Ашық сабақ. "Шынықсаң шымыр боласың"

САБАҚ: Қазақ тілі

Мектеп: Қазақстанның Зияткерлік «Бәйтерек» мектебі.

Мұғалімнің аты-жөні: Г.Х.Зиябекова

Сынып: 5 «А», «Б», Т1

Қатысқан оқушылар саны:

Қатыспағандар:

Бөлім атауы:

Бос уақыт және хобби

Сабақтың тақырыбы

Шынықсаң шымыр боласың

Жүзеге асатын оқу мақсаттары

5.1.3.4. Тыңдалған мәтіннің мазмұнын түсіну, негізгі және қосымша ақпаратты анықтау ;

5.1.5.6. Тыңдалған мәтін мазмұны негізінде сұрақтарға жауап беру, көтерілген мәселе бойынша өз ойын білдіру ;

Сабақтың мақсаты

Барлық оқушылар:

Мәтін мазмұнын түсінеді. Мәтіндегі негізгі ақпаратты анықтайды.

Көптеген оқушылар:

Мәтін мазмұнын түсініп, негізгі және қосымша ақпаратты анықтайды, сұрақтарға жауап береді.

Кейбір оқушылар:

Мәтін мазмұнын түсініп, негізгі және қосымша ақпаратты анықтайды, сұрақтарға жауап беріп, көтерілген мәселеге өз ойын білдіреді

Бағалау критерийлері

Білім алушы:

• Мәтіндегі негізгі ақпаратты анықтай алады;

• Мәтіндегі қосымша ақпаратты анықтайды;

• Сұрақтарға жауап береді;

• Мәтін бойынша көтерілген мәселеге өз ойын білдіреді;

Тілдік міндеттер

Оқушылар орындай алады:

Мәтінді түсінеді, жалпы және негізгі сұрақтарға жауап береді, көтерілген мәселеге өз ойын білдіреді, топтасып жұмыс жасайды,пікір алмасады.

Пәнге қатысты сөздік қор мен терминдер:

Спорт, салауатты өмір салты, денсаулық, шымыр, т.б.

Талқылауға арналған сұрақтар:

1. Сен спортты жақсы көресің бе?

2. Бос уақытыңда қандай спорт түрімен айналысқанды ұнатасың?

3. Қандай спортшыларды білесіңдер?

Құндылықтар

Денсаулық - зор байлық

Осыған дейін меңгерілген білім

Бос уақытта саяхаттау пайдалы

Жоспарланатын уақыт

Жоспар бойынша орындалуы тиіс іс-әрекеттер

Дереккөздер

Сабақтың басы

7 мин

Сәлемдесу. Ұйымдастыру кезеңі.

Оқушылармен түсті қағаздарды таңдап, екі топқа бөлінеді.

Үй тапсырмасын сұрау

Саяхаттағың келетін ел туралы әңгімелеу.

Оқушылар жұмбақтың жауаптарын тауып, сабақтың тақырыбын болжайды.

Жып- жылтыр, жалпақ бір

Жатыр көк айна

Жүгіріп, жығылып,

Жұлынып, сонда ойнап,

Тек тайма! (мұз айдыны)

Тепсең -ақ секіріп,

Ұстатпай қашады.

Бір жерге бекініп

Тұра алмай сасады. (доп)

Даңғыл жол етемін,

Тілгілеп ақ қарды

Шарықтап кетемін

Қапталды,

Шатқалды. (Шаңғы)

Табанға қанжар байладым,

Бетінде айна ойнадым (коньки)

Оқушыларды сабақ тақырыбы мен оқу мақсаттарымен таныстыру

Үлестірме қағаздар

Сабақтың ортасы

7 мин

10 мин

5-минут

4-минут

5 мин

ТЫҢДАЛЫМ

1. тапсырма

Оқушылар мәтінді мұқият тыңдап, мәтін бойынша сұрақтарға жауап береді.

• Мәтіндегі кейіпкеріміз қай кезден бастап спортпен айналысқан?

• Спортты жақсы көру оның сабағына кері әсерін тигізді ма?

• Мектеп оқушыларының спортты жақсы көруіне кімнің әсері болды?

1. Тапсырма

Оқушылар мәтінді оқып, мәтіннен негізгі және қосымша ақпаратты табады. Мәтін мазмұнына сай сұрақтар құрастыра отырып, бір - бірінің сұрақтарына жауап береді (әр топ екі сұрақ құрастырады).

Менің атым – Еркін. Мен бос уақытымда спортпен айналысамын. Әр адам спортпен айналысуы керек. Спортпен айналысқан адамның денсаулығы мықты, көңіл-күйі көтеріңкі болады. Менің отбасымда анам мен әкем бізді үнемі спортпен айналысуымызды қалайды. Күнде таңертең ерте тұрып, түрлі жаттығулар жасаймын. Спорттың адам денсаулығына қаншалықты пайдалы екенін, оның адам өмірін ұзартатынын білеміз. Соның барысында мектепте түрлі спорттық үйірмелер жұмыс атқарады. Атап айтсам, бокс, волейбол, баскетбол, футбол, сонымен қатар шахмат, ұлттық ойын түрлері тоғызқұмалақ үйірмесі ұдайы жүргізіледі.

