жанашыр сезімдерін дамыту. Жақсылық жасай білуге тәрбиелеу. 
Құрал жабдық: ойыншық жүрекше, күннің бейнесі, ойыншықтар жинағы 
Мотивациялық қозғаушы 
Шаттық шеңбері. 
Үнтаспадан жағымды әуен естіліп тұрады. 
Тәрбиеші балаларды шеңберге тұрғызып: -«Қайырлы күн, балалар! Мен сендермен кездескеніме қуаныштымын. Қанеки бәріміз шаттық шеңберімізге жиналып, бір-бірімізге қуаныш сыйлап көрейікші. Ол үшін бір-бірімізге қарама қарсы тұрайық! Шын жүректен бір-бірімізге күлкі сыйлайық». 
-Балалар, мейірімді, шаттық тілектеріңе рахмет сендерге! 
Іздену-ұйымдастыу-шылық Әңгімелесу. 
-Балалар, «Өзін-өзі тану әлемінің» «Адам» аялдамысына келдік. Бұл аялдамадан біз қандай баламыз? деген сұраққа жауап тауып, жақсы бала болу үшін не істеу керектігін үйренетін боласыңдар. Қане, осы аялдамадағы суреттерге қарап, жағдаяттарды шешейік. Балалар суреттерді қарастырып, жағдаяттарды шешеді, сұрақтарға жауап береді. 
Әңгімелеу. 
- Балалар, Ә. Дүйсенбиевтің «Мен осындай адаммын» өлеңін тыңдайық. Балалар өлеңді мұқият тыңдайды. 
Мені ешкім жалқау демейді, 
Жұмысым бүгін көбейді. 
Әкем мен анам жұмыста 
Әжем де кеткен туысқа 
Жалғыз қалдым үйде мен 
Қорықпаймын бірақ мен 

Болдым да жинап төсекті 
Еңбекке бердім кезекті 
Тетігін ашып сулардың 
Гүлдерді жайлап суғардым 
Келтіріп үйдің сәнін де 
Ыдыстың жудым бәрінде 

Тамақ та түсте пісіп те 
Тойдырды қарнын күшік те 
Кінә тағады маған кім? 
Мен осындай адаммын! 

Балалар сұрақтарға жауап береді, өз ойларымен бөліседі. 
-Шығармадағы бала қандай бала? 
-Баланың қандай істерінен жақсы адам екенін білеміз? 
-Сендер үйлеріңде жақындарына қалай көмектесесіңдер? 
-Жақсылық отбасынан басталады. 
Олай болса «Қолғанаттар» ойынын ойнайық! 

Рөлдік ойын «Қолғанаттар» 
Тәрбиеші балаларды үш топқа бөледі. Әр топ өз тапсырмаларын орындайды: ойыншықтарды жинау, дастархан әзірлеу, жеміс-жидектерді жуып табаққа салу 
Балалар үш топқа бөлініп, тапсырмаларды орындайды. 

-Сендер нағыз қолғанат екенсіңдер! Рахмет. 

«Дәйексөз» 
Тәрбиеші балаларға «Жақсы бала қуаныш» деген нақыл сөзді бүгінгі сабақтың дәйексөзі ретінде түсіндіреді. Жақсы бала жақсы істерімен ата-анасын, туған туыстарын, жақындарын, достарын қуантады. 

Коллаж-жоба. 
Балалар, сендердің әрқайсың жақсы адам екендеріне сенімдімін. Жақынырақ келіп, үстелдің үстінен жақсы баланың істері бейнеленген суретті таңдап алыңдар. Содан кейін сол суретті күн шуақтарына жабыстырп, неге сол суреттегі балаларды жақсы деп ойлайтындарыңды айтыңдар. 

Ойын –жаттығу. 
«Мен –жақсы баламын!» 
Балалар, біз бір қызықты ойын ойнайық. Ойын «Мен –жақсы баламын!» деп аталады. Ол үшін барлығымыз жайғасып, ақырын: «Мен –жақсымын!» деп айтайық. Енді біраз көтеріліп, қаттырақ : «Мен- ең жақсымын!»- деп айтайық. Тік тұрып, еңсемізді көтеріп, қатты: « Мен-жақсы баламын!» -деп айтайық. Тамаша! Енді кері айтып көрейік. 

Дәптермен жұмыс жасау.

Тапсырма: суреттерге қарандар. Адамдарға қандай көмек қажет деп ойлайсындар? Әңгімелеп беріндер. Суреттерді бояндар.

Сергіту сәті. 
Мынау-менің жүрегім, 
Бәрі осыдан басталған. 
Мынау -басым ақылды 
Бәрін осы басқарған. 
Мынау -менің оң қолым 
Мынау -менің сол қолым 
Барлық істі атқарған. 

Шығармашылық жұмыс 
Балаларға қолдан жүрекшелер жасауды ұсынады. 

Ғажайып сөздер. 
«Жақсы бала-қуаныш», 
«Жақсы адам адал болады», « Мен жақсы баламын», «Жақсылық отбасынан басталады"

Рефлексивті-түзеуші 
Қорытындылау. 
«Жақсы бала» деген атыңа лайық болу үшін біз әдепті, қамқор, адал, шыншыл, көмек көрсетуге дайын болуымыз керек. Сендер жақсы қасиеттеріңмен сыйлы, сүйкімді боласыңдар. 
-Жақсы бала болу үшін қандай қасиеттер қажет екен? 
Жүректен жүрекке 
Тәрбиеші балалармен шеңберге тұрып балаларға алғысын білдіреді. 
Балалар өз ойларын қорытындылайды. 
Күтілетін жауаптар: шыншылдық, өтірік айтпау, бір-бірімізге көмектесу, қамқор болу, адал болу. 
Балалар шеңберге тұрады. Ойыншық жүрекшені бір-біріне ұсынып, жасаған қамқорлығы, сыйлаған қуанышы үшін алғыс айтады 
Күтілетін нәтиже 
Білуі немесе хабардар болуы: адамның бойындағы жақсы қасиеттер 
Қалыптасқан әдет: өз ойларымен бөлісе алу, қорытындылай алу 
Істей білуі: адамдарды сыйлау, адал болу, өтірік айтпау, қамқор болу