Для перевода текст

Текст для перевода

Ёhо заншалаа сахия!

Ямаршье арад зон галаа хүндэлдэг заншалтай. Урда сагhаа манай эжы абанар галаа унтараахагүй гэжэ галаа согтойнь манажа байдаг hэн юм. Тэрэ үедэ зуруул үгы, үглѳѳгүүр эртэ тэрэ согоороо галаа hэргээдэг байгаа. Галгүйгѳѳр хүн ажаhуужа шадахагүй.

Галай хүсѳѳр хүн хоолойгоо тэжээдэг, бэеэ дулаасуулдаг. Тиимэ hэн тула эртэ урда сагай хүнүүд гуримтайгаар гал гуламтаяа сахижа ябаhан юм. Хүн бүхэн гал гуламтадаа тон наринаар хандаха ёhотой байгаа.

Галда муухай юумэ оруулхагүй, муу түлеэ түлихэгүй, уhа адхахагүй гэхэ мэтэ болоно.

Галдаа хурса үзүүртэй түлеэ түлихэгүй – гал заяаша айха. Хутага гал тээшэ хуруулан табижа болохогүй, галайнгаа амhарые, хаалтыень хүлѳѳрѳѳ үдьхэлэн хаажа болохогүй. Галай үнэhэ худхажа, галай улаан сог шангаар сохижо болохогүй – гал заяаша зобохо.