Балабақшадағы таңертеңгілік жаттығулардың жобасы

Жоба авторы:

Алибай Маржан Исембайқызы

Жоба тақырыбы:

«І кіші топ балаларына арналған таңертеңгілік жаттығу»

Бала туылғанда ақ қағаздай болып таза туылады, оның бетіне шимайды қалай салсаң солай шығады, Бала тәрбиесі сол сияқты, өзің қалай тәрбиелесе солай тәрбиеленеді.”  Ж.Ж.Руссо

Жобаның өзектілігі: Қазіргі заман талабына сай ұрпақ тәрбиелеу үшін қойылатын талаптар күрделене түсуде. Балалардық психикалық және физикалық жағдайы ерте жастан қалыптасатындықтан, бала денсаулығына немқұрайлы қарауға болмайды. Жас ұрпақтың денсаулығының нашарлауы соңғы жылдары өзекті мәселе болып келеді.

Мақсаты: Балаларға таңертеңгілік жаттығуларды жасату арқылы, балалардың белсенділігін арттыру, қимыл-қозғалыстарын жетілдіру, балаларды жылдамдыққа, шапшаңдыққа үйрету.

Күтілетін нәтиже:

Таңертеңгі жаттығу арқылы балаларда ұйқышылдық азайып, эмоционалдық өрлеу басталады, қабілеттілігі артады. Балалар тәртіпке үйренеді.

Жалпы дамыту жаттығулары. I кіші топ

«Сылдырмақпен»

Б.қ. Аяқ алшақ, сылдырмақ төменде;

1-2 сылдырмақты жоғары көтеріп сылдырату;

3-4 б.қ. (4 рет)

1-2 сылдырмақты алға созу;

3-4 артқа тығу;

Б.қ.

1-4 отырып сылдырмақты тізеге соғу;

5-6 б.қ. келу; (3рет)

Сылдырмақпен жүгіру (10сек)

Таңертеңгілік жаттығу балаларды ақыл- ой адамгершілік, еңбек және эстетикалық жағынан тәрбиелеу жұмысын жүзеге асыруға, олардың сергек, шат көңілді және кұні бойы белсенді болуларына ықпал етуі тиіс. Таңертеңгі жаттығу балаларды сауықтыру мен тәрбиелеудегі бағалы құрал болып табылады. Таңертеңгі жаттығумен жүйелі айналысушылар да ұйқышылдық жоғалады, эмоционалдық өрлеу басталады, қабілеттілігі артады. Балаларды тәртіптендіреді.

«Қуыршақпен ойнаймыз»

Б.қ. тік тұру, аяқ алшақ, қуыршақ төменде;

1-2 қуыршақты алға ұстау, жоғары көтеру;(3рет)

3-4 б.қ;

Аяқ алшақ, қуыршақ алда;

1-2 денені оңға ,солға бұру, б.қ. келу;

Б.қ. қуыршақты кеудеде ұстау;

1-4 алға еңкею- «Қуыршақтар билейді»;

5-6 б.қ. келу; (3рет)

Б.қ. 1-2- отырып қуыршақты еденге қою;

3-4 тік тұру;

Қуыршақпен оңға, солға айналу (2реттен)

«Жануарлар қимылына еліктеу»

«Қоян»- екі аяқпен орнында оңға, солға бұрыла секіру;

«Қасқыр» - шеңбер бойымен топтасып жүгіру;

«Аю»- аяқ сыртымен жүру;

«Түлкі»- баяу , тоқтап басын оңға, солға бұрып жүгіру;

Қорытынды:

Қорыта айтқанда балабақшадағы таңертеңгілік жаттығулардың ерекшелігі- баларды дұрыс қимылдауды үйренеді. Бұл жағдайда балалар кеңістіктегі орнын бағдарлай біледі, тәрбиеші ұсынған қимылдарды орындайды. Біз педагогтар қауымы балалармен балабақшаға келген күннен бастап, нәтижелі жұмыс жасасақ дені сау, салауатты өмір салтын ұстанатын тұлға тәрбиелейміз- деген сенімдеміз.