"Чечеген ёмакълар" загадки

Чечеген ёмакълар ( загадки)

1. Дёгерей, дём - дёгерек,

Ойнама гьаман герек,

Сувда юзе, гьеч батмай

Ташласанг , ерде ятмай ( топ)

1. Алтын тюсде териси,

Бек гьиллачы гьариси.

Иссиде ва сувукъда,

Гьайы бола тавукъда ( тюлкю)

1. Язбаш булан гелелер,

Яйда да тура бизде

Оланы яшлар сюе,

Оьзлер гетелер гюзде ( къарлыгъач)

1. Къаркъарасы –дёгерек,

Опурагъы - тегенек ( кирпи)

1. Абзар алдан тайышмай,

Сюек –саякъ ашаву

Мишик булан къыйышмай

Ону бир де яшаву ( ит)

1. Болса да уллу гёзлю

Гюндюзлер гёрмей оьзю ( кикимав)

1. Оьзюн сувдан чыгъара.

Сув тийсе, ирип къала

Аччы, тек аз къошулса

Аш бек татывлу бола ( туз).

1. Бир къуйругъу, бир гёзю,

Опуракъ тиге оьзю ( ине)

1. Тереклерде яшай

Гиччи къозлар ол ашай ( атъялман)

1. Къышда къарны ирите,

Язбашда исси эте,

Яйда эпсиз яллата,

Емиш бишире гюзде ( гюн)

1. Уьстю яшыл от йимик,

Ичи къызыл нар йимик ( харбуз)

1. Эки агъа –ини янаша яшай,

Тек бири- бирин гёрмей ( къашлар)

1. Авазын да гелтире,

Адамын да гелтире ( телевизор)

1. Исси уьйде тёрде ята,

Бутун –къолун узата,

Бир де чечилмес тону.

Таныймысыз сиз ону? (мишик)

1. Бек сабур гьайван, тюзю,

Тувмадан тонкъу оьзю.

Ачувланса, оькюре.

Эпсиз яман тюкюре (тюе)

1. Авазы бар, авзу ёкъ,

Юрюй, тек аягъы ёкъ (ел)

1. Къапгъачлы - къазан тюгюл,

Сувда яшай- балыкъ тюгюл (такъалыбакъа)

1. Къаркъарасы - дёгерек,

Опурагъы - тегенек (кирпи)

1. Ювукъдан къарайман,

Оьзюм йылайман (согъан)

1. Акъ мамукъдай сувукъда,

Сув агъа от ювукъда.

Къышда къыр ондан тола,

Яшлагъа йыбанч бола (……………)

1. Тереклерде яшай,

Гиччи къозлар ол ашай,

Яш гёрсе де къача,

Бутакълардан ол уча (………….)

1. Гийген ала опуракъ,

Салгъан башына таракъ,

Гьар гюн тангда йырына

Уяна бары да халкъ (………….)

1. Сувда да юзе,

Балыкъ да тюгюл,

Къапкъачы да бар,

Къазан да тюгюл (…………)

1. Тийсе шишдире хабып,

Кёрпедей болуп оьсе .

Язбашда къызлар табып,

Челеклерине гесе (…………)

1. Къарасанг топгъа ошай,

Тегенекли тон гие,

Оьзю авлакъда яшай,

Атын айтма ким башлай? (…………)

1. Пос мыйыкълы , биз тырнакъ,

Оьзю эпсиз оюнчакъ,

Турушу печни яны,

Таныймысан, сен ону? (……………..)

1. Бары да ерни акъ шаршав япгъан

(………..)

1. Еллер сызгъыра,

Боран къутура,

Бары да ерни

Къардан толтура,

Къатты сувукълар,

Бузлагъан сувлар,

Чакъны бу атын,

Ким айтма болар ? (……………)

1. Кюл тюсде бола яйда,

Акъ бола январь айда,

Къысгъа бола къоллары,

Айланч бола ёллары (……….)

1. Сызгъыргъанда хохайып,

Гёбюп де йибереген,

Недир? Къанатын яйып,

Жабарны сибиреген (…………..)