Солардың ішінде мен баскетбол үйірмесіне қатысып келемін. Біздің мектептегі баскетбол үйірмесін Байназаров Бахтияр ағай басқарады. Үйірмеге мектебіміздің жоғары сыныбының ұлдары қатысады. Күнделікті белгіленген уақытта ағайымызбен бірге жаттығулар жүргіземіз. Баскетболдан аудан, облыс көлеміндегі турнирлерге қатысып тұрамыз. Атап айтсам, ауданымызда өткізілген жасөспірім ұлдар арасындағы облыстық ашық біріншілігінде командамыз арнайы дипломмен марапатталды. Биыл мектебіміздің ұлдары аудандық біріншілікті жеңіп алды. Мен болашақта Қазақстанның намысын қорғаймын.

Бірінші байлық – денсаулық деген, ал сол денсаулықтың кепілі – спорт. Онымен тұрақты шұғылданған адамның денсаулығы мықты болады. Бұл сөз кезегінде жақсы оқуға жемісті еңбект етуге деген ынта–жігерді арттырады. Елбасымыз қазіргі жастардың болашағына зор сеніммен қарап, үміт артады. Яғни, дені сау, білімді де, білікті жастарды көзге елестетеді. Өзіммен қатар құрдастарымды спортпен айналысуға шақырамын.

Ұлы ойшыл Сократ: «Байлық та, атақ та, даңқ та адамды шын бақыттты ете алмайды. Дені сау кедей, ауру патшадан бақыттырақ» -деп айтқандай, адам бақытты болуы үшін оған денсаулық керек. Ал, денсаулықтың кепілі салауаттылық. Дені сау, жан-жақты дамыған, жаны сұлу адам ғана мәнді де салауатты ғұмыр кешеді. Салауатты өмір салтын ұстанайық , достар!

Дескриптор:

• Мәтіннің мазмұнын түсінеді

• Мәтіннен қосымша ақпаратты анықтайды

• Мәтіннен негізігі ақпаратты анықтайды

• Сұрақтар құрастырады

• Сұраққа жауап береді

1. Тапсырма

Мәтіннен берілген үзінді бойынша әр топ өз дәлелдемелерін келтіреді

1-топ. Байлық та, атақ та, даңқ та адамды шын бақытты ете алмайды.

2-топ. Дені сау - кедей, ауру патшадан бақыттырақ.

Дескриптор:

• Көтерілген мәселені талқылайды

• Өз ойларын дәлелдейді

Сергіту сәті:

Оқушылар бір- біріне жылы лебіздерін білдіреді

1. Тапсырма

«Аукцион»  ойыны. Шарты: цифрлар(яғни балдар) жазылады, оның артында сұрақтар. Топтың кез –келген мүшесі санды таңдайды, сұрақ ашылады, жауап беріледі.

10 Мәтін не туралы?

20 Мәтінде қандай ойшыл өз пікірін айтты?

30 Мәтінде кездескен жас, кедей сөздерінің антонимдерін ата

5 Мәтіндегі кейіпкер қандай үйірмеге қатысып жүр?

10 Мәтіндегі кейіпкердің аты кім?

20 Адам баласы спортпен не үшін шұғылданады?

50 Мәтінде спорттың қандай түрлері айтылды?

50 Салауатты өмір салты дегеніміз не екен?

5 Денсаулыққа пайдалы заттар мен зиянды заттарды ата?

30 Еліміздегі қандай атақты спортшыларды білесің?

Сабақты бекіту

«Тұлғаны таны» әдісі арқылы сабақты бекітемін. Оқушылар өз ойын айтып, Жақсылық Үшкемпіровтің Қазақ елі үшін орны ерекше адам екенін жеткізіп, сол кісі сияқты атақты болуға еңбектену керепіз!

аудиожазба

Сабақтың соңы

2 мин

Кері байланыс

Оқушылар түрлі түсті қағазға келесі мәліметті жазады:

Не білдім?

Не үйрендім?

Қандай кедергілер болды?

Сұрағым бар

Сабақтағы көңіл-күйім

Үйге тапсырма: Саған ұнайтын спортшы туралы ақпарат жинау

Қарындаш

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс
Құндылықтармен байланыс (тәрбиелік элемент)

Берілетін тапсырма, күтілетін нәтиже, қолдау, берілетін уақыт, қолданатын дерек көздеріне байланысты бөліп оқыту.

Топта бірлесіп оқыту.

Оқушының барлығы Оқушылардың көбісі

Тапсырмалардың өзара байланысты болуына баса назар аударылады.

Жұмыс нәтижесі жетістік критерийлері арқылы бағаланады.

Пәнаралық байланыс – тарих

Интерактивті тақта сабақ материалдарын демонстрациялау мақсатында қолданылады.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.

Сабақ/оқу мақсаттары жүзеге асты. Оқушылар белсенділік танытты.

Оқу атмосферасы жағымды болды. Саралау принциптері жүзеге асты.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?